ໃກ້ຈະເຂົ້າສູ່ລະດູໜາວແລ້ວ ທ່ອງທ່ຽວ ກັບ ລາວໂພສຕ ເຮົາກໍ່ມີສະຖານທີ່ທ່ຽວທີ່ໃຫ້ຄົນທີ່ມັກການທ່ອງທ່ຽວໃນຍາມໜາວ ແລະ ຢາກໄປສຳພັດໃຫ້ຊິດກັບພູຜາ, ປ່າໄມ້ ພ້ອມກັບສຳພັດອາຍໝອກເຢັນໆ ຕ້ອງບໍ່ພາດທີ່ຈະມາທ່ຽວຊົມ ປ່າສະຫງ່ວນພູຖະແຫຼງ ເປັນເຂດທີ່ອຸດົມສົມບູນໄປດ້ວຍທຳມະຊາດ, ສັດນ້ຳ, ສັດບົກ ແລະ ພືດພັນນາໆຊະນິດ, ອີກທັງຍັງເປັນຈຸດຊົມວິວ ທີ່ສວຍງາມຂອງພູຜາປ່າໄມ້ ແລະ ໜ່ວຍພູສະຫຼັບສັບຊ້ອນ ເປັນດິນແດນແຫ່ງທະເລໝອກ ເມື່ອທ່ານໄດ້ໄປຢືນຢູ່ບ່ອນນັ້ນທ່ານຮູ້ສຶກວ່າກຳລັງຢືນຢູ່ທ້ອງຟ້າ ທ່າມກາງເມກໝອກເລີຍກໍ່ວ່າໄດ້ ເວົ້າແລ້ວ ແອັດກໍ່ຕ້ອງຫາໂອກາດໄປສຳພັດຈັກຄັ້ງໃນຊີວິດແລ້ວ
ປ່າສະຫວງພູຖະແຫຼງ ຕັ້ງຢູ່ເມືອງບຸນເໜືອ (ຜົ້ງສາລີ) ມີໄລຍະທາງຫ່າງຈາກເທດສະບານແຂວງ ລົງໄປທິດໃຕ້ 30 ກິໂລແມັດ ເປັນປ່າສະຫງວນທີ່ກວ້າງໃຫຍ່ ເຊິ່ງມີເນື້ອທີເຖິງ 9,274 ເຮັກຕ້າ ດ້ວຍຄວາມອຸດົມສົມບູນທາງທຳມະຊາດ ແລະ ບັນຍາກາດທີ່ປົກຄຸມໄປດ້ວຍເມກໝອກໜາວ ຈິ່ງເຮັດໃຫ້ເໝາະກັບການຍ່າງປ່າ, ການຕັ້ງແຄັ້ມກິນເຂົ້າປ່າ ເພື່ອສຳພັດກັບບັນຍາກາດທາງທຳມະຊາດທີ່ແທ້ຈິງ
ຖ້າໜາວນີ້ບໍ່ຮູ້ຈະໄປທ່ຽວໃສ ລອງມາທ່ຽວທີ່ປ່າສະຫງວນພູຖະແຫຼງລອງເບິ່ງຮັບຮອງຮອງວ່າທ່ານຈະສຳພັດເຖິງຄວາມໜາວຢ່າງຈຸໃຈແນ່ນອນ
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!