ໄລຍະນີ້ອາກາດປ່ຽນແປງຕະຫຼອດບຶດຮ້ອນ, ບຶດໜາວ, ບຶດຝົນຕົກ ຄົນທີ່ມີສຸຂະພາບທີ່ແຂງແຮງກໍ່ກັບມາອ່ອນແອລົງ ທັງເປັນຫວັດ, ເປັນໄຂ້ ຫຼື ມີອາການເຈັບຄໍ ໃຫ້ກັງວົນໃຈ ການບັນເທົາອາການເຈັບຄໍແບບໄດ້ຜົນປະຢັດເຮັດໄດ້ງ່າຍ ແລະ ທີ່ສຳຄັນ ເປັນສູດຈາກທຳມະຊາດມາຝາກນຳກັນ.
ວິທີ ທີ1: ນໍ້າ + ເກືອ: ໂດຍການໃຊ້ນໍ້າອຸ່ນ 1 ຖ້ວຍ + ເກືອ ¼ ບ່ວງຊາ ນຳມາບ້ວນປາກແລ້ວ ຄາຍຖິ້ມນໍ້າອຸ່ນ ແລະເກືອຈະຊ່ວຍ ຫຼຸດເຊື້ອແບັກທີເຣຍຕົວຮ້າຍ ຈິ່ງ ຫຼຸດອາການເຈັບຄໍໄປແດ່.
ວິທີ ທີ 2: ນໍ້າເຜີ້ງ + ໝາກນາວ + ຂີງ + ນໍ້າ: ສຳລັບໃຜທີ່ເຈັບຄໍຫຼາຍແດ່ລອງໃຊ້ນໍ້າເຜີ້ງ 1 ບ່ວງຊາ + ນໍ້າໝາກນາວປະມານປ່ຽງໜຶ່ງ + ນໍ້າຂີງ 1 ບ່ວງຊາ + ນໍ້າອຸ່ນ ຫຼັງຈາກນັ້ນ ນຳມາບ້ວນປາກຈັກ ໜ້ອຍໜຶ່ງ ເພາະນໍ້າເຜີ້ງຊ່ວຍກຳ ຈັດເຊື້ອໄວຣັດ ແລະແບັກທີເຣຍທີ່ມາສ້າງຄວາມລະຄາຍເຄ່ືອງໃຫ້ ກັບຄໍ ແລະໝາກນາວຊ່ວຍໃຫ້ຄໍ
ຊຸ່ມຊື່ນຊ່ວຍໃນເລື່ອງການຮັກສາໂລກພູມແພ້.
ວິທີ ທີ3: ຂີ້ມີ້ນຂຶ້ນ + ເກືອ + ນໍ້າ: ໂດຍການເອົາຂີ້ມີ້ນຂຶ້ນທີ່ບົດແລ້ວ ຫຼື ເປັນຜົງກໍ່ຈະສະດວກດີມາໃຊ້ 1ບ່ວງຊາ + ເກືອ 1 ບ່ວງຊາ + ນໍ້າຮ້ອນ 1 ຖ້ວຍ ເອົາມາປະສົມກັນແລ້ວນຳມາບ້ວນປາກຈັກໜ້ອຍໜຶ່ງ ເພາະຄຸນສົມບັດຂອງຂີ້ມີ້ນ ຂຶ້ນມີສານຕ້ານອະນຸມູນອິດສະຫຼະເປັນຢ່າງດີ ສ່ວນເກືອກໍ່ຈະຊ່ວຍຢັບຢັ້ງເຊື້ອແບັກທີເຣຍ ຊຶ່ງຈະຊ່ວຍບັນເທົາອາການເຈັບຄໍໄດ້ດີເຊັ່ນກັນ.
ຂຽນໂດຍ ບຸນເພັງ ມົວ
ຂໍ້ມູນຈາກ: http://www.sedthakid.la/
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!