spot_img
Homeຂ່າວຕ່າງປະເທດຣັດເຊຍພັດທະນາຂີປະນາວຸດຂ້າມທະວີບ ລູກດຽວທຳລາຍໄດ້ທັງປະເທດ

ຣັດເຊຍພັດທະນາຂີປະນາວຸດຂ້າມທະວີບ ລູກດຽວທຳລາຍໄດ້ທັງປະເທດ

Published on

ທີມຂ່າວລາວໂພສຕ໌ ປະຈຳຕ່າງປະເທດລາຍງານວ່າ ເວັບໄຊຂອງບໍລິສັດ ມາເຄເຢບ ຣັອກເກັດ ດີຊາຍ ບູໂຣ ຜູ້ອອກແບບແລະພັດທະນາເທັກໂນໂລຢີລູກສອນໄຟແລະອະວະກາດລາຍໃຫຍ່ຂອງຣັດເຊຍ ໄດ້ເປີດເຜີຍຮູບພາບຂອງຂີປະນາວຸດ(ລູກສອນໄຟ)ຂ້າມທະວີບ rs 28 sarmat ຫຼືມີຊື່ຫລິ້ນວ່າ Satan 2 ອາວຸດໃໝ່ໃນສາງອາວຸດຣັດເຊຍອອກສູ່ສາທາລະນະເປັນຄັ້ງທຳອິດ.

ຖະແຫຼງການເທິງເວັບໄຊລະບຸວ່າ ລູກສອນໄຟລຸ້ນນີ້ໄດ້ຮັບການອອກແບບມາເພື່ອກະກຽມທາງດ້ານຍຸດທະສາດໃຫ້ແກ່ກອງທັບຣັດເຊຍ ດ້ວຍການຮັບປະກັນວ່າຈະເຮັດໜ້າທີ່ໃນການປ້ອງກັນແລະປາບປາມອາວຸດນິວເຄລຍໄດ້ເປັນຢ່າງດີ ໂດຍໃນຂະນະນີ້ຂີປະນາວຸດກຳລັງໄດ້ຮັບການພັດທະນາຮ່ວມກັບກອງທັບຣັດເຊຍຢູ່.

screenshot-137

ຕາມການລາຍງານຂ່າວຂອງສຳນັກຂ່າວ TASS ຂີປະນາວຸດຂ້າມທະວີບ rs 28 sarmat ມີພິໄສໃນການເຮັດວຽກໄກເຖິງ 11,000 ກິໂລແມັດ ໂດຍລູກສອນໄຟມີນ້ຳໜັກເຖິງ 100 ໂຕນ ແລະອອກແບບມາເພື່ອໃຊ້ແທນລູກສອນໄຟ r 36 ma ເຊິ່ງທ່ານ ຢູຣິ ບໍຊິຢອບ ຮອງລັດຖະມົນຕີກະຊວງປ້ອງກັນປະເທດລັດເຊຍ ໄດ້ກ່າວວ່າ ລູກສອນໄຟລູກນີ້ສາມາດທຳລາຍເປົ້າໝາຍ ໂດຍບິນຂ້າມໄດ້ແມ່ນແຕ່ຂົ້ວໂລກເໜືອແລະຂົ້ວໂລກໃຕ້ໄດ້. ເຊິ່ງກ່ອນໜ້ານີ້ລັດຖະບານຣັດເຊຍເຄີຍອອກມາລາຍງານວ່າ ຂີປະນາວຸດລູກດຽວນີ້ສາມາດທຳລາຍພື້ນທີ່ໂລກທີ່ມີຂະໜາດພື້ນທີ່ເທົ່າກັບປະເທດຝຣັ່ງ ຫຼື ລັດເທັກຊັດຂອງສະຫະລັດໄດ້ເລີຍ ແລະອີກອັນໜຶ່ງລັດຖະບານຣັດເຊຍໄດ້ປະກາດລະງັບຂໍ້ຕົກລົງການຫຼຸດອາວຸດກັບສະຫະລັດ ທີ່ທັງສອງຝ່າຍໄດ້ຕົກລົງກັນວ່າຈະກຳຈັດແຮ່ພລູໂຕນ່ຽມ ຈຳນວນ 34 ໂຕນ ເຊິ່ງຫຼາຍພໍທີ່ຈະສ້າງລະເບີດນິວເຄລຍໄດ້ຫຼາຍພັນລູກ ເນື່ອງຈາກສະຫະລັດມີພຶດຕິກຳບໍ່ເປັນມິດ.

screenshot-138

ໃນໄລຍະທີ່ຜ່ານມາ ອົງກອນສົນທິສັນຍານາໂຕ ໄດ້ດຳເນີນການເພິ່ມການປ້ອງກັນໃນບັນດາປະເທດແຖວເອີຣົບຕາເວັນອອກທີ່ຕິດກັບຣັດເຊຍ ທ່າມກາງຄວາມກັງວົນກ່ຽວກັບທິດທາງທາງທະຫານຂອງຣັດເຊຍ.

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...