ເປັນອີກໜຶ່ງປະກົດການຄັ້ງສຳຄັນຂອງມວຍໄທ ເຊິ່ງຕອນນີ້ໄດ້ກາຍເປັນທີ່ຍອມຮັບໃນກຸ່ມປະເທດຕະເວັນອອກກາງ ບໍ່ແມ່ນພຽງແຕ່ ຢຸໂຣບ, ຈີນ, ຢີ່ປຸ່ນ ເທົ່ານັ້ນ ແລະ ນີ້ກໍ່ເປັນຄັ້ງທຳອິດທີ່ບົວ ບັນຊາເມກ ຈະໄດ້ຂຶ້ນຊົກໃນກຸ່ມປະເທດຕະເວັນອອກກາງ ໃນວັນທີ 10 ທັນວາ 2016 ທີ່ຈະມາເຖິງນີ້ ທີ່ນະຄອນເບຣຸສ ປະເທດເລບານອນ ກະຕິກາການຊົກ ມວຍໄທເຕັມຮູບແບບ ຊົກກັນເຕັມໆ 5 ຍົກ ສຳລັບການຖ່າຍທອດສົດນັ້ນ ຖ້າແອັດມິນຮູ້ລາຍລະອຽດທີ່ຊັດເຈນແລ້ວຈະມາແຈ້ງໃຫ້ຮູ້ຕາມພາຍຫຼັງ

ການຊົກຄັ້ງນີ້ເປັນອີກຄັ້ງໜຶ່ງທີ່ບົວຂາວພົບເສິກໜັກກັບການພົບນັກມວຍກະດູກແຂງ ຢ່າງ “ແຊັມອັງເດຣ ດູເລບິນ” ໃນວັນທີ 10 ທັນວາ 2016  ທີ່ໃກ້ຈະຮອດນີ້ ໃນ nouhad nawfal ສະເຕດ້ຽມ ທີ່ຟິນິກຊ໌ 1 ເຮົາມາລຸ້ນນຳກັນວ່າ ລະຫວ່າງ ບົວຂາວ ຫຼື ດູເລບິນ ໃຜຈະເປັນຄົນຊະນະໃນເສິກຄັ້ງນີ້

ຄູ່ຊົກຂອງບົວຂາວ  ອັງເດຣ ດູເລບິນ ເຈົ້າຂອງສາຍາ ຫົວລູກປືນ ເປັນນັກມວຍໄທຊາວ ເບລາຣຸສ ຮຸ່ນເຟເທີເວດ ຈາກຄ້າຍມວຍ “ສຶກໄຟລເຕີ” ເຊິ່ງຕັ້ງຢູ່ໃນນະຄອນມິນ ດູເລບິນ ເປັນແຊັມໂລກມວຍໄທ 18 ສະໃໝ ທີ່ຊະນະລາຍການລະດັບນານາຊາດ ທັງໃນລະດັບສະໝັກຫຼິ້ນ ແລະ ອາຊີບ ຈາກຮຸ່ນ 51 ກກ. ໄປຈົນເຖິງ 67 ກກ. ເຊິ່ງຖືເປັນໜຶ່ງໃນຮຸ່ນປອນ ຕໍປອນ ສຳລັບນັກມວຍໄທທີ່ສູງທີ່ສຸດໃນໂລກ ເມື່ອປີ 2007 ເຂົາເປັນນັກມວຍໄທຄົນທຳອິດໃນເບລາຣຸສ ທີ່ໄດ້ຮັບລາງວັນ “ອໍເນີມາສເຕີອັອບສະປອດ” ໂດຍປະທານາທິບໍດີຂອງປະເທດ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!