spot_img
Homeຂ່າວຕ່າງປະເທດອາເມຣິກາ ເຈລະຈາຫາລື ຂໍສົ່ງທະຫານເຂົ້າປະຈຳການຢູ່ນອກແວ ຫວັງສະກັດອິດທິພົນຣັດເຊຍ!

ອາເມຣິກາ ເຈລະຈາຫາລື ຂໍສົ່ງທະຫານເຂົ້າປະຈຳການຢູ່ນອກແວ ຫວັງສະກັດອິດທິພົນຣັດເຊຍ!

Published on

ສຳນັກຂ່າວຕ່າງປະເທດ ລາຍງານໃນວັນທີ 11​ ຕຸລາຜ່ານມານີ້ວ່າ ທ່ານ ນາງ ແອນ ຄຣິສຕິນ ຊານບູວິກ ໂຄສົກກະຊວງປ້ອງກັນປະເທດນອກແວ ໄດ້ປະກາດຄຳຖະແຫລງໃນວັນຈັນທີ 10 ຕຸລາຜ່ານມາວ່າ ລັດຖະບານອາເມຣິກາ ໄດ້ເປີດການເຈລະຈາຫາລືກັບລັດຖະບານນອກແວ ຢ່າງເປັນທາງການ ເພື່ອຂໍສົ່ງທະຫານອາເມຣິກາ ເຂົ້າມາປະຈຳການຢູ່ນອກແວ ເພື່ອຫວັງສະກັດການແຜ່ຂະຫຍາຍອິດທິພົນຂອງຣັດເຊຍ ໂດຍໂຄສົກກະຊວງປ້ອງກັນປະເທດນອກແວໄດ້ລະບຸວ່າ ການມາປະຈຳການຂອງທະຫານອາເມຣິກາ ຈະຕ້ອງຢູ່ພາຍໃຕ້ເງື່ອນໄຂທີ່ວ່າ ຈະຕ້ອງບໍ່ເປັນໄພຄຸກຄາມອະທິປະໄຕ ແລະ ຄວາມສະຫງົບສຸກຂອງຊາວນອກແວ.

ຫາກການເຈລະຈາດັ່ງກ່າວນີ້ເປັນໄປດ້ວຍດີ ແລະ ໄດ້ຮັບການເຫັນດີຈາກລັດຖະສະພານອກແວແລ້ວ ຄາດວ່າອາເມຣິກາ ຈະສົ່ງທະຫານຂອງຕົນຊຸດທຳອິດ ປະມານ 300 ຄົນ ເຂົ້າມາປະຈຳການຢູ່ຖານທັບ “Vaernes” ຊຶ່ງຕັ້ງຢູ່ຫ່າງຈາກຊາຍແດນຣັດເຊຍ ປະມານ 1,000 ກິໂລແມັດ ແລະ ຈະກາຍເປັນຄັ້ງທຳອິດໃນປະຫວັດສາດຂອງນອກແວ ທີ່ອະນຸຍາດໃຫ້ກອງທະຫານຕ່າງປະເທດ ເຂົ້າມາປະຈຳການຢູ່ດິນແດນຕົນ ເນື່ອງຈາກໃນໄລຍະຜ່ານມາ ນອກແວເປີດຮັບກຳລັງທະຫານຕ່າງຊາດເຂົ້າປະເທດ ພຽງເພື່ອການເຝິກຊ້ອມສູ້ຮົບເທົ່ານັ້ນ.

ທັງນີ້ ຖ້າຫາກການເຂົ້າມາປະຈຳການຂອງທະຫານອາເມຣິກາ ຢູ່ປະເທດນອກແວເກີດຂຶ້ນ ຈະຖືເປັນອີກກໍລະນີເຜັດຮ້ອນໜຶ່ງ ທີ່ຈະສ້າງຈຸດເດືອດຕໍ່ຄວາມສຳພັນອັນເຄັ່ງຕຶງ ລະຫວ່າງສະຫະລັດອາເມຣິກາ ແລະ ຣັດເຊຍ ຢູ່ທະວີບເອີຣົບ ພາຍຫລັງທີ່ເກີດກໍລະນີວິກິດການຢູ່ອູແກຣນມາແລ້ວ.

 

 
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...