spot_img
Homeມູມໄອທີລາວລາກ່ອນ! Samsung ປະກາດຢຸດຂາຍ Galaxy Note7 ທົ່ວໂລກຢ່າງຖາວອນແລ້ວ!! ພ້ອມທັງໃຫ້ຜູ້ໃຊ້ຢຸດໃຊ້ເຄື່ອງດັ່ງກ່າວ

ລາກ່ອນ! Samsung ປະກາດຢຸດຂາຍ Galaxy Note7 ທົ່ວໂລກຢ່າງຖາວອນແລ້ວ!! ພ້ອມທັງໃຫ້ຜູ້ໃຊ້ຢຸດໃຊ້ເຄື່ອງດັ່ງກ່າວ

Published on

ຈາກຂ່າວມື້ວານນີ້ທີ່ເຮົາໄດ້ສະເໜີໄປວ່າທາງບໍລິສັດ Samsung ນັ້ນໄດ້ປະກາດໃຫ້ຢຸດເຊົາຂາຍ ແລະປ່ຽນເຄື່ອງ Galaxy Note7 ໄປກ່ອນ ໃນລະຫວ່າງທີ່ມີການກວດສອບຫາຄວາມເປັນຈິງ

ອີກຕາມລາຍງານຈາກ Bloomberg ແລະ Wall Street Journal, ທາງບໍລິສັດ Samsung ກໍໄດ້ມີການປ່ຽນແປງຄັ້ງໃຫຍ່ເກີດຂຶ້ນໂດຍທາງບໍລິສັດໄດ້ອອກມາປະກາດຢ່າງເປັນທາງການແລ້ວວ່າຈະຢຸດເຊົາຂາຍເຄື່ອງ Galaxy Note7 ຢ່າງຖາວອນແລ້ວ ທັງໆທີຫາກ່ອນເປີດໂຕມາໄດ້ບໍ່ຮອດ 2 ເດືອນຊ້ຳ. ອີກທັງລຸ້ນນີ້ກໍເປັນອີກລຸ້ນໜຶ່ງທີ່ໄດ້ຮັບຄະແນນ ຣີວິວ (Reviews) ເຖິງຂັ້ນດີຫຼາຍ.

ນອກຈາກນີ້ຍັງມີລາຍງານການວິເຄາະເລື່ອງຄ່າໃຊ້ຈ່າຍຫຼັງຈາກບໍລິສັດ Samsung ປະກາດຢຸດຈຳໜ່າຍ Galaxy Note 7 ໄປແລ້ວນັ້ນ ໂດຍຄາດວ່າເປັນເງິນປະມານ 17 ພັນລ້ານໂດລາ ແລະຖ້າລວມທັງການເກັບຄືນໃນຮອບ 2 ຄາດວ່າຈະເປັນເງິນເຖິງ 26 ພັນລ້ານໂດລາ. 

ສຳລັບ ຊຳຊຸງລາວ ທາງເຮົາກໍບໍ່ແນ່ໃຈວ່າເປັນແນວໃດ ແຕ່ກໍຄາດວ່າຈະຢຸດຂາຍຄືກັນກັບປະເທດອື່ນ ເພາະຫຼ້າສຸດນີ້ຜູ້ໃຫ້ບໍລິການຍອດນິຍົມຈາກອາເມຣິກາຫຼາຍລາຍ ກໍຢຸດຂາຍກັນໝົດແລ້ວ

ທ້າຍນີ້ເຮົາມາປິດທ້າຍໄປພ້ອມກັບຄຳເວົ້າສຸດທ້າຍຈາກບໍລິສັດ Samsung ກັນເລີຍ…..

“ຄວາມປອດໄພຂອງຜູ້ບໍລິໂພກນັ້ນຖືເປັນເລື່ອງສຳຄັນຢ່າງຍິ່ງສຳລັບເຮົາ, ດັ່ງນັ້ນພວກເຮົາຈຶ່ງໄດ້ຕັດສິນໃຈຢຸດຂາຍແລະຜະລິດ Galaxy Note 7 ຢ່າງຖາວອນ”

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: fonearena

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...