Homeເກມບົດຄວາມເກມ: ມື້ນີ້ໃນອະດີດ ວັນທີ 27 ຕຸລາ

ບົດຄວາມເກມ: ມື້ນີ້ໃນອະດີດ ວັນທີ 27 ຕຸລາ

Published on

ວັນທີ 27 ຕຸລາ ປີ 1998 ຫຼືມື້ນີ້ເມື່ອ 18 ປີທີ່ແລ້ວ ເປັນມື້ວາງຈຳໜ່າຍຂອງເກມ Bushido Blade 2 ເທິງເຄື່ອງ PS1 ທີ່ປະເທດສະຫະລັດອາເມຣິກາ. ໂດຍເກມນີ້ເປັນຜົນງານການພັດທະນາໂດຍທີມ Light Weight ທີ່ຖະໜັດໃນການເຮັດເກມແນວຊາມູໄຣ ແລະຈັດຈຳໜ່າຍໂດຍ Squaresoft (ຫຼື Square Enix ໃນປັດຈຸບັນ). ທັງນີ້ ເກມຊີຣີ Bushido Blade ຈະເປັນເກມແນວໄຟຕິ້ງສະຕາຍຊາມູໄຣທີ່ບໍ່ຄືເກມອື່ນໆ ໃນຂະນະທີ່ເກມອື່ນຈະເປັນໄຟຕິ້ງທົ່ວໄປທີ່ມີເກດພະລັງຊີວິດ, ເກດທ່າໄມ້ຕາຍ ແຕ່ວ່າເກມນີ້ຈະອີງຄວາມສົມຈິງຂອງວິຖີຊາມູໄຣເລີຍ ເກດພະລັງບໍ່ຕ້ອງມີ, ທ່າໄມ້ຕາຍບໍ່ຕ້ອງໃຊ້ ອາໄສພຽງທ່າໂຈມຕີຄືຊາມູໄຣ ທຸກຢ່າງຊີ້ຊະຕາໄດ້ໃນດາບດຽວ, ເຮັດໃຫ້ເກມນີ້ກາຍເປັນກະແສນິຍົມໃນໝູ່ຄົນຫຼິ້ນເກມໄປເລີຍ.

Gameplay ຂອງ Bushido Blade 2 ຈະຍັງຄົງຍຶດແບບແຜນຂອງພາກທຳອິດເປັນຫຼັກ ນັ້ນກໍຄືຄອນເຊັບ “ຕັດສິນໃນດາບດຽວ” ແຕ່ຈະມີການປັບແຕ່ງລາຍລະອຽດຍ່ອຍໆແທນ ເຊັ່ນ: ໂໝດເນື້ອເລື່ອງທີ່ແຕ່ກ່ອນໃນພາກທຳອິດຈະສູ້ຮວດດຽວຈົນຈົບເກມ ແຕ່ວ່າໃນພາກ 2 ຈະເປັນລັກສະນະສູ້ກັບສັດຕູ 2-3 ຄົນໃນ 1 ສາກ ແລ້ວຄ່ອຍຍ້າຍສະຖານທີ່ໄປສູ້ບ່ອນອື່ນ ໂດຍໃນສ່ວນຂອງໂຕລະຄອນທີ່ມີໃຫ້ເລືອກໃຊ້ກໍຈະມີທັງຈາກຝັ່ງຊະອິນໂຕ (ສຶເອະ) ແລະນາຣຸຄາກາມິ (ຄາກາມິ) ທີ່ແຕ່ລະຄົນກໍຈະຖະໜັດອາວຸດແຕກຕ່າງກັນໄປ. 

ເນື້ອເລື່ອງຂອງພາກ 2 ນີ້ ຈະກ່າວເຖິງຊ່ວງສະຕະວັດທີ 13 ເທິງເກາະຄາໂນຊິມ້າຂອງປະເທດຍີ່ປຸ່ນ ເຊິ່ງມີກອງກຳລັງ 2 ກຸ່ມໄດ້ແກ່: ຄາກາມິ ແລະສຶເອະ ທີ່ພັກດີກັບໄດມຽວ (ເຈົ້າເມືອງ) ຄົນດຽວກັນ, ໂດຍທຸກຄົນໄດ້ອາໄສຮ່ວມກັນຢ່າງສະຫງົບສຸກ ຈົນມາຮອດມື້ໜຶ່ງໄດ້ມີສົງຄາມເກີດຂຶ້ນເທິງແຜ່ນດິນໃຫຍ່ ກຸ່ມຄາກາມິທີ່ເຫັນທ່າບໍ່ດີເລີຍຮີບໄປສະຫວາມີພັກກັບໄດມຽວຄົນໃໝ່ ໃນຂະນະທີ່ກຸ່ມສຶເອະຂໍຢືນຫຍັດພັກດີກັບໄດມຽວເກົ່າຂອງຕົນເອງຈົນກວ່າຊີວິດຈະຈົບສິ້ນ, ຄວາມຂັດແຍ່ງລະຫວ່າງທັງກຸ່ມຄາກາມິແລະສຶເອະຈຶ່ງເລີ່ມຂຶ້ນ ໂດຍທາງກຸ່ມຄາກາມິໄດ້ລວງກຸ່ມສຶເອະອອກມານອກເກາະຄາໂນຊິມ້າເພື່ອສູ້ຮົບກັນ ແລະແລ້ວກຸ່ມສຶເອະກໍເປັນຝ່າຍເສຍໄປ ແລະສູນເສຍດາບສັກສິດນາມວ່າ “ຢູກິຣິ” ໄປ ຈົນມາເຖິງ 800 ປີຕໍ່ມາ ໃນໂຮງຮຽນຊະອິນໂຕເຊິ່ງເປັນບ່ອນລວມເຫຼົ່າທາຍາດຂອງກຸ່ມສຶເອະໄດ້ບຸກໂຈມຕີສຳນັກນາຣຸຄາກາມິຊິນໂຕຣິວ ທີ່ສັງກັດກຸ່ມຄາກາມິເພື່ອຫວັງຈະຊິງດາບຢູກິຣິກັບມາ ພ້ອມທັງກວາດລ້າງທາຍາດຂອງກຸ່ມຄາກາມິໃຫ້ໝົດສິ້ນໄປ. 

Fact ເລັກນ້ອຍກ່ຽວກັບເກມ Bushido Blade

  • ທ່າດີໃຈເວລາຊະນະຂອງໂຕລະຄອນ Jo ນັ້ນໄດ້ແຮງບັນດານໃຈມາຈາກໂຕລະຄອນ Cloud Strife ຂອງເກມ Final Fantasy VII.

  • ຖ້າຜູ້ຫຼິ້ນນຳໂຕລະຄອນ 6 ໂຕຫຼັກເຄລຍໂໝດເນື້ອເລື່ອງຈົນຄົບທຸກຄົນ ກໍຈະປົດລ໋ອກໂໝດ Hundred Slashes ມາຫຼິ້ນໄດ້.

  • ເກມນີ້ຈະມີໂຕລະຄອນໂຄດໂກງຢູ່ 2 ຄົນໄດ້ແກ່:ຊຶບາເມະ (Tsubame) ແລະ ກັດເຊ່ (Katze). ໂດຍຊຶບາເມະຈະມີອາວຸດເປັນປືນກົນ ສ່ວນກັດເຊ່ຈະເປັນປືນພົກ ເຊິ່ງວິທີປົດລ໋ອກຊຶບາເມະມາໃຊ້ກໍຄືເຄລຍ Slash Mode ດ້ວຍໂຕລະຄອນຈາກຝັ່ງຄາກາມິພາຍໃນເວລາບໍ່ກາຍ 15 ນາທີ ແລະວິທີປົດລ໋ອກກັດເຊ່ກໍຄືເຄລຍ Slash Mode ດ້ວຍໂຕລະຄອນໃດກໍໄດ້ພາຍໃນເວລາບໍ່ກາຍ 15 ນາທີ. 

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...