ເຄື່ອງປະດັບ ທີ່ເຮັດຈາກຄຳ ແມ່ນມີຄວາມງາມຖືກໃຈຫຼາຍໆຄົນ, ຄຳບໍ່ຂຶ້ນຂີ້ໝ້ຽງຄືກັບໂລຫະອື່ນໆ ແຕ່ອາດຈະເກີດຄາບທີ່ເປື້ອນ ຈາກນໍ້າມັນທີ່ຢູ່ໃນຜິວໜັງເຊັ່ນ: ໂລຊັ່ນ, ນໍ້າຫອມ, ເຄື່ອງສຳອາງ ແຕ່ໂຊກດີທີ່ຄຳ ສາມາດທຳຄວາມສະອາດໄດ້ງ່າຍ ແລະເຮັດໃຫ້ເຄື່ອງປະດັບຄຳ ງາມແວວວາວໄດ້ອີກຄັ້ງ ດ້ວຍວິທີງ່າຍໆດັ່ງນີ:
- ນໍ້າຢາລ້າງຈານ:
- ເອົານໍ້າຢາລ້າງຈານລົງໃນຖ້ວຍນໍ້າອຸ່ນ ແລ້ວປະສົມໃຫ້ເຂົ້າກັນ ເພື່ອເຮັດໃຫ້ງາມຂຶ້ນ ສາມາດໃຊ້ນໍ້າແຮ່ ຫຼືໂຊດາແທນໄດ້ ຟອງແກັສເຮັດໃຫ້ຄາບທີ່ຕິດອອກໄດ້ງ່າຍ
- ແຊ່ເຄື່ອງປະດັບຄຳ ໃນສ່ວນປະສົມນັ້ນ 15 ນາທີ
- ຂັດເຄື່ອງປະດັບຄ່ອຍໆ ດ້ວຍໄມ້ສີຟັນຂົນອ່ອນໆ, ເພາະຖ້າຂົນແຂງອາດເຮັດໃຫ້ເຄື່ອງປະດັບເປັນຮອຍໄດ້
- ລ້າງເຄື່ອງປະດັບດ້ວຍນໍ້າສະອາດ
- ເຊັດໃຫ້ແຫ້ງດ້ວຍຜ້າອ່ອນໆ
- ສຳລັບເຄື່ອງປະດັບຄຳທີ່ປະດັບດ້ວຍເພັດອັນຍະມະນີ
- ບໍ່ຄວນເອົາເຄື່ອງປະດັບທີ່ຕິດເພັດດ້ວຍກາວ ໃຊ້ຈຸ່ມລົງໃນນໍ້າໂດຍກົງ
- ເຊັດເຄື່ອງປະດັບດ້ວຍຜ້າຈຸບນໍ້າປະສົມນໍ້າຢາລ້າງຈານທີ່ເວົ້າມາຂ້າງເທິງນັ້ນ
- ເຊັດຊໍ້າດ້ວຍຜ້າຈຸບນໍ້າສະອາດ
- ຕາກເຄື່ອງປະດັບເອົາຫົວຂຶ້ນ ຫຼັງຈາກທຳຄວາມສະອາດ ເພື່ອບໍ່ໃຫ້ມັນປຽກ ເຮັດໃຫ້ກາວເສື່ອມຄຸນນຸະພາບ
- ຢາສີຟັນ
- ໃຊ້ວິທີນີ້ກັບເຄື່ອງປະດັບຄຳ ທີ່ໃຊ້ເປັນປະຈຳ
- ໃຊ້ແປງສີຟັນເກົ່າ ແລະຢາສີຟັນກຳຈັດຄາບ, ເອົາຢາສີຟັນໃສ່ຜ້າ ຫຼືເຄື່ອງປະດັບໂດຍກົງ, ຂັດອອກຄ່ອຍໆດ້ວຍມື ຈະເຮັດໃຫ້ເຄື່ອງປະດັບຂອງເຈົ້າເງົາງາມຍິ່ງຂຶ້ນ
- ລ້າງດ້ວຍນໍ້າສະອາດ
- ຕົ້ມໃນນໍ້າຮ້ອນ: ຖ້າຫາກເຈົ້າຕ້ອງການທຳຄວາມສະອາດເຄື່ອງປະດັບ ທີ່ມີຄາບມັນ ພຽງແຕ່ຕົ້ມໃນນໍ້າຮ້ອນ ໂດຍການໃສ່ນໍ້າໃຫ້ຖ້ວມເຄື່ອງປະດັບ ຈະເຮັດໃຫ້ນໍ້າມັນອອກຈາກເຄື່ອງປະດັບ
ຕິດຕາມນານາສາລະ ກົດໄລຄ໌ເລີຍ!