ອີງຕາມສຳນັກຂ່າວຈີນລາຍງານເມື່່ອວັນທີ 1 ພະຈິກຜ່ານມານີ້ວ່າ ເວລາປະມານ 13:30 ໂມງ ຢູ່ທີຖະໜົນອູ່ຫຼິນຊີລູ່ ເຂດກວາງເຈີ ເມືອງໜານຜິງ ມົນທົນຝູຈຽນ ເກີດເຫດລົດແກ່ໄມ້ ຄັນໜຶ່ງ ທີ່ແກ່ໄມ້ໄຜ່ຍາວ ມາເຕັມຄັນລົດ, ຕໍ່ມາໄດ້ເກີດເຫດການບໍ່ຄາດຄິດຄື ໄມ້ນັ້ນໄດ້ຟົ້ງສຽບເຂົ້າທ້າຍລົດໂດຍສານປະຈຳທາງ ທີ່ກຳລັງແລ່ນຢູ່ ຈົນເຮັດໃຫ້ແກ້ວລົດແຕກ ໂຊກດີທີ່ບໍ່ມີຜູ້ໂດຍສານຫຼາຍ ຈຶ່ງເຮັດໃຫ້ບໍ່ມີຜູ້ໄດ້ຮັບບາດເຈັບ
ຜູ້ເຫັນເຫດການເລົ່າວ່າ ເຫດການດັ່ງກ່າວເກີດຂຶ້ນໃກ້ປໍ້ານໍ້າມັນແຫ່ງໜຶ່ງ ໂດຍລົດທັງສອງຄັນບໍ່ໄດ້ບໍ່ໄດ້ຊົນກັນ ແຕ່ມີໄມ້ໄຜ່ຈຳນວນໜຶ່ງທີ່ຫຼຸດອອກມາແລ້ວຟົ້ງເຂົ້າສຽບທ້າຍລົດໂດຍສານປະຈຳທາງ ຈົນເຮັດໃຫ້ທະລຸເຂົ້າໄປໃນລົດ ແລະໄມ້ອີກຈຳນວນໜຶ່ງຕົກລົງຕາມຖະໜົນ ເຮັດໃຫ້ກີດຂວາງເສັ້ນທາງສັນຈອນ, ເຈົ້າໜ້າທີ່ຕຳຫຼວດບອກວ່າ: ສາເຫດຂອງການເກີດເຫດຄັ້ງນີ້ ແມ່ນອາດເກີດຈາກວິທີການຈັດໄມ້ໄຜ່ບໍ່ເໝາະສົມ ຈຶ່ງເຮັດໃຫ້ໄມ້ໄຜ່ຫຼຸດອອກກມາ ຈົນເກີດເຫດດັ່ງກ່າວ