ອີງຕາມການລາຍງານຂ່າວຂອງສຳນັກຂ່າວຕ່າງປະເທດເມື່ອວັນທີ 13 ຕຸລາ 2016 ນີ້ວ່າ ມີຊາຍຄົນອິນເດຍຖືກໄຟຊ໊ອດເສຍຊີວິດ ໃນຂະນະທີ່ກຳລັງຟັງເພງຈາກໂທລະສັບມືຖື ທີ່ສາກຢູ່ ຕຳຫຼວດຄາດວ່າໄຟຟ້າລັດວົງຈອນ ແຕ່ບໍ່ໄດ້ເປີດເຜີຍວ່າສາຍສາກບໍ່ໄດ້ມາດຕະຖານ
ຈາກອຸປະຕິເຫດຄັ້ງນີ້ ແມ່ນທ້າວ ສຸນິນ ຢຸບເນ ອາຍຸ 27 ປີ ໄດ້ສຽບຫູຟັງເພງຈາກໂທລະສັບມືຖືທີ່ກຳລັງສາກ ແຕ່ລາວກໍຕ້ອງລົ້ມລົງກັບພື້ນ ເພາະໄຟຊ໊ອດ ຈາກນັ້ນກໍຖືກນຳສົ່ງໂຮງໝໍ ແຕ່ກໍຊ່ວຍຊີວິດໄວ້ບໍ່ໄດ້
ເຫດການນີ້ເກີດຂຶ້ນເມື່ອເວລາປະມານ 7 ໂມງ ຂອງວັນທີ 8 ຕຸລາ 2016 ຈາກການສອບສວນໃນຄັ້ງນີ້ ຕຳຫຼວດໄດ້ບອກວ່າ ສາເຫດການເສຍຊີວິດຂອງ ທ້າວ ສຸນິນ ມາຈາກໄຟຟ້າລັດວົງຈອນ ລາວຖືກໄຟຊ໊ອດຢ່າງແຮງຈົນຊ໊ອກລົງກັບພື້ນ ແລະເສຍຊີວິດລົງ