ວິທີແກງປາບໍ່ໃຫ້ມີກິ່ນຄາວ ດ້ວຍວິທີງ່າຍໆ

0
2854

ແມ່ຄົວຫຼາຍຄົນທີ່ເຮັດອາຫານ ຕ້ອງເຄີຍພົບບັນຫາການແກງປາແລ້ວມີກິ່ນຄາວ ມື້ນີ້ເຮົາມີວິທີດີໆ ທີ່ຈະແຕ່ງອາຫານປະເພດປາບໍ່ໃຫ້ຄາວອີກຕໍ່ໄປ ເຊິ່ງສາເຫດຂອງແກງປາແລ້ວຄາວນັ້ນ ຍ້ອນໃນທຳມະຊາດຊີ້ນປາຈະມີໂປຣຕີນ ແລະໄຂມັນຢູ່, ປາຊະນິດໃດມີໂປຣຕີນຫຼາຍກໍຈະມີກິ່ນຄາວຫຼາຍ ເມື່ອຖືກນໍ້າຮ້ອນໂປຣຕີນຢູ່ໃນປາກໍຈະລະລາຍອອກມາ ແລະເຮັດໃຫ້ກິ່ນຄາວແຮງຫຼາຍ

#    ເທັກນິກການແກງປາບໍ່ໃຫ້ມີກິ່ນຄາວ

  • ຕ້ອງລ້າງເມືອກປາອອກໃຫ້ໝົດ
  • ປາດໝາກນາວບາງໆ ແຊ່ໃນນໍ້າທີ່ຈະເອົາໄປລ້າງປາຄື ໝາກນາວ 1 ໜ່ວຍ ຕໍ່ນໍ້າ 1 ລິດ, ເມື່ອເຮົາຄົວປາຮຽບຮ້ອຍແລ້ວ ກໍເອົາປານັ້ນໄປແຊ່ໃນນໍ້າໝາກນາວທີ່ກຽມໄວ້ແລ້ວນັ້ນ
  • ເວລາຕົ້ມນໍ້າ ກໍຄວນໃຫ້ຟົດດີເສຍກ່ອນ ຄ່ອຍເອົາເອົາຫົວຂ່າ ຫຼືຫົວສີໄຄ, ໃບຂີ້ຫູດໃສ່ ເພື່ອດັບຄາວ ແລ້ວກໍເອົາປາລົງ ແລະເມື່ອເອົາໃສ່ໝໍ້ແລ້ວ ບໍ່ຄວນຄົນຈົນກວ່າປາຈະສຸກ

ລອງເອົາເທັກນິກ ແກງປາບໍ່ໃຫ້ມີກິ່ນຄາວ ທີ່ເຮົາເອົາມາຝາກທ່ານຜູ້ອ່ານໃນມື້ນີ້ ໄປເຮັດລອງເບິ່ງຮັບຮອງວ່າ ເວລາທ່ານແກງປາ ຈະບໍ່ມີກິ່ນມາລົບກວນໃຈອີກຕໍ່ໄປ
ຕິດຕາມນານາສາລະ ກົດໄລຄ໌ເລີຍ!