ໃນຊ່ວງຫຼາຍມື້ກ່ອນໜ້ານີ້ມີລາຍງານວ່າບໍລິສັດ Samsung ໄດ້ຍື່ນຟ້ອງຄລິບວີດີໂອທີ່ມີ Mod ລະເບີດມືໂດຍໃຊ້ໂທລະສັບລຸ້ນ Galaxy Note 7 ໃນເກມ GTA V ວ່າດ້ວຍຂໍ້ຫາການລະເມີດຊັບສິນທາງປັນຍາ DMCA (Digital Millennium Copyright Act).
ແຕ່ຫຼ້າສຸດນີ້ເບິ່ງຄືວ່າຄລິບວີດີໂອດັ່ງກ່າວໄດ້ກັບມາໃຫ້ໄດ້ຮັບຊົມກັນອີກເທື່ອແລ້ວ, ໂດຍທາງເຈົ້າຂອງຊ່ອງ sdaddy345 ເທິງ Youtube ໄດ້ຍື່ນເລື່ອງໂຕ້ຕອບ Samsung ຈົນໄດ້ຮັບຜົນສຳເລັດເລີຍເຮັດໃຫ້ສາມາດເອົາວີດີໂອດັ່ງກ່າວນີ້ກັບມາເຜີຍແພ່ໄດ້.
ສ່ວນສາເຫດທີ່ເຮັດໃຫ້ວີດີໂອນີ້ກັບມາເຜີຍແພ່ໄດ້ທາງ Youtube ໄດ້ຂຽນບອກໄວ້ວ່າ: “ບໍລິສັດ Samsung ນັ້ນຍັງຂາດອົງປະກອບ ຫຼືຫຼັກຖານທາງດ້ານກົດໝາຍທີ່ຈະມາເອົາຜິດວີດີໂອລະເມີດລິຂະສິດ”.
ທ້າຍນີ້ເຮົາມາປິດຂ່າວກັນດ້ວຍວີດີໂອເກມດັ່ງກ່າວກັນເລີຍ
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: phonearena