spot_img
Homeເກມບົດຄວາມເກມ: ມື້ນີ້ໃນອະດີດ ວັນທີ 8 ຕຸລາ

ບົດຄວາມເກມ: ມື້ນີ້ໃນອະດີດ ວັນທີ 8 ຕຸລາ

Published on

ວັນທີ 8 ຕຸລາ ປີ 2010 ຫຼືມື້ນີ້ເມື່ອ 6 ປີທີ່ແລ້ວ ເປັນມື້ວາງຈຳໜ່າຍຂອງເກມ Castlevania: Lords of Shadow ເທິງເຄື່ອງ PS3 ແລະ Xbox 360 ທີ່ກຸ່ມປະເທດສະຫະລາດອານາຈັກ. ໂດຍ Lords of Shadow ນີ້ຖືເປັນໂປຣເຈັກພາກຣີບູດຂອງ Castlevania ທີ່ທາງ Konami ມອບໝາຍໃຫ້ບໍລິສັດ MercurySteam ຈາກປະເທດສະເປນເປັນຜູ້ພັດທະນາ ພ້ອມກັບມີທີມ Kojima Productions ເປັນທີ່ປຶກສາ, ເຊິ່ງໂຄງການ Lords of Shadow ນັ້ນມີການວາງແຜນໃນຕອນທຳອິດວ່າຈະອອກເປັນແບບໄຕພາກ ໄດ້ແກ່: Lords of Shadow, Lords of Shadow – Mirror of Fate ແລະ Lords of Shadow 2. ເຊິ່ງ Lords of Shadow ພາກທຳອິດກໍຄືຈຸດເລີ່ມຕົ້ນຂອງການຕີຄວາມທີ່ມາຂອງແດຣັກຄູລ້າໃໝ່ ພ້ອມກັບໃຊ້ໂລເຄຊັ່ນຫຼັກເປັນຍຸກກາງໃນຢຸໂຣບຕອນໃຕ້.

ເນື້ອເລື່ອງຂອງ Castlevania: Lords of Shadow ຈະກ່າວເຖິງ ເກບຣຽວ ເບລມອນ (Gabriel Belmont) ນັກຮົບພາຄີແຫ່ງແສງທີ່ສູນເສຍ ມາຣີ (Marie) ເມຍຜູ້ເປັນທີ່ຮັກໄປ, ໂດຍເກບຣຽວໄດ້ສືບຮູ້ມາວ່າເຈົ້າແຫ່ງຄວາມມືດ (Lords of Shadow) ທັງ 3 ຄົນເປັນຜູ້ຄອບຄອງຊິ້ນສ່ວນຂອງ ໜ້າກາກເທວະ (God Mask) ກັນຄົນລະອັນ ເຊິ່ງໜ້າກາກເທວະທີ່ເວົ້ານີ້ມີພະລັງທີ່ສາມາດຄືນຊີບໃຫ້ກັບຄົນຕາຍໄດ້, ດັ່ງນັ້ນເກບຣຽວຈຶ່ງບຸກໄປທີ່ຮັງຂອງເຈົ້າແຫ່ງຄວາມມືດແລະລວບລວມຊິ້ນສ່ວນໜ້າກາກເທວະມາໃຫ້ຄົບເພື່ອທີ່ຈະຊຸບຊີວິດມາຣີໃຫ້ໄດ້. ແຕ່ແລ້ວເລື່ອງລາວທັງໝົດກໍເປີດເຜີຍ ຄວາມຈິງແລ້ວເຈົ້າແຫ່ງຄວາມມືດທັງ 3 ໄດ້ແກ່: ຄໍຣ໌ເນລ (Cornell), ຄາຣ໌ມິລລ້າ (Carmilla) ແລະ ໂຊເບກ (Zobek) ຕ່າງກໍເຄີຍເປັນຜູ້ຮ່ວມກໍ່ຕັ້ງພາຄີແຫ່ງແສງທີ່ເກບຣຽວສັງກັດຢູ່ ໂດຍ 3 ຄົນນີ້ເຄີຍຮ່ວມຕໍ່ສູ້ໃນສົງຄາມເພື່ອເປັນການຮັບໃຊ້ພະເຈົ້າມາຢ່າງດົນນານ ສຸດທ້າຍພໍສົງຄາມສິ້ນສຸດລົງ ທັງ 3 ຄົນກໍຢາກໄປຢູ່ຄຽງຂ້າງພະເຈົ້າເທິງສະຫວັນ ກໍເລີຍເຮັດພິທີສົ່ງວິນຍານໂຕເອງຂຶ້ນໄປ ແຕ່ວ່າສິ່ງທີ່ຂຶ້ນໄປເທິງສະຫວັນພັດມີພຽງຈິດໃຈດ້ານດີຂອງ ຄໍຣ໌ເນລ, ຄາຣ໌ມິລລ້າ ແລະໂຊເບກ (ປະມານວ່າພະເຈົ້າເລືອກເອົາແຕ່ດ້ານທີ່ດີໆໄປຢູ່ກັບໂຕເອງ), ສ່ວນຮ່າງກາຍແລະຈິດໃຈດ້ານມືດພັດຕິດຢູ່ເທິງໂລກມະນຸດເຮັດໃຫ້ຫຼອມລວມກັນກາຍເປັນຜີສາດ Lords of Shadow ທັງ 3 ໄປເລີຍ, ບໍ່ພໍເທົ່ານັ້ນເມື່ອເກບຣຽວລວບລວມຊິ້ນສ່ວນໜ້າກາກເທວະໄດ້ຄົບ ປະກົດວ່າໜ້າກາກພັດບໍ່ມີພະລັງຊຸບຊີວິດຄົນຕາຍແຕ່ຢ່າງໃດ ເຊິ່ງມີພຽງແຕ່ຊ່ອຍໃຫ້ເກບຣຽວໄດ້ແນມເຫັນວິນຍານຂອງມາຣີມີຊີ້ນໜັງຄືກັບຕອນທີ່ມີຊີວິດຢູ່ເທົ່ານັ້ນ. 

ນອກຈາກນີ້ໃນເນື້ອເລື່ອງຈາກ DLC ຂອງເກມຍັງມີການເຜີຍອີກວ່າ ຫຼັງຈາກທີ່ Lords of Shadow ທັງ 3 ເສຍຊີວິດລົງ ກໍເຮັດໃຫ້ຜີສາດ The Forgotten One ທີ່ທັງ 3 ເຄີຍຜະນຶກເອົາໄວ້ສະໄໝທີ່ຍັງເປັນມະນຸດຫຼຸດອອກມາໄດ້ແລະໝາຍຈະທຳລາຍໂລກໃຫ້ຈົບສິ້ນ ເກບຣຽວທີ່ກຳລັງສິ້ນຫວັງຈາກການຊຸບຊີວິດມາຣີບໍ່ໄດ້ກໍໄດ້ຮັບການຂໍຮ້ອງຈາກ ລໍຣ້າ (Laura) ທີ່ເປັນລູກລ້ຽງຂອງຄາຣ໌ມິລລ້າໃຫ້ຊ່ອຍໄປກຳຈັດຜີສາດຕົນນີ້ ແລະພໍເກບຣຽວກັບລໍຣ້າຊ່ອຍກັນເປີດປະຕູມິຕິເພື່ອທີ່ຈະບຸກໄປຂ້າ The Forgotten One ຈົນສຳເລັດ, ລໍຣ້າກໍບອກເກບຣຽວວ່າໃນມິຕິດັ່ງກ່າວມະນຸດທົ່ວໄປຈະບໍ່ສາມາດມີຊີວິດຢູ່ໄດ້ ເຊິ່ງເກບຣຽວຈະຕ້ອງດື່ມເລືອດຂອງລໍຣ້າຈົນໝົດເພື່ອປ່ຽນເປັນແວມໄພຣ໌ກ່ອນ, ເກບຣຽວຈຶ່ງຕັດສິນໃຈປະຖິ້ມຄວາມເປັນມະນຸດຂອງຕົນເອງແລ້ວເຂົ້າໄປສັງຫານ The Forgotten One ແລະຊ່ອຍໂລກໄວ້ໄດ້ອີກເທື່ອ ກ່ອນທີ່ຈະຫຼົບໜີໄປໃຊ້ຊີວິດຢູ່ຄົນດຽວຫຼາຍສະຕະວັດໃນຖານະແວມໄພຣ໌ທີ່ເຄີຍຖືກພະເຈົ້າຕົວະໃຊ້. 

ລະບົບການຫຼິ້ນຂອງ Lords of Shadow ຈະປ່ຽນຈາກແນວແອັກຊັ່ນລຸຍດ້ານຂ້າງ ມາເປັນແນວທີ່ເອີ້ນວ່າ Hack and Slash ຄ້າຍກັບເກມ God of War ຫຼື Devil May Cry, ເຊິ່ງອາວຸດຫຼັກຂອງເກບຣຽວຈະເປັນກາງເຂນທີ່ຍືດອອກມາເປັນແສ້ໄດ້ ໂດຍຈະມີອາວຸດເສີມເປັນມີດສັ້ນທີ່ໄດ້ຜົນດີຫາກໂຈມຕີສັດຕູທີ່ເປັນມະນຸດໝາປ່າ ຫຼືນ້ຳມົນທີ່ພວກແວມໄພຣ໌ແພ້ທາງເປັນຕົ້ນ ແລະເມື່ອເຮົາຫຼິ້ນໄປຮອດຊ່ວງໜຶ່ງ ເກບຣຽວຈະໄດ້ພະລັງ Light ແລະ Dark ມາໃຊ້ຄວບຄູ່ກັບແສ້. ເຊິ່ງພະລັງ Light ຈະຊ່ອຍໃຫ້ເວລາໂຈມຕີສັດຕູແລ້ວຈະດູດເອົາພະລັງຊີວິດມາເພີ່ມໃຫ້ໂຕເຮົາໄດ້, ສ່ວນພະລັງ Dark ຈະຊ່ອຍໃຫ້ໂຈມຕີສັດຕູໄດ້ແຮງຂຶ້ນ ຍິ່ງໄປກວ່ານັ້ນ ໂຕເກມຍັງມີລະບົບອັບເກຣດໂດຍນຳຄະແນນທີ່ໄດ້ຈາກການຂ້າສັດຕູມາໃຊ້ແທນເງິນເພື່ອອັບເກຣດໃຫ້ມີທ່າໃໝ່ໆໃຊ້ ລວມເຖິງຜູ້ຫຼິ້ນຕ້ອງນຳເກັບພລອຍສີຂຽວ, ຟ້າ ແລະແດງ ທີ່ຢູ່ກັບສົບທະຫານທີ່ເຊື່ອງຢູ່ຕາມສາກ ເພື່ອນຳມາຂະຫຍາຍເກດພະລັງຊີວິດແລະພະລັງ Light ກັບ Dark ໃຫ້ຍາວຂຶ້ນ ຈະໄດ້ໃຊ້ທ່າຕ່າງໆໄດ້ຫຼາຍເທື່ອນັ້ນເອງ.

Fact ເລັກນ້ອຍກ່ຽວກັບເກມ Castlevania: Lords of Shadow

  • Lords of Shadow ພາກທຳອິດນີ້ສາມາດເຮັດຍອດຂາຍລວມທົ່ວໂລກໄປໄດ້ 1.4 ລ້ານຊຸດ ແລະເປັນພາກທີ່ເຮັດຍອດຂາຍສູງສຸດນັບຕັ້ງແຕ່ເລີ່ມມີຊີຣີນີ້ມາ ໂດຍພາກທີ່ແຟນໆມັກຫຼາຍທີ່ສຸດແບບ Symphony of the Night ນຳມາເປັນອັນດັບ 2 ດ້ວຍຍອດຂາຍ 1.24 ລ້ານຊຸດທົ່ວໂລກ.

  • ໃນຕອນທຳອິດນັ້ນ ທາງທີມງານ MercurySteam ໄດ້ຂໍໃຫ້ ອຽນ ແມກເຄລເລນ (Ian McKellen) ນັກສະແດງອາວຸໂສທີ່ມີຜົນງານເດັ່ນຈາກບົດ ແກນດາບ ໃນຮູບເງົາ The Lord of the Rings ແລະ The Hobbit ມາເປັນຜູ້ພາກສຽງໂຕລະຄອນໂຊເບກ ແຕ່ດ້ວຍຄິວຂອງທ່ານແມກເຄລເລນນັ້ນຍາວຈົນບໍ່ສາມາດຮັບງານນີ້ໄດ້ ເຈົ້າໂຕເລີຍສະເໜີຊື່ ແພທຣິກ ສະຈ໊ວດ (Patrick Stewart) ໝູ່ທີ່ເປັນທີ່ຮູ້ຈັກຈາກບົດ ດ໋ອກເຕີ ຊາຣ໌ລ ເຊເວຍ ຈາກຮູບເງົາເລື່ອງ X-Men ມາເຮັດໜ້າທີ່ແທນ.

  • ສຳລັບເວີຊັ່ນ PS3 ໃນຕອນທີ່ຢູ່ໃນສາກ Loading ຂອງເກມ ຫາກຜູ້ຫຼິ້ນກົດປຸ່ມ ເທິງ, ເທິງ, ລຸ່ມ, ລຸ່ມ, ຊ້າຍ, ຂວາ, ຊ້າຍ, ຂວາ, ວົງມົນ, ຄູນ ກໍຈະປົດລ໋ອກ Cheat Menu ມາເພື່ອໂກງເກມໄດ້ ແຕ່ຂໍ້ຄວນລະວັງຄືການໃຊ້ Cheat Menu ຈະເຮັດໃຫ້ບໍ່ສາມາດເກັບໂທຣຟີ້ໃນເກມ ແລະຈະບໍ່ສາມາດບັນທຶກເກມໄດ້ນຳ. 

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...