ອີງຕາມສຳນັກຂ່າວຕ່າງປະເທດລາຍງານເມື່ອວັນທີ 10 ຕຸລາຜ່ານມາວ່າ ເກີດເຫດຕຶກົຖະຫຼົ່ມ ໃນເຂດຊານເມືອງເວິນໂຈວ ມົນທົນເຈີ້ຈຽງ ປະເທດຈີນ ມີເຫດຜູ້ທີ່ເສຍຊີວິດຈາກເຫດການໃນຄັ້ງນີ້ 22 ຄົນ, ມີຄົນທີ່ລອດຊີວິດພຽງແຕ່ 6 ຄົນ
ເດັກນ້ອຍຍິງ ອາຍຸ 3 ປີ ຄືໜຶ່ງໃນຜູ້ທີ່ລອດຊີວິດ ຫຼັງຈາກທີ່ຕິດຢູ່ພາຍໃນຊາກທີ່ຖະຫຼົ່ມລົງດົນຮອດ 14 ຊົ່ວໂມງ, ເຈົ້າໜ້າທີ່ກູ້ໄພເລົ່າວ່າ ເດັກນ້ອຍລອດຊີວິດມາໄດ້ຍ້ອນພໍ່ຂອງລາວໃຊ້ຮ່າງກາຍຕົນເອງປ້ອງກັນລາວຈາກອັນຕະລາຍ ແຕ່ທີ່ເສົ້າໃຈເພາະພໍ່ ແລະແມ່ຂອງລາວໄດ້ເສຍຊີວິດລົງຍ້ອນເຫດການຄັ້ງນີ້
ອາຄານດັ່ງກ່າວມີຄວາມສູງ 4 ຊັ້ນຖືກສ້້າງຂຶ້ນໃນປີ 1970 ເຊິ່ງສາເຫດທີ່ແທ້ຈິງຂອງການຖະຫຼົ່ມແມ່ນຍັງຢູ່ການກວດສອບ ແຕ່ຄິດວ່າມາຈາກອາຄານຫຼັງນີ້ເກົ່າ ແລະເສື່ອມສະພາບ, ອາຄານທີ່ມີຄວາມເກົ່າແກ່ ແລະຕັ້ງຢູ່ບໍລິເວນນັ້ນ ຈະຖືກຮື້ມ້າງອອກເພື່ອຫຼີກລຽງການເກີດເຫດການແບບນີ້ອີກ