spot_img
Homeຂ່າວການພັດທະນາ10 ປະເທດອາຊຽນ ຮ່ວມປຶກສາຫາລືບັນດາເອກະສານສະຖິຕິອາຊຽນ

10 ປະເທດອາຊຽນ ຮ່ວມປຶກສາຫາລືບັນດາເອກະສານສະຖິຕິອາຊຽນ

Published on

ບັນດາຄະນະ ກຳມາທິການສະຖິຕິ 10 ປະເທດອາຊຽນ ພ້ອມດ້ວຍກອງເລຂາອາຊຽນ ແລະ ບັນດາຜູ້ແທນອາຊຽນ ໄດ້ເຂົ້າຮ່ວມກອງປະຊຸມ ຄະນະກຳມາທິການສະຖິຕິອາຊຽນ ຄັ້ງທີ 6 ໃນວັນທີ 1 ພະຈິກ ນີ້ ທີ່ນະຄອນຫລວງວຽງຈັນ, ເຊິ່ງເປັນກອງປະຊຸມວົງແຄບພາຍໃນ 10 ປະເທດອາຊຽນ ເພື່ອປຶກສາຫາລື ແລະ ຮັບຮອງເອົາບັນດາ ເອກະສານທີ່ສຳຄັນຕ່າງໆ ກ່ຽວກັບວຽກງານສະຖິຕິອາຊຽນ.
ທ່ານ ສະໄໝຈັນ ບຸບຜາ ຫົວໜ້າສູນສະຖິຕິ ແຫ່ງ ສປປ ລາວ ໄດ້ໃຫ້ຮູ້ວ່າ: ໃນກອງປະຊຸມຄັ້ງດັ່ງກ່າວນີ້, ແມ່ນຈະໄດ້ມີການຮ່ວມປຶກສາຫາລື, ປະກອບຄຳຄິດຄຳເຫັນ ຈາກບັນດາຫົວໜ້າສູນສະຖິຕິ ທັງ 10 ປະເທດອາຊຽນ, ພ້ອມທັງຈະໄດ້ມີການຮັບຮອງເອົາບັນດາ 7 ເອກະສານກ່ຽວກັບວຽກງານສະຖິຕິອາຊຽນ ເຊັ່ນ: ເອກະສານທີ 1 ກ່ຽວກັບ ບັນດາດັດຊະນີໝາຍຕ່າງໆ ທີ່ຈະຕ້ອງມີການ ຕິດຕາມຄວາມຄືບໜ້າ ໃນການຈັດຕັ້ງປະຕິບັດ ແຜນຍຸດທະສາດ ພັດທະນາ ສະຖິຕິອາຊຽນ 2016-2025 ເຊິ່ງຍຸດທະສາດດັ່ງ ກ່າວ, ໄດ້ຖືກຮັບຮອງເອົາແລ້ວໃນປີ 2009 ໂດຍໃສ່ຄວາມຕ້ອງການໃໝ່ຂອງອາຊຽນ; ເອກະສາທີ 2 ກ່ຽວກັບແຜນຈັດຕັ້ງປະຕິບັດ ຍຸດທະສາດ ປີ 2017-2018 ເຊິ່ງແຜນດັ່ງກ່າວ ໄດ້ແຍກການຈັດຕັ້ງປະຕິບັດ ເປັນ 2 ລະດັບ ຄື: ແຜນຂອງການປະຕິບັດຮ່ວມກັນໃນ 10 ປະເທດອາຊຽນ ແລະ ແຜນສະເພາະ ຂອງແຕ່ລະປະເທດ; ເອກະສານທີ 3 ກ່ຽວກັບນະໂຍບາຍຕ່າງໆຂອງການເຜີຍແຜ່ ແລະ ແລກປ່ຽນຂໍ້ມູນຂ່າວ ສານນຳກັນໃນ 10 ປະເທດອາຊຽນ ເພື່ອບໍ່ໃຫ້ແຕະຕ້ອງສິດທິເຊິ່ງກັນ ແລະ ກັນ, ພ້ອມທັງຄົ້ນຄວ້າ, ຕິດ ຕາມການຈັດຕັ້ງປະຕິບັດ ນະໂຍບາຍ ແລະ ການກຳນົດຕົວຊີ້ບອກຕ່າງໆ; ເອກະສານທີ 4 ກ່ຽວກັບການຄິດໄລ່ສະຖິຕິບັນຊີແຫ່ງຊາດ ແລະ ຕົວເລກລວມຍອດຜະລິດຕະພັນພາຍໃນ; ເອກະສານທີ 5 ກ່ຽວກັບການຄິດໄລ່ຕົວເລກສະຖິຕິ ຂອງການພັດທະນາ ແບບຍືນຍົງ ເຊິ່ງຈະໄດ້ມີການຈັດຕັ້ງ ໜ່ວຍງານຮັບຜິດຊອບ ວຽກງານດັ່ງກ່າວ ບົນພື້ນຖານຄວາມສະເໝີພາບກັນ; ເອກະສານທີ 6 ກ່ຽວກັບບົດຖະແຫລງການຂອງ ກອງປະຊຸມຄະນະ ກຳມາທິການສະຖິຕິອາຊຽນ ຄັ້ງທີ 6 ແລະ ເອກະສານທີ 7 ກ່ຽວກັບການສ້າງສະຖິຕິ ອາຊຽນ-ຈີນ.
ນອກຈາກນີ້, ໃນກອງປະຊຸມດັ່ງກ່າວ ຈະໄດ້ມີການແຕ່ງຕັ້ງ ຄະນະກຳມະການສະຖິຕິ 10 ປະເທດອາຊຽນ ກ່ຽວກັບການແບ່ງພາລະ, ໜ້າທີ ແລະ ຄວາມຮັບຜິດຊອບ ບົນພື້ນຖານຄວາມສະເໝີພາບກັນ ເຊິ່ງຈະໄດ້ກາວໄປສູ່ ການມີຂໍ້ມູນສະຖິຕິທາງການ ທີ່ສາມາດສົມທຽບໄດ້ ແຕ່ຕ້ອງໃຫ້ສອດຄ້ອງ ກັບສະພາບຄວາມເປັນຈິງ ຂອງແຕ່ລະປະເທດອາຊຽນ, ພ້ອມດຽວກັນ ກອງປະຊຸມ ຍັງໄດ້ມີການປຶກສາຫາລື ແລະ ຂໍຄຳຄິດເຫັນຈາກ ຫົວໜ້າສະຖິຕິ ຂອງບັນດາປະເທດອາຊຽນ ໂດຍສະເພາະແມ່ນຮູບແບບ ການນຳສະເໜີຂໍ້ມູນ ແລະ ການຕິດຕາມປະເມີນຜົນ ການຈັດຕັ້ງປະຕິບັດແຕ່ລະແຜນງານ.

ຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...