ນາງສາວລາວ ປີ 2016 ຮູບຈາກ: ມິດປະຊາ ສິດທິຮັກປັນຍາ
ການປະກວດຄົ້ນຫາສາວທີ່ງາມທີ່ສຸດຂອງປະເທດລາວ ໃນໂຄງການປະກວດນາງສາວລາວ ປະຈຳປີ 2016 ໄດ້ສິ້ນສຸດລົງແລ້ວໃນຄ່ຳຄືນມື້ນີ້ ວັນທີ 8 ຕຸລາ 2016 ເຊິ່ງຜົນການປະກວດມີດັ່ງນີ້:

ຕຳແໜ່ງນາງສາວລາວ ປະຈຳປີ 2016 ໄດ້ແກ່ໝາຍເລກ: M19 ບຸດສະບາ ແສງປັນ ອາຍຸ 18 ປີ ຕົວແທນຈາກແຂວງໄຊຍະບູລີ ໄດ້ຮັບລາງວັນ ມຸງກຸດເພັດ, ໂທລະສັບ iPhone7plus ໂອບດ້ວຍຄຳສົດ, ເງິນສົດ 50,000,000 ກີບ, ລົດເກັງມູນຄ່າ 190,000,000 ກີບ 1 ຄັນ, ຄຳໜັກ 2 ບາດ ແລະລາງວັນອື່ນໆ

ຮອງອັນດັບ 1 ໄດ້ແກ່ໝາຍເລກ: M20 ຄິດສະໄໝ ບຸນຕີວໍລະວົງ ອາຍຸ 20 ປີ, ຕົວແທນຈາກແຂວງສະຫວັນນະເຂດ. ໄດ້ຮັບລາງວັນເງິນສົດ 25,000,000 ກີບ

ຮອງອັນດັບ 2 ໄດ້ແກ່ໝາຍເລກ: M18 ພອນວິໄລ ຫຼວງລາດ ອາຍຸ 18 ປີ ຕົວແທນຈາກນະຄອນຫຼວງວຽງຈັນ ໄດ້ຮັບລາງວັນເງິນສົດ 20,000,000 ກີບ ພ້ອມຂອງລາງວັນອື່ນໆ

ຮອງອັນດັບ 3 ໄດ້ແກ່ໝາຍເລກ: M13 ໄໝຄຳ ວິໄລວັນ ອາຍຸ 22 ປີ ຕົວແທນຈາກນະຄອນຫຼວງວຽງຈັນ ໄດ້ຮັບລາງວັນ ເງິນສົດ 15,000,000 ກີບ ແລະຂອງລາງວັນອື່ນໆ

ຮອງອັນດັບ 4 ໄດ້ແກ່ໝາຍເລກ: M6 ສະຕິວ ແສງສຸລິດ ອາຍຸ 21 ປີ ຕົວແທນຈາກແຂວງຊຽງແຂວງ ໄດ້ຮັບເງິນລາງວັນ 13,000,000 ກີບ ແລະລາງວັນອື່ນໆ

ນອກຈາກນັ້ນຍັງມີຜູ້ໄດ້ຮັບຕຳແໜ່ງຕ່າງໆ ເຊັ່ນ:

ນາງສາວຜິວງາມ ໄດ້ແກ່ໝາຍເລກ: M14 ເຂັມພອນ ດວງພະສິດ ອາຍຸ 23 ປີ ຕົວແທນຈາກຫຼວງພະບາງ

ນາງສາວມີສະເໜ່ ແລະ ນາງສາວຂວັນໃຈຊ່າງພາບ ໄດ້ແກ່ໝາຍເລກ: M19 ບຸດສະບາ ແສງປັນ ອາຍຸ 18 ປີ ຕົວແທນຈາກແຂວງ ໄຊຍະບູລີ

ນາງສາວມິດຕະພາບ ໄດ້ແກ່ໝາຍເລກ: M20 ຄິດສະໄໝ ບຸນຕີວໍຣະວົງ ອາຍຸ 20 ປີ ຕົວແທນຈາກແຂວງສະຫວັນນະເຂດ

ນາງສາວບຸກຄະລິກກະພາບດີ ໄດ້ແກ່ໝາຍເລກ: M13 ໄໝຄຳ ວິໄລວັນ ອາຍຸ 22 ປີ ຕົວແທນຈາກນະຄອນຫຼວງວຽງຈັນ

ນາງສາວໜ້າໃສສຸຂະພາບດີ ໄດ້ແກ່ໝາຍເລກ: M18 ພອນວິໄລ ຫຼວງລາດ ອາຍຸ 16 ປີ ຕົວແທນຈາກນະຄອນຫຼວງວຽງຈັນ

ນາງສາວ ຂວັນໃຈປະຊາຊົນ ໄດ້ແກ່ໝາຍເລກ: M3 ສຸພາພອນ ທຳມະວົງສາ ອາຍຸ 21 ປີ ຕົວແທນຈາກແຂວງອັດຕະປື