ອີງຕາມລາຍງານຂ່າວຈາກຕົ້ນສະບັບ ເຊິ່ງໄດ້ຮັບອີເມວຈາກພະນັກງານຂອງຜູ້ໃຫ້ບໍລິການເຄື່ອຂ່າຍລາຍໃຫຍ່ທີ່ສະຫະລັດອາເມຣິກາ ໂດຍມີເນື້ອໃນວ່າ: “ມີລູກຄ້າຄົນໜຶ່ງຍ່າງເຂົ້າມາໃນຮ້ານທີ່ລາວເຮັດວຽກຢູ່ພ້ອມກັບໂທລະສັບ ​Samsung Galaxy S7 edge ທີ່ເກີດລະເບີດ, ຍິ່ງໄປກວ່ານັ້ນລູກຄ້າຄົນນີ້ຫາກ່ອນໄດ້ຮັບເຄື່ອງ Galaxy S7 edge ມາໄດ້ພຽງ 2 ອາທິດເທົ່ານັ້ນ ຫຼັງຈາກທີ່ລາວໄດ້ເອົາ Galaxy Note 7 (ລຸ້ນທີ 2) ມາປ່ຽນເປັນເຄື່ອງນີ້”. ໂດຍການເກີດລະເບີດຂຶ້ນໃນເທື່ອນີ້ແມ່ນຍ້ອນການສາກໂທລະສັບຂ້າມຄືນ ເຊິ່ງເຈົ້າຂອງເຄື່ອງຍັງບອກອີກວ່າໃຊ້ອຸປະກອນສາກຈາກໃນກ່ອງ ຫຼື OEM ໂດຍກົງ.

ໂດຍຂ່າວ Galaxy S7 edge ລະເບີດນີ້ບໍ່ໄດ້ເກີດຂຶ້ນພຽງເທື່ອດຽວເທົ່ານັ້ນ, ໂດຍເດືອນກ່ອນນີ້ກໍມີລາຍງານວ່າມີຜູ້ໃຊ້ໄດ້ຮັບບາດເຈັບຍ້ອນໂທລະສັບເຈົ້າບັນຫາໜ່ວຍນີ້ລະເບີດ ຈົນໄດ້ຮັບບາດແຜໄຟໄໝ້ລະດັບ 3 (ເຮົາເຄີຍສະເໜີຂ່າວໄປເທື່ອໜຶ່ງແລ້ວ) ແລະກໍມີອີກລາຍງານໜຶ່ງທີ່ເຄື່ອງດັ່ງກ່າວນີ້ເກີດລະເບີດຕອນຊ່ວງກາງຄືນໃນຂະນະທີ່ກຳລັງສາກຢູ່ ເຊິ່ງເປັນກໍລະນີດຽວກັນກັບລາຍງານໃໝ່ນີ້.

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: phonearena