ແມ່ຄົວຫຼາຍຄົນ ຄືຊິເຄີຍມີຄວາມກັງວົນ ເວລາຊື້ຜັກ, ໝາກໄມ້ ມາແລ້ວກິນບໍ່ໝົດ ແລ້ວກໍເນົ່າ ເປື່ອຍ ຕ້ອງໄດ້ຖິ້ມ, ມື້ນີ້ເຮົາມີເຄັດລັບຮັກສາຜັກ, ໝາກໄມ້ ບໍ່ໃຫ້ເນົ່າເປື່ອຍໄວ ມາໃຫ້ຮູ້ນຳກັນ
- ໝາກກ້ວຍ: ໃຊ້ເຄື່ອງແຟັກອາຫານຫໍ່ ບໍລິເວນຂວັ້ນຂອງຫວີໝາກກ້ວຍ ຈະຊ່ວຍໃຫ້ໝາກກ້ວຍບໍ່ສຸກຫຼາຍ ແລະເນົ່າໄວ ຊ່ວຍໃຫ້ຮັກສາໄວ້ດົນ
- ສະຕໍເບີລີ່: ເອົານໍ້າສົ້ມສາຍຊູ ກັບນໍ້າ ມາປະສົມກັບນໍ້າ ແລ້ວລ້າງໝາກສະຕໍເບີລີ່, ຈາກນັ້ນເຊັດໃຫ້ແຫ້ງ ກ່ອນເອົາເຂົ້າຕູ້ເຢັນ
- ຜັກໃບຂຽວຕ່າງໆ: ໂດຍການເກັບໃສ່ພາຊະນະ ແລ້ວໃຊ້ກະດາດຄິດຊູ່ ມາປົກຫໍ່ໄວ້ ແລ້ວເອົາເຄື່ອງແຟັກອາຫານມາຫໍ່ໄວ້ອີກຊັ້ນໜຶ່ງ ແລ້ວກໍເອົາເຂົ້າຕູ້ເຢັນ ຈະເຮັດໃຫ້ເຈົ້າມີຜັກໃບຂຽວໄວ້ກິນໄດ້ຫຼາຍມື້ຂຶ້ນ, ຄວນປ່ຽນກະດາດຄິດຊູ່ ເມື່ອເຫັນວ່າເລີ່ມປຽກຊື້ນ
- ຜັກກາດດອກ: ເຮັດດ້ວຍວິທີງ່າຍໆຄື ໃຊ້ຟອຍຫໍ່ ແລ້ວຄ່ອຍເກັບໄວ້ໃນຕູ້ເຢັນ
- ຫອມບົ່ວ, ຫອມປ້ອມ: ຄວນຕັດຮາກອອກ ແລ້ວກໍເກັບໄວ້ໃນກວດພາສະຕິກ ແລ້ວຄ່ອຍເອົາເຂົ້າຕູ້ເຢັນ
ຕິດຕາມນານາສາລະ ກົດໄລຄ໌ເລີຍ!