spot_img
Homeຂ່າວການພັດທະນາເຊກອງ ປະຕິບັດໂຄງການລົງທຶນຂອງລັດສຳເລັດ 100%

ເຊກອງ ປະຕິບັດໂຄງການລົງທຶນຂອງລັດສຳເລັດ 100%

Published on

ໃນໜຶ່ງປີຜ່ານມາແຂວງເຊກອງໄດ້ມີການພັດທະນາເສດຖະກິດ-ສັງຄົມຂະຫຍາຍຕົວຢ່າງຕໍ່ເນື່ອງ ແລະມີຜົນງານພົ້ນເດັ່ນຫຼາຍດ້ານ, ອັດຕາການຂະຫຍາຍຕົວເສດຖະກິດຂອງແຂວງມີທ່າອຽງດີຂຶ້ນ, ການຈັດຕັ້ງປະຕິບັດບັນດາໂຄງການລົງທຶນຂອງລັດສາມາດ ປະຕິບັດໄດ້ສຳເລັດ 100%.
ອີງຕາມຂໍ້ມູນຂອງພະແນກແຜນການ ແລະການລົງທຶນ ແຂວງເຊກອງເປີດເຜີຍໃຫ້ຮູ້ວ່າ: ໃນໜຶ່ງປີຜ່ານມາກໍຄືສົກປີ 2015- 2016 ສະພາແຫ່ງຊາດໄດ້ອະນຸມັດໂຄງການລົງທຶນຂອງລັດໃຫ້ ແຂວງເຊກອງທັງໝົດມີ 249 ໂຄງການ ມູນຄ່າລວມ 203,2 ຕື້ກີບ ໃນນັ້ນມີທຶນຕ່າງປະເທດ 10 ໂຄງການ ມູນຄ່າ 87,4 ຕື້ກີບ, ທຶນພາຍໃນມີ 239 ໂຄງການ ມູນຄ່າລວມ 115,8 ຕື້ກີບ, ສຳລັບ ທຶນພາຍໃນມີ 5 ແຫຼ່ງທຶນ ເປັນຕົ້ນທຶນປົກກະຕິຂອງແຂວງມີ 169 ໂຄງການ ມູນຄ່າ 43 ຕື້ກີບ, ທຶນໂຄງການສະເພາະຂອງສູນກາງ 11 ໂຄງການ ມູນຄ່າ 66,5 ຕື້ກີບ, ທຶນພັດທະນາຊົນນະບົດ ແລະລົບລ້າງຄວາມທຸກຍາກ 42 ໂຄງການ ມູນຄ່າ 4 ຕື້ກີບ, ທຶນຈັດ ສັນພູມລຳເນົາ ແລະບ່ອນທຳມາຫາກິນຖາວອນ 11 ໂຄງການ ມູນຄ່າ 1,5 ຕື້ກີບ ແລະທຶນຟື້ນຟູຊົນລະປະທານ 6 ໂຄງການມູນຄ່າ 0,8 ຕື້ກີບ.

ປະຈຸບັນ ບັນດາໂຄງການຕາມ ແຜນຂອງສະພາແຫ່ງຊາດໄດ້ອະນຸມັດແມ່ນສາມາດຈັດຕັ້ງປະຕິບັດສຳເລັດແລ້ວ 100% ແລະໄດ້ເຮັດໜັງສືສະເໜີຂໍເບີກຈ່າຍແລ້ວ ທັງໝົດ 214 ໂຄງການ ມູນຄ່າ 105,9 ຕື້ກີບ ທຽບໃສ່ແຜນບັນລຸໄດ້ 91,45%, ບໍ່ທັນເຮັດໜັງສື ສະເໜີເບີກຈ່າຍທັງໝົດ 25 ໂຄງການ ມູນຄ່າ 9,9 ຕື້ກີບ ທຽບໃສ່ ແຜນການຍັງຄ້າງຈ່າຍ 8,55% ສ່ວນຈຳນວນທຶນທີ່ຍັງຄ້າງຈ່າຍ ແມ່ນເລື່ອນໄປຈ່າຍສົກປີ 2017 ຕາມແຈ້ງການແນະນຳຂອງກະຊວງແຜນການ ແລະການລົງທຶນ ເລກທີ 1829/ຜທ.ກຜ1, ລົງວັນ ທີ 4 ກໍລະກົດ 2016 ວ່າດ້ວຍ ແນະນຳແຜນດັດແກ້ຫຼຸດລາຍ ຈ່າຍງົບປະມານການລົງທຶນ ຂອງລັດ (ທຶນພາຍໃນ) ໃນໄລຍະ 6 ເດືອນທ້າຍສົກປີ 2015-2016 ໄປຂຶ້ນແຜນຊຳລະໃນປີ 2017.

ສ່ວນທາງດ້ານທຶນຊ່ວຍເຫຼືອລ້າ ແລະກູ້ຢືມທາງການເພື່ອການພັດທະນາ (ODA) ສາມາດຈັດຕັ້ງປະຕິບັດໂຄງການຊ່ວຍເຫຼືອ ທາງການເພື່ອການພັດທະນາໄດ້ທັງໝົດ 47 ໂຄງການ ມູນຄ່າລວມ 384 ຕື້ກວ່າກີບ ຫຼື ປະມານ 48,1 ລ້ານໂດລາ (ສ່ວນໃຫຍ່ ແມ່ນກອງທຶນຂອງ NGO ຂອງຂັ້ນສູນກາງທີ່ມາປະຕິບັດຢູ່ທ້ອງຖິ່ນ), ໃນປີຜ່ານມານີ້ສະພາແຫ່ງຊາດໄດ້ອະນຸມັດໃຫ້ແຂວງເຊກອງມີ 10 ໂຄງການ ມູນຄ່າ 87,46  ຕື້ກີບ ຫຼື ປະມານ 10,93 ລ້ານ ໂດລາ ປະກອບມີໂຄງການສົ່ງເສີມວິຊາການ 2 ໂຄງການ ມູນຄ່າ 13,19 ຕື້ກີບ ຫຼື ປະມານ 1,65 ລ້ານໂດລາ ແລະເປັນໂຄງການກໍ່ສ້າງ 8 ໂຄງການ ມີມູນຄ່າ 74,27 ຕື້ກີບ ຫຼື ປະມານ 9,28 ລ້ານໂດລາ ມາຮອດປະຈຸບັນບັນດາໂຄງການດັ່ງກ່າວແມ່ນສາມາດຈັດຕັ້ງປະຕິບັດໜ້າວຽກສຳເລັດ 100% ທຽບໃສ່ແຜນທີ່ສະພາແຫ່ງຊາດໄດ້ອະນຸມັດ.

ພ້ອມດຽວກັນນີ້ການລົງທຶນ ຂອງເອກະຊົນພາຍໃນ ແລະຕ່າງປະເທດຍັງສາມາດດຶງດູດການລົງທຶນໄດ້ທັງໝົດ 12 ໂຄງການ ມູນຄ່າ 51,85 ລ້ານໂດລາ ໃນນັ້ນການລົງທຶນຂອງເອກະຊົນພາຍໃນ 10 ໂຄງການ ມູນຄ່າຕາມສັນຍາ 50,6 ລ້ານໂດລາ ກວມເອົາ 97,58% ແລະການລົງທຶນຂອງຕ່າງປະເທດມີ 2 ໂຄງການ ມູນຄ່າຕາມສັນຍາ 1,25 ລ້ານໂດລາ ໂດຍສະເພາະລົງທຶນໃສ່ດ້ານພະລັງງານໄຟຟ້າມີ 8 ໂຄງການ, ດ້ານກະສິກຳ 3 ໂຄງການ ແລະລົງທຶນ ໃສ່ເຂດເສດຖະກິດຊາຍແດນ 1 ໂຄງການ.

ສຳລັບການລົງທຶນຂອງທະນາຄານມາຮອດທ້າຍໄຕມາດ II ປີ 2016 ມີຕົວເລກການປ່ອຍສິນເຊື່ອທັງໝົດ 901 ຕື້ກີບ ເພີ່ມຂຶ້ນ 33% ທຽບໃສ່ທ້າຍປີ 2015, ທຽບໃສ່ໄຕມາດ I ປີ 2016 ເພີ່ມຂຶ້ນ 9,49%, ທຽບໃສ່ ໄຕມາດ II ປີ 2015 ເພີ່ມຂຶ້ນ 108,96% ຖ້າທຽບໃສ່ແຜນ ປີ 2016 ປະຕິບັດໄດ້ 117,76% ແລະກວມເອົາ 77,01% ຂອງ GDP.

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...