ທາງການປະເທດ ເຊຍຣາ ລີອົງ ເຊິ່ງຢູ່ທາງພາກຕາເວັນຕົກຂອງທະວີບອາຟຣິກກາ ຢືນຢັນເມື່ອວັນຈັນ
14 ກໍລະກົດ ຜ່ານມານີ້ວ່າ ພົບເຊື້ອໄວຣັດ ” ອີໂບລາ ” ແຜ່ລະບາດລຸກລາມເຂົ້າສູ່ນະຄອນຟຣີທາວ ເມືອງ
ຫຼວງຂອງປະເທດແລ້ວ ໂດຍໃນຂະນະທີ່ຍອດຜູ້ເສຍຊີວິດຈາກການລະບາດຂອງເຊື້ອມໍລະນະດັ່ງກ່າວໃນ
ພູມີພາກອາຟຣິກກາຕາເວັນຕົກ ຍັງຄົງເພີ່ມຂຶ້ນຢ່າງບໍ່ຢຸດ ໂດຍລ່າສຸດແມ່ນມີຫຼາຍກ່ວາ 540 ລາຍ ເນື່ອງ
ຈາກເຊື້ອພະຍາດດັ່ງກ່າວນີ້ ຍັງບໍ່ສາມາດຫາທາງຮັກສາໄດ້.
ຊີດີ ຍາຢາ ຕູນິສ ຜູ້ອຳນວຍການສຳນັກຂໍ້ມູນຂ່າວສານ ແລະ ເຕັກໂນໂລຊີ ປະຈຳກະຊວງສາທາລະນະສຸກ
ແລະ ສຸຂາພິພານຂອງ ເຊຍຣາ ລີອົງ ລະບຸວ່າ ສະຖານະການແຜ່ລະບາດຂອງເຊື້ອໄວຣັດມໍລະນະອີໂບລາ
ໃນຊີເຣຍ ລີອົງ ກຳລັງເຂົ້າສູ່ຂັ້ນວິກິດ ຫຼັງພົບການລະບາດໃນເມືອງຫຼວງຂອງປະເທດ ຄືນະຄອນຫຼວງຟຣີ
ທາວ ທີ່ເປັນບ້ານຂອງປະຊາກອນຫຼາຍກ່ວາ 1.2 ລ້ານຄົນ ເປັນຄັ້ງທຳອິດ.
ທ່ານ ຕຸນິສ ຍັງຢືນຢັນເພີ່ມເຕີມອີກວ່າ ຈຳນວນຜູ້ຕິດເຊື້ອອີໂບລາໃນເຊຍຣາ ລີອົງ ໃນຂະນະນີ້ໄດ້ເພີ່ມ
ຂຶ້ນຢ່າງໜ້ອຍ 315 ລາຍແລ້ວ ເຊິ່ງໃນຈຳນວນດັ່ງກ່າວເສຍຊີວິດໄປແລ້ວ 99 ຄົນ.
ດ້ານອົງການອານາໄມໂລກ (WHO) ອອກມາຢືນຢັນວ່າ ເຊື້ອໄວຣັດມໍລະນະອີໂບລາ ໄດ້ພາກຊີວິດປະຊາ
ຊົນໃນ 3 ປະເທດແຖບອາຟຣິກກາຕາເວັນຕົກຄື: ກີນີ, ເຊຍຣາ ລີອົງ ແລະ ໄລບີເຣຍ ໄປແ້ລວຫຼາຍກ່ວາ
540 ຄົນ ພ້ອມເຕືອນອີກວ່າ ການລະບາດຂອງໄວຣັດຊະນິດນີ້ ອາດຍືດເຍື້ອຍາວນານຕໍ່ໄປອີກ 3 – 4
ເດືອນຂ້າງໜ້າ.
ເຊື້ອໄວຣັດອີໂບລາດັ່ງກ່າວນີ້ ຖືກຄົ້ນພົບເປັນຄັ້ງທຳອິດໃນໂລກ ເມື່ອ ຄ.ສ 1976 ໃກ້ກັບແມ່ນ້ຳອີໂບລາ
ດິນແດນທີ່ປະຈຸບັນເປັນປະເທດສາທາລະນະລັດຄອງໂກ ເຊິ່ງພົບການລະບາດໃນຄັ້ງນັ້ນກໍເຮັດໃຫ້ມີ
ຜູ້ເສຍຊີວິດຢ່າງໜ້ອຍ 280 ລາຍ.