Samsung ປະກາດຢຸດຈຳໜ່າຍແລະປ່ຽນເຄື່ອງ Galaxy Note7 ທົ່ວໂລກ ຫຼັງເຄື່ອງມີບັນຫາໃນຮອບ 2 ພ້ອມທັງບອກໃຫ້ຜູ້ໃຊ້ຢຸດໃຊ້ງານເຄື່ອງກ່ອນ

1
1691

ເບິ່ງຈາກສະຖານະການຫຼ້າສຸດຂອງສະມາດໂຟນເຮືອທຸງລຸ້ນໃໝ່ຂອງ Samsung ຄື: Galaxy Note7 ຄົງຈະບໍ່ສູ້ດີແລ້ວ, ເມື່ອເຄຶ່ອງຮອບ 2 ທີ່ຊຳຊຸງໄດ້ເປີດຈຳໜ່າຍແລະໃຫ້ຜູ້ໃຊ້ໄດ້ປ່ຽນເຄື່ອງນັ້ນ ມີລາຍງານວ່າເກີດລະເບີດຂຶ້ນ ຈົນເຮັດໃຫ້ຜູ້ໃຊ້ໄດ້ຮັບຄວາມເສຍຫາຍຫຼາຍລາຍ (ທາງເຮົາບໍ່ໄດ້ນຳສະເໜີຂ່າວ).

ຫຼ້າສຸດນີ້ເອງທາງບໍລິສັດ Samsung ກໍໄດ້ອອກມາກ່າວວ່າ: “ພວກເຮົາກຳລັງເຮັດວຽກຮ່ວມກັບໜ່ວຍງານກຳກັບເບິ່ງແຍງທີ່ກ່ຽວຂ້ອງເພື່ອກວດສອບລາຍງານຫຼ້າສຸດກ່ຽວກັບ Galaxy Note7 ໃນຕອນນີ້. ເພາະຄວາມປອດໄພຂອງຜູ້ຊົມໃຊ້ຖືເປັນເລື່ອງສຳຄັນທີ່ສຸດສຳລັບເຮົາ” 

ນອກຈາກນີ້ ທາງ Samsung ກໍຍັງຈະຂໍໃຫ້ຜູ້ໃຫ້ບໍລິການແລະຄູ່ຄ້າລາຍຍ່ອຍອື່ນໆໃນທົ່ວໂລກຢຸດການວາງຈຳໜ່າຍແລະແລກປ່ຽນ Galaxy Note7 ໄປກ່ອນ, ໃນຂະນະທີ່ຍັງມີການກວດສອບຫາຄວາມຈິງທີ່ເກີດຂຶ້ນນີ້. ໂດຍຍັງບອກເພີ່ມຕື່ມອີກວ່າ “ຫາກໃຜເປັນເຈົ້າຂອງເຄື່ອງ Galaxy Note7 ທັງລຸ້ນທຳອິດ ແລະລຸ້ນປ່ຽນໃໝ່ ໃຫ້ມອດເຄື່ອງແລະຢຸດໃຊ້ໂທລະສັບລຸ້ນດັ່ງກ່າວນີ້ໄປກ່ອນ”

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: Samsung News