ທາງການລັດກາລີຟໍເນຍ ຂອງສະຫະລັດອາເມລິກາ ມີການບັງຄັບໃຊ້ກົດໝາຍເພື່ອການປະຢັດນ້ຳ
ໂດຍກຳນົດໂທດປັບໄໝຈຳນວນ 500 ໂດລາຕໍ່ມື້ ສຳລັບຄົນທີ່ໃຊ້ນ້ຳເປືອງ.
ສຳນັກຂ່າວຕ່າງປະເທດລາຍງານວ່າ ຄະນະກຳມະການຄວບຄຸມຊັບພະຍາກອນນ້ຳ ແຫ່ງລັດກາລີ
ຟໍເນຍ ມີມະຕິ 4 ຕໍ່ 0 ສຽງ ເມື່ອວັນທີ 15 ກໍລະກົດທີ່ຜ່ານມາ ໃຫ້ມີການບັງຄັບໃຊ້ກົດໝາຍເພື່ອ
ການປະຢັດນ້ຳ ໂດຍກຳນົດໂທດປັບໄໝ ຈຳວນ 500 ໂດລາຕໍ່ມື້ ສຳລັບປະຊາຊົນທີ່ໃຊ້ນ້ຳຢ່າງສິ້ນ
ເປືອງ ໄປກັບການຫົດນ້ຳສະໜາມຫຍ້າ, ການເຮັດສວນ ລວມໄປເຖິງການລ້າງລົດ.
ລາຍງານລະບຸວ່າ ການກຳນົດໂທດດັ່ງກ່າວໄດ້ມີຂຶ້ນ ຫຼັງມີການເປີດເຜີຍຜົນການສຳຫຼວດທີ່ຊີ້ວ່າ
ມາດຕະການປະຢັດນ້ຳ ທີ່ດຳເນີນການມາເຖິງປະຈຸບັນ ບໍ່ສາມາດບັນລຸເປົ້າຂອງການຫຼຸດຜ່ອນ
ການໃຊ້ຊັບພະຍາກອນນ້ຳ ໃນລັດກາລີຟໍເນຍລົງ 20% ໄດ້, ແຕ່ກັບພົບວ່າ ປະລິມານການໃຊ້ນ້ຳ
ກັບມີສູງຂຶ້ນ ໂດຍໃນເວລາດຽວກັນກັບພາວະແຫ້ງແລ້ງທີ່ສຸດ ໃນຮອບເກືອບ 40 ປີ ຂອງລັດກາ
ລີຟໍເນຍໃນປະຈຸບັນນີ້.