Homeຂ່າວພາຍ​ໃນໜຶ່ງປີຜ່ານມາ ແຂວງໄຊຍະບູລີ ສົ່ງອອກສິນຄ້າ ລວມມູນຄ່າ 33 ລ້ານໂດລາ!

ໜຶ່ງປີຜ່ານມາ ແຂວງໄຊຍະບູລີ ສົ່ງອອກສິນຄ້າ ລວມມູນຄ່າ 33 ລ້ານໂດລາ!

Published on

ຂປລ. ພະແນກອຸດສາຫະກຳ ແລະ ການຄ້າແຂວງໄຊຍະບູລີ ໃຫ້ຮູ້ວ່າ: ໃນໄລຍະ 1 ປີຜ່ານມາ ແຂວງໄຊຍະບູລີ ສາມາດສົ່ງອອກສິນຄ້າໄປຕ່າງປະເທດ ມີມູນຄ່າທັງໝົດ 33 ລ້ານກ່ວາໂດລາສະຫະລັດ, ທຽບໃສ່ແຜນການປີປະຕິບັດໄດ້ 45,91% ເມື່ອທຽບໃສ່ປີຜ່ານມາຫລຸດລົງ 43%, ໃນນີ້ ຜະລິດຕະພັນກະສິກຳ-ລ້ຽງສັດ ກວມ 31 ລ້ານໂດລາ, ເຄື່ອງປ່າຂອງດົງ 1 ລ້ານກ່ວາໂດລາ, ໄມ້ ແລະ ຜະລິດຕະພັນໄມ້ 648.807 ໂດລາ, ຖ່ານດັງໄຟ 10.000 ກ່ວາໂດລາ, ຫີນຂົບ ແລະ ຊາຍນ້ຳຂອງມູນຄ່າ 3.600 ໂດລາສະຫະລັດ.

ຄຽງຄູ່ການສົ່ງອອກສີນຄ້າແລ້ວ, ໃນ 1 ປີຜ່ານມາ ແຂວງໄຊຍະບູລີ ຍັງນຳເຂົ້າສິນຄ້າຈາກຕ່າງປະເທດ ມີມູນຄ່າທັງໝົດ 17 ລ້ານກ່ວາໂດລາສະຫະລັດ, ທຽບໃສ່ແຜນການປີປະຕິບັດໄດ້ 18,52%, ທຽບໃສ່ປີຜ່ານມາຫລຸດລົງ 14%, ໃນນີ້ ເປັນໝວດສະບຽງອາຫານ ແລະ ເຄື່ອງດື່ມ, ເຄື່ອງໃຊ້ສອຍປະຈຳວັນ, ອຸປະກອນກໍ່ສ້າງ ແລະ ເຄື່ອງໄຟຟ້າ, ພາຫະນະ ແລະ ອາໄຫລ່, ແນວພັນອຸປະກອນຮັບໃຊ້ການຜະລິດ, ນ້ຳມັນເຊື້ອໄຟ, ອຸປະກອບປັບປຸງໂຮງຮຽນ, ອົກຊີສຳເລັດຮູບ ​ແລະ​ອື່ນໆ. ວຽກງານຄຸ້ມຄອງ ອຸດສາຫະກຳ ແລະ ຫັດຖະກຳ ກໍໄດ້ຕັ້ງໜ້າປະຕິບັດຕາມສິດໜ້າທີ ​ໂດຍສົມທົບກັບຂະແໜງການກ່ຽວຂ້ອງ ລົງກວດກາໂຮງງານຜະລິດຊີມັງຊານເລີ, ໂຮງງານກັ່ນຫົວນ້ຳຫອມສີໄຄຕົ້ນຂອງ ບໍລິສັດກອນສິນສາກົນ ຈຳກັດ, ໂຮງງານເຜົາ ແລະ ປຸງແຕ່ງຂີ້ເຖົ່າລວຍ, ໂຮງງານຂ້າສັດ, ສະຖານທີ່ທ່ອງທ່ຽວອ່າງນ້ຳຕຽນ ແລະ ສະຖານທີ່ອື່ນໆ ອີກຈຳນວນໜື່ງ.

ປັດຈຸບັນແຂວງໄຊຍະບູລີ ອອກເອກະສານອະນຸຍາດສ້າງຕັ້ງ ແລະ ດຳເນີນກິດຈະການດ້ານອຸດສາຫະກຳ ແລະ ຫັດຖະກຳ ທັງໝົດ 39 ແຫ່ງ, ໃນນີ້ ສ້າງຕັ້ງໃໝ່ 5 ແຫ່ງ ແລະ ສືບຕໍ່ດຳເນີນກິດຈະການ 34 ແຫ່ງ ໂດຍເຮັດໃຫ້ມູນຄ່າການຜະລິດດ້ານອຸດສາຫະກຳ ແລະ ຫັດຖະກຳບັນລຸ​ເກືອບ 200 ຕື້ກີບ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 2,6% ແລະ ຍອດມູນຄ່າການຈຳໜ່າຍຜະລິດຕະພັນອຸດສາຫະກຳ ແລະ ຫັດຖະກຳບັນລຸໄດ້ 247 ຕື້ກີບ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 2,8%. 
ແຫລ່ງຂ່າວ:
ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...

ປັກຫຼັກໝາຍຊາຍແດນ  ລາວ-ກຳປູເຈຍ ກໍານົດຈຸດທີ່ຈະປັກຫຼັກຊາຍແດນ ສຳເລັດແລ້ວ 213 ຫຼັກໝາຍ ເພື່ອແກ້ໄຂບັນຫາການບຸກເບີກເນື້ອທີ່ກະສິກຳທີ່ລ່ວງລໍ້າຊາຍແດນ

ກອງສຳຫຼວດ ແລະ ປັກຫຼັກໝາຍຊາຍແດນ ລາວ-ກຳປູເຈຍ ເມືອງໂຂງ ແຂວງຈຳປາສັກ ໄດ້ສະຫຼຸບ ການຈັດຕັ້ງປະຕິບັດວຽກງານພາຍໃນປີ 2025 ທີ່ຜ່ານມາ.​ ທ່ານ ພັນໂທ ໂພສະຫວັນ ພິມມະວົງ...