ສຳນັກຂ່າວຕ່າງປະເທດ ລາຍງານໃນວັນທີ 18 ຕຸລາຜ່ານມານີ້ວ່າ ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ສັ່ງໃຫ້ເຈົ້າໜ້າທີ່ກະຊວງປ້ອງກັນປະເທດ ດຳເນີນພາລະກິດກູ້ໄພ ຫລັງຈາກທີ່ເຮລິຄອບເຕີ້ EC 130 T2 ຂອງກອງທັບ ຊຶ່ງມີຄູເຝິກ ແລະ ນັກບິນເຝິກຫັດອີກ 2 ຄົນ ສູນຫາຍໄປຈາກຈໍເຣດາ ລະຫວ່າງອອກບິນເຝິກຊ້ອມ ໃນເຂດແຂວງຫວຸງເຕົ່າ ທາງພາກໃຕ້ຂອງປະເທດ.

ທັງນີ້ ເມື່ອບໍ່ດົນຜ່ານມາ ກອງທັບອາກາດຫວຽດນາມ ຫາກໍສູນເສຍເຮືອບິນໄປ 2 ລຳ ໃນເດືອນມິຖຸນາ ແລະ ເດືອນສິງຫາ ຈາກເຫດເຮືອບິນ CASA-212 ຕົກ ລະຫວ່າງອອກຄົ້ນຫານັກບິນ ແລະ ຊາກເຮືອບິນ SU-30 ທີ່ປະສົບອຸບັດເຫດຕົກ ເນື່ອງຈາກສະພາບອາກາດບໍ່ເອື້ອອຳນວຍ ຈົນເຮັດໃຫ້ມີຜູ້ເສຍຊີວິດ 9 ຄົນ.

ຕິດຕາມເຮົາທາງFacebook ກົດຖືກໃຈເລີຍ!