ບໍລິສັດ Huawei ໄດ້ຈັດງານເປີດໂຕຊິບປະມວນຜົນລຸ້ນໃໝ່ຫຼ້າສຸດຢ່າງເປັນທາງການຄື Kirin 960 ທີ່ມາພ້ອມການອັບເກຣດສະເປັກແບບກະໂດດຂັ້ນທັງ CPU ແລະ GPU. ສຳລັບ Huawei Kirin 960 SoC ແມ່ນຈະເປັນການອັບເກຣດ CPU ມາຈາກລຸ້ນເກົ່າແບບ Kirin 950 ແຕ່ໃນດ້ານຂອງ GPU ຖືວ່າເປັນລຸ້ນໃໝ່ສຸດເລີຍ.
ອີງຕາມແຫຼ່ງຂ່າວຄື: Huawei Kirin 960 ແມ່ນມາພ້ອມກັບການປະມວນຜົນແບບ Quad-core ARM Cortex-A73 2.4 GHz + quad-core ARM Cortex-A53 1.8 GHz, ເຊິ່ງສ່ວນຂອງຄໍຕ່າງໆໃນ Kirin 960 SoC ຈະແບ່ງເປັນ Cortex-A73 4 ຄໍ ແລະ Cortex-A53 ອີກ 4 ຄໍ.
ທາງດ້ານ GPU ແມ່ນໃຊ້ຊິບ Mali-G71 MP8 ເຊິ່ງເປັນຊິບໃໝ່ຫຼ້າສຸດ ໂດຍທາງ Huawei ອ້າງວ່າມັນສາມາດເພີ່ມປະສິດຕິພາບໄດ້ດີເຖິງ 15%, ເພີ່ມປະສິດຕິພາບດ້ານກຣາບຟິກເຖິງ 180℅ ແລະປະຢັດພະລັງງານໄດ້ຫຼາຍກວ່າ 20℅ ຖ້າທຽບໃສ່ກັບຊິບ Kirin 950. ນອກຈາກນີ້ກໍມາພ້ອມກັບລະບົບຮັກສາຄວາມປອດໄພໃໝ່ ເຖິງ 3 ລະດັບ ສຳລັບໃຊ້ເຂົ້າລະຫັດມາດຕະຖານໃນເລື່ອງການເງິນ.
ສຳລັບໄຮໄລ້ສຳຄັນອື່ນໆຂອງ Huawei Kirin 960 ມີດັ່ງນີ້:
- ຮອງຮັບ UFS 2.1 storage, RAM LPDDR4
- ມາພ້ອມ IntelliSense i6 ເພື່ອຫຼຸດການໃຊ້ພະລັງງານລົງເມື່ອເກັບຂໍ້ມູນຈາກເຊັນເຊີ້ accelerometer, gyroscope, compass ແລະອື່ນໆ.
- Integrated Multi-mode 4G LTE Modem – ຮອງຮັບ LTE Cat 12 FDD / TDD ສຳລັບດາວໂຫຼດ ແລະ ຮອງຮັບ LTE Cat 13 FDD / TDD ສຳລັບອັບໂຫຼດ (ສູງສຸດເຖິງ 150 Mbps), WiFi 2×2 MIMO
- ຮອງຮັບການຫຼຸດສຽງລົບກວນລົງ, HD voice+ ແລະລະບົບສຽງແບບ 24-bit 192kHz
- ຮອງຮັບການຖ່າຍວີດີໂອລະດັບ 4K
- ຮອງຮັບ Vulkan
- ມາພ້ອມ inSE ສຳລັບເອັນຈິ້ນຮັກສາຄວາມປອດໄພ
ທ້າຍນີ້ຂໍປິດທ້າຍໄປພ້ອມກັບຜົນການທົດສອບປະສິດທິພາບດ້ວຍ GeekBench 4.0 ແລະ androbench 4.0
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!