ຕັ້ງແຕ່ເລີ່ມມີ twitter ແລະ facebook ກໍຈະເຮັດໃຫ້ເຮົາຮູ້ເຖິງກິດຈະກຳຄົນອື່ນໄດ້ຫຼາຍຂຶ້ນ ແລະຜົນການສຶກສາລ່າສຸດຂອງສະຖາບັນວິໄຈຄວາມສຸກ ຂອງຕ່າງປະເທດ ບອກວ່າ ມັນບໍ່ມີຄວາມຈຳເປັນສຳລັບມະນຸດເຮົາເລີຍ
ຈາກການທົດລອງ ກັບຕົວຢ່າງຄົນແດນມາກ 1000 ຄົນ ໂດຍໃຊ້ແບ່ງອອກເປັນສອງກຸ່ມ ກຸ່ມທຳອິດໃຊ້ facebook ຕາມປົກກະຕິ ແລະກຸ່ມສອງ ເຊົາໃຊ້ເປັນເວລາ 1 ອາທິດ, ຜົນທີ່ໄດ້ຮັບ 88% ຂອງຄົນທີ່ເຊົາຫຼິ້ນ facebook ພົບວ່າຕົນເອງມີຄວາມສຸກຂຶ້ນ
ເຫດຜົນທີ່ເຮັດໃຫ້ ກຸ່ມທີ່ເຊົາຫຼິ້ນ facebook ມີຄວາມສຸກ ເພາະພວກເຂົາເຫັນຄວາມສຸກຂອງຄົນອື່ນໜ້ອຍລົງ, ຫຼຸດຄວາມອິດສາ, ຫຼຸດການປຽບທຽບຕົນເອງກັບຄົນອື່ນ ໂດຍສະເພາະພວກເຂົາບອກວ່າ facebook ເຮັດໃຫ້ສົນໃຈສິ່ງທີ່ຄົນອື່ນມີຫຼາຍກວ່າ ທີ່ຈະເຮັດໃຫ້ເຮົາໃສ່ໃຈກັບຄວາມຕ້ອງການຂອງຕົນເອງ
ນອກຈາກນີ້ ກຸ່ມທີ່ເຊົາຫຼິ້ນ facebook ຍັງບອກອີກວ່າ ການເຊົາຫຼິ້ນໂຊຊຽວມີເດຍ ເຮັດໃຫ້ພວກເຂົາຮູ້ສຶກກະຕືລືລົ້ນຫຼາຍຂຶ້ນ ມີຄວາມໂດດດ່ຽວ ດຽວດາຍຫຼຸດລົງ, ມີຄວາມກັງວົນຫຼຸດລົງ ແລະຕັດສິນໃຈເຮັດ ສິ່ງໃດສິ່ງໜຶ່ງໄດ້ດີຂຶ້ນ ແຖມຍັງມີເວລາໃຫ້ຄອບຄົວຫຼາຍຂຶ້ນ ໄດ້ພົບປະກັບຄົນສຳຄັນໃນຊີວິດ ແບບເຫັນໜ້າກັນ ແລະມີສະມາທິຫຼາຍຂຶ້ນ
ຕິດຕາມນານາສາລະ ກົດໄລຄ໌ເລີຍ!