ອາທິດຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະໄດ້ໄປເບິ່ງລະບົບຊົນລະປະທານ (ປະຕູນ້ຳປ່ອງ 3) ຢູ່ເມືອງຍົມມະລາດ ແຂວງຄຳມ່ວນ ແລະຢ້ຽມຢາມໂຄງການຂຸດຄົ້ນບໍ່ຄຳຄຳເກີດແສນອຸດົມ ໂດຍມີຄະນະນຳຂອງແຂວງຄຳມ່ວນ, ອຳນາດການປົກຄອງເມືອງ ແລະ ພາກສ່ວນທີ່ກ່ຽວຂ້ອງໃຫ້ການຕ້ອນຮັບ ຢ່າງອົບອຸ່ນ.
ກ່ອນອື່ນທ່ານຮອງນາຍົກໄດ້ໄປເບິ່ງ ລະບົບຊົນລະປະທານ ແລະໄດ້ຮັບຟັງ ການລາຍງານຫຍໍ້ຈາກທ່ານ ມະນີວົງ ຈັນທະວົງ ເຈົ້າເມືອງໆຍົມມະລາດວ່າ: ປະຕູນ້ຳປ່ອງ 3 ແມ່ນໜຶ່ງໃນໂຄງການ ຊົນລະປະທານທີ່ສ້າງຂຶ້ນປະກອບສ່ວນ-ຕອບສະໜອງນ້ຳໃຫ້ແກ່ໂຄງການຄ້ຳປະກັນສະບຽງອາຫານຂອງລັດຖະບານທີ່ ໄດ້ກຳນົດເອົາເຂດເມືອງຍົມມະລາດ ເປັນເຂດພື້ນທີ່ການຜະລິດເຂົ້າ ເພື່ອໃຫ້ ບັນລຸຕາມແຜນການທີ່ກຳນົດໄວ້ປະມານ 4,5 ລ້ານກວ່າໂຕນໃນປີ 2020 ສຳລັບ ການອອກແບບແມ່ນສາມາດຫົດເນື້ອທີ່ ນາໄດ້ທັງໝົດເກືອບ 3.000 ເຮັກຕາ, ແຕ່ປະຈຸບັນເນື້ອທີ່ນາ ເຟືອງທີ່ໄດ້ນຳໃຊ້ນ້ຳຊົນລະປະທານ ແຫ່ງນີ້ຫົດແມ່ນມີພຽງແຕ່ 900 ກວ່າ ເຮັກຕາ (ຍັງມີແຜນຂະຫຍາຍເນື້ອທີ່ ຕື່ມອີກ), ມູນຄ່າການກໍ່ສ້າງທັງໝົດ 31 ລ້ານໂດລາ, ໄດ້ນຳໃຊ້ມາແລ້ວຈຳນວນ 2 ລະດູນາປີ ແລະ1 ລະດູນາແຊງ ໃນນັ້ນ ລະດູນາແຊງທີ່ຜ່ານມາແມ່ນພົບບັນຫາ ນ້ຳບໍ່ພຽງພໍເຮັດໃຫ້ການປັກດຳບໍ່ບັນລຸ ຕາມແຜນການທີ່ວາງໄວ້.
ໃນໂອກາດດຽວກັນ, ທ່ານຮອງນາຍົກລັດຖະມົນຕີໄດ້ມີຄຳເຫັນເນັ້ນໜັກໃຫ້ຄະນະນຳຂອງແຂວງຄຳມ່ວນ ກໍຄືເມືອງ ຍົມມະລາດເອົາໃຈໃສ່ຕໍ່ບາງວຽກງານ ຕື່ມເປັນຕົ້ນໃຫ້ເອົາໃຈໃສ່ຄຸ້ມຄອງເນື້ອທີ່ທຳການຜະລິດ ທີ່ມີແລ້ວໃຫ້ດີ ໂດຍບໍ່ໃຫ້ຫັນໄປນຳໃຊ້ເປັນດິນປະເພດອື່ນ; ສົມທົບກັບປະຊາຊົນຄຸ້ມຄອງ, ປົກປັກຮັກສາ ແລະປັບປຸງລະບົບຊົນລະປະທານ ໃຫ້ມີສະພາບພ້ອມໃຊ້ງານຢູ່ສະເໝີ ແລະ ຮັບປະກັນໄດ້ຄວາມຍືນຍົງ, ນຳເອົາບົດ ຮຽນກໍຄືເຕັກນິກໃນການຜະລິດທີ່ພົ້ນ ເດັ່ນຂອງແຂວງ ໂດຍສະເພາະເຕັກນິກ ການເຮັດນາໄຮ່ໃຫຍ່ຢູ່ເມືອງໜອງບົກ ມາຊຸກຍູ້ປະຊາຊົນໝູນໃຊ້ໃນທ້ອງຖິ່ນ ຂອງຕົນໃຫ້ເກີດດອກອອກຜົນເປັນ ກ້າວໆ.
ຈາກນັ້ນຄະນະຂອງທ່ານຮອງນາຍົກລັດຖະມົນຕີໄດ້ເດີນທາງໄປຢ້ຽມ ຢາມໂຄງການຂຸດຄົ້ນບໍ່ຄຳຄຳເກີດແສນ ອຸດົມ ໃນໂອກາດນີ້ ທ່ານຮອງນາຍົກລັດ ຖະມົນຕີໄດ້ໃຫ້ກຽດພົບປະໂອ້ລົມກັບຄະນະຮັບຜິດຊອບຄຸ້ມຄອງ ແລະບໍລິຫານໂຄງການດັ່ງກ່າວກ່ອນອື່ນ, ທ່ານໄດ້ ກ່າວຍ້ອງຍໍຊົມເຊີຍຕໍ່ຄວາມສາມາດ ແລະຜົນສຳເລັດໃນການປະຕິບັດວຽກ ງານຂອງໂຄງການໃນໄລຍະຜ່ານມາ ເປັນຕົ້ນການນຳເອົາເຄື່ອງມື-ອຸປະ ກອນ, ເຕັກນິກວິຊາການທີ່ທັນສະໄໝມາ ຈາກຕ່າງປະເທດ, ຄວາມຄືບໜ້າໃນ ການພັດທະນາໂຄງການ ແລະອື່ນໆ.
ພ້ອມກັນນັ້ນ, ທ່ານຍັງໄດ້ນຳສະເໜີ ໃຫ້ຊາບຕື່ມຕໍ່ບາງເນື້ອໃນຂອງກົດໝາຍວ່າດ້ວຍການສົ່ງເສີມການລົງທຶນ ໂດຍ ສະເພາະແມ່ນສິດແລະພັນທະຂອງຜູ້ລົງ ທຶນ, ການຄຸ້ມຄອງ-ກວດກາ ແລະອື່ນໆ ຊຶ່ງພາກສ່ວນທີ່ກ່ຽວຂ້ອງກໍຄືໃນທົ່ວສັງຄົມຕ້ອງໄດ້ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນເປັນຢ່າງດີ, ມີຄວາມເປັນເອ ກະພາບ ແລະສະເໝີພາບຕໍ່ໜ້າກົດໝາຍ. ນອກນັ້ນ, ທ່ານຍັງໄດ້ຊີ້ນຳໃຫ້ເອົາໃຈໃສ່ ຕໍ່ການປະຕິບັດວຽກງານພາຍໃນໂຄງ ການໃຫ້ມີຄວາມປອດໄພຮອບດ້ານເປັນ ຕົ້ນດ້ານຊີວິດ, ຊັບສິນ, ສິ່ງແວດລ້ອມ ແລະດ້ານອື່ນໆທີ່ກ່ຽວຂ້ອງ.
ຂ່າວ: ເສດຖະກິດ-ສັງຄົມ