ເວລາເປັນສິວຢູ່ຫຼັງ ຈະເຮັດໃຫ້ເຮົາບໍ່ໝັ້ນໃຈ ບໍ່ກ້າຈະໃສ່ເສື້ອສາຍດ່ຽວ, ເສື້ອກ້າມ ຫຼືເສື້ອທີ່ຕ້ອງໄດ້ໂຊຫຼັງ, ມື້ນີ້ມີວິທີຮັກສາຮອຍສິວທີ່ເກີດຢູ່ຫຼັງໃຫ້ຫາຍດີ ແລະປົກປິດຮ່ອງຮອຍໃຫ້ກັບມານຽນອີກຄັ້ງ ໃຫ້ອອກຈາກບ້ານແບບໝັ້ນໃຈ
- ໂປະຜົງວິເສດ: ການໂປະຜົງວິເສດໃສ່ຊ່ວຍໃຫ້ສິວດີໄວຂຶ້ນ ໂດຍການເອົານໍ້າມາປະສົມກັບຜົງວິເສດໃຫ້ພໍດີໜຽວ ແລ້ວກໍແປະໃສ່ເທິງບ່ອນທີ່ສິວເກີດຂຶ້ນ ຖ້າຢາກໃຫ້ດີໄວກໍປະສົມກັບຢາແຕ້ມສິວແບບນໍ້າ ແລ້ວສິວຢູ່ຫຼັງກໍຈະແຫ້ງ ແລະດີໄວຂຶ້ນ
- ຖ້າມີຫົວສິວໃຫ້ບີບອອກ: ໂດຍການໃຫ້ໝູ່ ຫຼືຄົນໃຫ້ຊິດສີດອອກໃຫ້ ຫຼັງຈາກສີດອອກກໍໂປະຜົງພິເສດໃສ່ເພື່ອໃຫ້ແຫ້ງ ຫຼືຖ້າເປັນຮອຍໃຫຍ່ກໍແປະເປຕາລີນໃສ່ເພື່ອສະໝານແຜ ຫຼັງຈາກຫົວສິວອອກແລ້ວ ເຮົາກໍຈະຮັກສາຮອຍສິວ
- ທາຄີມລຶບຮອຍສິວ: ເມື່ອເຮົາກໍາຈັດສິວອອກແລ້ວ ກໍເປັນການຟື້ນຟູ ໂດຍການທາຄີມລຶບຮອຍສິວ ຈຳພວກວິຕາມິນອີ ເອົາມາທາບ່ອນທີ່ເປັນຮອຍສິວ ຮັບຮອງວ່າສິວຈະຈາງລົງ
- ທາຄີມບຳລຸງຕາມປົກກະຕິ: ຖ້າບໍ່ຢາກໃຫ້ຫຼັງແຫ້ງບໍ່ເປັນຕາເບິ່ງ ກໍຄວນທາຄີມບຳລຸງເພື່ອເພີ່ມຄວາມຊຸ່ມຊື່ນ ແລະການບຳລຸງ ໂດຍສະເພາະຄີມບຳລຸງວິຕາມິນບີ 3 ຫຼືໄວເທນນິ້ງ ຈະເຮັດໃຫ້ຜິວນຽນ ແລະຍັງຊ່ວຍຫຼຸດຮອຍໃຫ້ຈາງລົງ
- ຖ້າຕ້ອງໄດ້ອອກງານກໍຄວນທາແປ້ງປົກໄວ້ກ່ອນ: ສ່ວນໃຜທີ່ຕ້ອງໄດ້ອອກງານ ໂດຍຕ້ອງໄດ້ນຸ່ງເສື້ອສາຍດ່ຽວ ຫຼືໄດ້ໂຊຫຼັງ ອາດຈະທາຮອງພື້ນ ແລະທາແປ້ງທີ່ມີສີດຽວກັບຜິວ ເພື່ອປົກໃຫ້ຮອຍຈາງລົງ, ແຕ່ຖ້າຫາກເລືອກໄດ້ ກໍແນະນຳໃຫ້ຫຼີກລຽງຈະດີກວ່າ ເພື່ອຜິວຈະບໍ່ອຸດຕັນ ຈົນກາຍ ເປັນສິວອຸດຕັນກັບມາເປັນສິວອີກຄັ້ງ ລໍຖ້າໃຫ້ດີກ່ອນແມ່ນດີທີ່ສຸດ
ຕິດຕາມນານາສາລະ ກົດໄລຄ໌ເລີຍ!