ນອນຫຼັບຢູ່ດີໆ ບາດຮອດຕອນເດິກໆ ພັດຮູ້ເມື່ອ ບາດຈະກັບໄປນອນຄືນພັດນອນບໍ່ຫຼັບຊ້ຳ ເຊິ່ງມີລາຍຄົນມັກພົບກັບບັນຫານນີ້ ໂດຍສະເພາະຜູ້ສູງອາຍຸ ເຊິ່ງອາການແບບນີ້ຈະມີຜົນເສຍຕໍ່ສຸຂະພາບ ເພາະເຮັດໃຫ້ນອນບໍ່ພໍ ໃນຄໍລຳ ສຸຂະພາບວັນນີ້ ເຮົາເລີຍມີວິທີເຮັດໃຫ້ນອນຫຼັບມາແນະນຳໃຫ້ຄົນທີ່ມີບັນຫາໄດ້ລອງປະຕິບັດເບິ່ງ ເພື່ອເຮັດທ່ານນອນຫຼັບງ່າຍຂຶ້ນນັ້ນເອງ
ວິທີຊ່ວຍປັບປຸງການນອນຫຼັບ
- ຄວບຄຸມອຸນຫະພູມໃນຫ້ອງນອນໃຫ້ຢູ່ໃນລະດັບ 16-22 ℃ ເພາະອຸນຫະພູມລະດັບນີ້ຈະຊ່ວຍໃຫ້ນອນຫຼັບສະບາຍ
- ອາຫານຄ່ຳບໍ່ຄວນກິນອາຫານທີ່ມີຣົດຊາດເຜັດ ເພາະຈະເຮັດໃຫ້ອຸນຫະພູມຂອງຮ່າງກາຍທ່ານຮ້ອນເພີ່ມຂຶ້ນ ເປັນອີກໜຶ່ງສາເຫດທີ່ເຮັດໃຫ້ນອນຫຼັບຍາກ
- ໃສ່ເສື້ອຜ້າທີ່ຮູ້ສຶກວ່າໃສ່ແລ້ວສະບາຍບໍ່ໜາ ແລະ ບໍ່ບາງເກີນໄປ ເນື້ອໃຍຜ້າກໍ່ຮູ້ສຶກສະບາຍບໍ່ຄັນຄາຍ ບໍ່ອົບເອົ້າ
- ຄວນອາບນ້ຳອຸ່ນກ່ອນນອນ ເພາະຈະເຮັດໃຫ້ທ່ານຮູ້ສຶກຜ່ອນຄາຍ ແລະ ນອນຫຼັບງ່າຍຂຶ້ນ
- ຢືດເສັ້ນຢືດສາຍ ເຊັ່ນ: ການຍ່າງໄປມາ, ການອອກກຳລັງກາຍເບົາໆກ່ອນນອນ
- ພະຍາຍາມເຮັດໃຫ້ຈິດໃຈ ແລະ ຄວາມຄິດສະຫງົບຢຸດນິ້ງ ແລ້ວທ່ານຈະຄ່ອຍໆຜ່ອນຄາຍ ແລະ ນອນຫຼັບໄດ້
- ລອງປັບປ່ຽນເວລາການເຂົ້ານອນເພື່ອໃຫ້ເໝາະສົມກັບສະພາບຄວາມເປັນຈິງ ເຊັ່ນ: ບາງຄົນເຂົ້ານອນແຕ່ຫົວແລງ ພັດມັກຕື່ນຕອນເດິກ ແລ້ວນອນຕໍ່ບໍ່ຫຼັບ ກໍ່ຄວນປັບເວລາເຂົ້ານອນໃໝ່
ຂໍ້ມູນຈາກ: http://www.rak-sukapap.com/2016/10/blog-post_65.html
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!