ທ່ານ ເຊີແກ ຣີຢາບກອຟ ຮອງລັດຖະມົນຕີກະຊວງການຕ່າງປະເທດຣັດເຊຍໄດ້ກ່າວຕໍ່ກໍລະນີທີ່ອາເມລິກາອາດຈະຂວ້ຳບາດປະເທດຕົນອີກເທື່ອໃໝ່ໃນວັນທີ 17 ຕຸລານີ້ວ່າ: ປະເທດຕົນຈະຕອບໂຕ້ການຂວ້ຳບາດດ້ວຍມາດຕະການທີ່ເທົ່າທຽມກັນ. ແນວໃດກໍດີ, ຖ້າປະເທດໃດໜຶ່ງຫວັງບັນລຸເປົ້າໝາຍທາງການເມືອງໂດຍຜ່ານການຂວ້ຳບາດນັ້ນ “ເປັນສິ່ງທີ່ໜ້າອາຍ”.
ທ່ານ ຣີຢາບກອຟ ກ່າວວ່າ: ບໍ່ວ່າປະເທດຕົນຈະໃຊ້ມາດຕະການໃດກໍຕາມ ຖ້າວ່າບໍ່ຖືກໃຈອາເມລິກາກໍຈະຖືກອາເມລິກາຂວ້ຳບາດ. ຂະນະທີ່ຄວາມສ່ຽງຈາກການຂວ້ຳບາດຕໍ່ປະເທດຕົນທີ່ເພີ່ມຂຶ້ນເຊິ່ງບໍ່ເຄີຍຢຸດມາແຕ່ໃດໆທັງນີ້ສະແດງໃຫ້ເຫັນວ່າອາເມລິກາເປັນປະເທດອ່ອນແອແລະຂາດມາດຕະການປຶກສາຫາລືທີ່ຈິງຈັງ.
ຂ່າວສານຣັດເຊຍອ້າງຕາມທ່ານ ຈອນ ເຄຣີ ລັດຖະມົນຕີກະຊວງການຕ່າງປະເທດອາເມລິກາທີ່ກ່າວຫວ່າງມໍ່ໆມານີ້ວ່າ: ຣັດເຊຍຄວນແບກຫາບ “ຄວາມຮັບຜິດຊອບ” ຕໍ່ວິກິດການຊີຣີແລະບໍ່ໄດ້ປະຕິເສດທີ່ຈະຂວ້ຳບາດຕໍ່ຣັດເຊຍໃໝ່ອີກ. ແນວໃດກໍດີ, ອາເມລິກາຈະປຶກສາຫາລືວຽກງານການຂວ້ຳບາດທີ່ລະອຽດໃນອີກບໍ່ເທົ່າໃດມື້ຕໍ່ໜ້ານີ້.
ຂ່າວຈາກ: ສຳນັກຂ່າວສານປະເທດລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!