- ນໍ້າອຸ່ນ: ໃນໄລຍະເປັນປະຈຳເດືອນ ສາວໆຈະສູນເສຍເລືອດ ການກິນນໍ້າອຸ່ນຫຼາຍໆ ຈະຊ່ວຍໃຫ້ເລືອດໄຫຼວຽນໄດ້ດີ ພ້ອມທັງຊ່ວຍໃຫ້ອາການປວດປະຈຳເດືອນເຊົາໄດ້
- ນໍ້າຂີງ: ຂີງເປັນສະໜຸນໄພຊະນິດໜຶ່ງທີ່ມີລົດຊາດເຜັດ ຊ່ວຍກະຕຸ້ນໃຫ້ເລືອດໄຫຼວຽນໄດ້ດີ ແລະການກິນນໍ້າຂີງອຸ່ນໆ ຈະຊ່ວຍບັນເທົາອາການຫົດຂອງກ້າມເນື້ອໄດ້, ນອກຈາກນີ້ ຍັງຊ່ວຍຫຼຸດອາການທ້ອງອືດ ໃນຊ່ວງເປັນປະຈຳເດືອນ ແລະຍັງສາມາດຫຼຸດອາການປວດຮາກໄດ້ອີກ
- ນໍ້າເຜິ້ງ ປະສົມນໍ້າອຸ່ນ ໝາກນາວ: ນໍ້າເຜິ້ງ ສາມາດຊ່ວຍບຳລຸງເລືອດໄດ້ ແລະຍັງຕ້ານການອັກເສບ, ຊ່ວຍບັນເທົາອາການທ້ອງອືດໄດ້, ນໍ້າໝາກນາວ ມີວິຕາມິນຊີສູງ ແລະສາມາດຕ້ານສານອະນຸມູນອິດສະລະ ເຊິ່ງມີສ່ວນຊ່ວຍບັນເທົາອາການປວດປະຈຳເດືອນຂອງສາວໆໄດ້, ສຳລັບນໍ້າອຸ່ນ ແມ່ນເຮັດໃຫ້ການໄຫຼວຽນຂອງເລືອດໄດ້ດີ ເມື່ອເຮົາກິນນໍ້າເຜິ້ງ ປະສົມກັບນໍ້າອຸ່ນໝາກນາວ ຈະຊ່ວຍການປວດປະຈຳເດືອນໄດ້ດີ
- ນໍ້າໝາກນັດ: ການກິນນໍ້າໝາກນັດຄັ້ນສົດ ສາມາດຊ່ວຍບັນເທົາອາການປວດປະຈຳເດືອນໄດ້ ເພາະໝາກນັດ ມີສັບພະຄຸນຊ່ວຍຜ່ອນຄາຍກ້າມເນື້ອໃນຮ່າງກາຍ ແລະສາມາດຊ່ວຍຫຼຸດປວດປະຈຳເດືອນໄດ້ດີ
- ຊາຂຽວ: ຊາຂຽວອຸດົມດ້ວຍ ສານຕ້ານອະນຸມູນອິດສະລະ ແລະຊ່ວຍຫຼຸດອາການປວດປະຈຳເດືອນໄດ້ດີ ແຕ່ກໍຄວນກິນຊາຂຽວອຸ່ນໆ ທີ່ບໍ່ປະສົມນໍ້າຕານ ແຕ່ຫາກໃສ່ນໍ້າເຜິ້ງແທນ
- ນົມອຸ່ນໆ: ນົມມີແຄວຊຽມສູງ ແລະຍັງມີແມັກນີຊຽມ ທີ່ຊ່ວຍຫຼຸດອາການປວດປະຈຳເດືອນ ແລະການກິນນົມອຸ່ນໆ ຍັງຊ່ວຍໃຫ້ກ້າມເນື້ອເກີດການຜ່ອນຄາຍ
ນອກຈາກນີ້ແລ້ວ ສາວໆທີ່ມີອາການປວດປະຈຳເດືອນຄວນຫຼີກລຽງເຄື່ອງດື່ມ ທີ່ມີສານຄາເຟອິນ, ນໍ້າອັດລົມ ແລະສານທີ່ມີແອວກໍຮໍ ທີ່ກະຕຸ້ນໃຫ້ເຮົາປວດປະຈຳເດືອນ, ພຽງເທົ່ານີ້ ການເປັນປະຈຳເດືອນກໍຈະບໍ່ປວດອີກຕໍ່ໄປ ແລະເຮັດໃຫ້ສຸຂະພາບດີຂຶ້ນ
ຕິດຕາມນານາສາລະ ກົດໄລຄ໌ເລີຍ!