ອີງຕາມການລາຍງານຂ່າວຂອງສຳນັກຂ່າວຕ່າງປະເທດລາຍງານເມື່ອວັນທີ 27 ຕຸລາຜ່ານມາວ່າ ໜຸ່ມຈີນສຸດໂຫດຄົນນີ້ ໃຈຮ້າຍ ໃຫ້ກັບພະນັກງານຂາຍໂທລະສັບ ເຖິງຂັ້ນງັດຄ້ອນອອກມາທຳລາຍຮ້ານຈົນເພໝົດຮ້ານ, ເຫດການ ດັ່ງກ່າວນີ້ ເກີດຂຶ້ນທີ່ຮ້ານໂທລະສັບແຫ່ງໜຶ່ງ ໃນປະເທດຈີນ ໂດຍໜຸ່ມໃນຄິບນີ້ ໄດ້ເຂົ້າມາຖາມພະນັກງານ ເພື່ອທີ່ຈະຊື້ iphone7 ແຕ່ຖືກພະນັກງານຖາມກັບວ່າ “ມີເງິນຊື້ບໍ?” ນີ້ເປັນສາເຫດສຳຄັນ ເຮັດໃຫ້ໜຸ່ມຈີນຄົນນີ້ໃຈຮ້າຍຢ່າງແຮງ ເລີຍຈົກເງິນອອກມາຊື້ໂທລະສັບ iphone7 ຮອດ 10 ໜ່ວຍ ເພື່ອເອົາມາທຸບຫຼິ້ນ ຕໍ່ໜ້າພະນັກງານ ແລະຜູ້ຈັດການຮ້ານ ກ່ອນທີ່ຈະມ້າງຮ້ານຈົນເພໝົດ