ກະດູກ ແລະແຂ້ວ ເປັນອະໄວຍະວະທີ່ສຳຄັນຢ່າງໜຶ່ງ ເຊິ່ງຫຼາຍຄົນບໍ່ໃຫ້ຄວາມສຳຄັນກັບການບຳລຸງຫຼາຍປານໃດ ເພາະຄິດວ່າກະດູກ ແລະແຂ້ວແຂງແຮງແລ້ວ, ແຕ່ຖ້າຫາກເຮົາບໍ່ບຳລຸງກໍຈະເຮັດໃຫ້ກະດູກຫັກ, ແຂ້ວຜຸ ໄດ້ງ່າຍ ມື້ນີ້ຈະມາແນະນຳອາຫານທີ່ຄວນກິນເພື່ອບຳລຸງແຂ້ວ ແລະກະດູກໃຫ້ແຂງແຮງ
- ອາຫານທີ່ມີແຄວຊຽມຫຼາຍ: ຄວນເລືອກກິນອາຫານທີ່ມີສານແຄວຊຽມສູງ ໂດຍສະເພາະແມ່ນ ຈາກນົມ, ໂຢເກິດ, ກຸ້ງແຫ້ງ, ຜັກກາດນາ, ງາດຳ ເພື່ອບຳຊ່ວຍບຳລຸງແຂ້ວ ແລະກະດູກໃຫ້ແຂງແຮງ
- ຫຼີກລຽງກິນນໍ້າອັດລົມ: ນໍ້າອັດລົມທຸກຊະນິດເມື່ອກິນເຂົ້າໄປຈະເຮັດໃຫ້ກະດູກຜ່ອຍ, ກະດູກບາງ ແລະນໍ້າອັດລົມຈະເຮັດໃຫ້ຮ່າງກາຍຂັບແຄວຊຽມອອກມາ ຫຼືບໍ່ດູດແຄວຊຽມໄວ້ ເຮັດໃຫ້ຮ່າງກາຍເຮົາຕ້ອງດຶງແຮ່ທາດຈຳນວນຫຼາຍທີ່ຈຳເປັນອອກມາຈາກກະດູກ
- ເລືອກກິນອາຫານທີ່ມີເສັ້ນໃຍສູງ: ໂດຍສະເພາະຜັກ ແລະໝາກໄມ້ເຊັ່ນ: ໝາກແຕງກວາ, ໝາກເລັ່ນ, ຜັກກາດນາ ເປັນຕົ້ນ ອາຫານປະເພດນີ້ຈະມີເສັ້ນໃຍສູງ ຈະຊ່ວຍທຳຄວາມສະອາດແຂ້ວໄດ້
- ເລືອກກິນອາຫານທີ່ມີປະໂຫຍດກັບແຂ້ວ ແລະປາກ: ອາຫານທີ່ມີວິຕາມິນຊີໂດຍສະເພາະແມ່ນ ໝາກກ້ຽງ, ໝາກນັດ, ກະຫຼໍາປີ, ແຄລອດ ເຊິ່ງມີຄວາມສຳຄັນ ໃນການຮັກສາແຂ້ວ, ກະດູກ
- ຫຼີກລຽງໂປຣຕີນຈາກຊີ້ນສັດ: ສານອາຫານຈາກໂປຣຕີນຈາກຊີ້ນສັດຈະເຮັດໃຫ້ເກີດການສູນເສຍແຄວຊຽມ ເຊິ່ງເປັນສິ່ງສຳຄັນສຳລັບກະດູກ
- ຫຼີກລຽງອາຫານເຄັມ: ອາຫານເຄັມມີສານໂຊດຽມຫຼາຍ ເມື່ອເຮົາກິນຈະເຮັດໃຫ້ຂັບແຄວຊຽມອອກມາເຊິ່ງຈະເຮັດໃຫ້ກະດູກຜ່ອຍໄດ້
- ຫຼີກລຽງການກິນຊາ, ກາເຟ: ເພາະສານຄາເຟອິນຈາກຊາ, ກາເຟ ຈະເຮັດໃຫ້ຮ່າງກາຍຂັບແຄວຊຽມຈາກຮ່າງກາຍ ອອກຜ່ານນໍ້າປັດສະວະ
- ເຊົາກິນເຫຼົ້າ ເບຍ: ເພາະມີສານແອວກໍຮໍເປັນສິ່ງສຳຄັນ ຈະເຮັດໃຫ້ຮ່າງກາຍຂາດແຄວຊຽມ ແລະຂັບແຄວຊຽມອອກມາ
- ດື່ມນໍ້າຫຼາຍໆ: ຖ້າເຮົາປາກແຫ້ງຈະເຮັດໃຫ້ມີກິ່ນປາກ ຫຼືມີແຂ້ວຜຸໄດ້ງ່າຍ ເພາະເວລາປາກແຫ້ງຈະເຮັດໃຫ້ເຊື້ອພະຍາດຈະເລີນເຕີບໂຕເປັນຈຳນວນຫຼາຍ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ