ໝາກນັດນອກຈາກເປັນໝາກໄມ້ທີ່ລົດຊາດແຊບຖືກໃຈຫຼາຍຄົນແລ້ວ ຍັງມີສານອາຫານທີ່ດີຕໍ່ຮ່າງກາຍອີກດ້ວຍ ບໍ່ວ່າຈະເປັນຄາໂບໄຮເດດ, ວິຕາມິນຊີ, ວິຕາມິນບີ 1, ວິຕາມິນບີ 6, ແຄວຊຽມ, ເຫຼັກ ແລະແຮ່ທາດອີກຫຼາຍໆຊະນິດ
ສາເຫດທີ່ກິນໝາກນັດແລ້ວ ຮູ້ສຶກວ່າແສບລີ້ນ, ເພາະວ່າໝາກນັດມີເອນໄຊທີ່ມີຊື່ວ່າ “ບຣໍມີເລນ” ເຊິ່ງມີຄຸນສົມບັດຍ່ອຍສະຫຼາຍໂປຣຕີນ ບໍ່ໃຫ້ໂປຣຕີນຄ້າງຢູ່ໃນລຳໄສ້ ແລະລີ້ນຂອງເຮົາກໍມີທຳມະຊາດເຄື່ອນຢູ່. ດັ່ງນັ້ນ ເອນໄຊ ບຣໍມີເລນ ຈຶ່ງເຮັດການຍ່ອຍໂປຣຕີນໃນລີ້ນ ຈຶ່ງເຮັດໃຫ້ເຮົາຮູ້ສຶກເຄັດລີ້ນ, ແຕ່ເມື່ອເຮົາເຊົາກິນໝາກນັດ ບຶດໜຶ່ງລີ້ນກໍຈະສ້າງໂປຣຕີນຂຶ້ນມາເຄືອບລີ້ນໃໝ່ ເຮັດໃຫ້ອາການເຄັດລີ້ນນັ້ນດີເອງໄດ້
ມື້ນີ້ເຮົາມີເຄັດລັບວິທີກິນໝາກນັດບໍ່ໃຫ້ແສບລີ້ນ ໂດຍການເອົາໝາກນັດທີ່ປອກເປັນປ່ຽງໄປແຊ່ກັບນໍ້າເກືອ ປະມານ 2-3 ນາທີກ່ອນກິນ ຫຼືອາດຈະກິນໂດຍການຈໍ້າເກືອເລີຍກໍໄດ້ ແຕ່ອາດບໍ່ໄດ້ຜົນດີເທົ່າການເອົາແຊ່ກັບເກືອ ເທົ່ານີ້ກໍສາມາດຊ່ວຍຫຼຸດການເຄັດລີ້ນຈາກການກິນໝາກນັດໄດ້ແລ້ວ.
ການທີ່ເຮົາເອົາໄປແຊ່ກັບນໍ້າເກືອນັ້ນຈະເຮັດໃຫ້ຫຼຸດຄວາມເຂັ້ມຂຸ້ນຂອງເອນໄຊ ບຣໍມີເລນ ເຮັດໃຫ້ເອນໄຊດັ່ງກ່າວບໍ່ເຮັດວຽກເຕັມທີ່, ແຕ່ຖ້າໃຜຫາກຈະກິນໝາກນັດເພື່ອຊ່ວຍຍ່ອຍອາຫານ ຕ້ອງກິນແບບສົດໆເທົ່ານັ້ນຈຶ່ງຈະເຫັນຜົນ
ຕິດຕາມນານາສາລະ ກົດໄລຄ໌ເລີຍ!