spot_img
Homeມູມໄອທີລາວລັດຖະບານໄດ້ອອກແຈ້ງການ ເພີ່ມຕື່ມກ່ຽວກັັບໂທລະສັບ ຊຳຊຸງ ກາແລັກຊີ ໂນ໊ດ 7

ລັດຖະບານໄດ້ອອກແຈ້ງການ ເພີ່ມຕື່ມກ່ຽວກັັບໂທລະສັບ ຊຳຊຸງ ກາແລັກຊີ ໂນ໊ດ 7

Published on

ລັດຖະບານໄດ້ອອກແຈ້ງການ ເພີ່ມຕື່ມໂດຍເປີດທາງໃຫ້ບໍລິສັດ ແລະ ບັນດາຕົວແທນຈຳໜ່າຍສາມາດນຳເຂົ້າ ແລະຈຳໜ່າຍໂທລະສັບຊຳຊຸງກາແລັກ ຊີ ໂນ໊ດ 7 ໃນລາວ ຫຼັງທ້າຍເດືອນກ່ອນໄດ້ມີການສັ່ງຢຸດ, ແຕ່ເຄື່ອງທີ່ອະນຸຍາດ ນຳເຂົ້າຕ້ອງເປັນຮຸ່ນທີ່ໄດ້ຮັບການປັບ ປຸງແກ້ໄຂແລ້ວເທົ່ານັ້ນ ຂະນະທີ່ບໍລິສັດ ລາວຊຳຊຸງພ້ອມຈະສົ່ງມອບເຄື່ອງຜະລິດໃໝ່ໃຫ້ລູກຄ້າທີ່ໄດ້ລົງທະບຽນແຈ້ງ ຂໍປ່ຽນກ່ອນໜ້ານັ້ນ.

    ຈາກກໍລະນີກ່ອນໜ້ານີ້ທີ່ເປັນຂ່າວ ດັງເຖິງເຫດການໂທລະສັບຊຳຊຸງກາ ແລັກຊີ ໂນ໊ດ 7 ຊຶ່ງເປັນຜະລິດຕະພັນ ໃໝ່ຫຼ້າສຸດຂອງຍີ່ຫໍ້ ຊຳຊຸງ ເກີດມີບັນ ຫາຄວາມບົກພ່ອງໃນບາງອຸປະກອນ (ແບັດເຕີຣີລະເບີດ ແລະໄຟໄໝ້) ຢູ່ຕ່າງ ປະເທດ, ສປປ ລາວ ໃນນາມໜຶ່ງປະເທດ ໄດ້ນຳເຂົ້າກໍບໍ່ໄດ້ນີ້ງນອນໃຈ ມີຄວາມ ເປັນຫ່ວງເປັນໃຍຄວາມປອດໄພຜູ້ຊົມ ໃຊ້ ຫ້ອງການກະຊວງ ໄປສະນີ ໂທລະ ຄົມ ມະນາຄົມ ແລະການສື່ສານຕາງໜ້າລັດ ຖະບານ ຈິ່ງໄດ້ອອກແຈ້ງການສະບັບ ເລກທີ 2342/ຫກຊ ໃຫ້ບໍລິສັດຜູ້ນຳ ເຂົ້າຢຸດຕິການນຳເຂົ້າ ແລະຈຳໜ່າຍໂທ ລະສັບຮຸ່ນນີ້ເຂົ້າມາລາວນັບແຕ່ວັນທີ 20 ກັນຍາ 2016 ເປັນຕົ້ນມາ.

ເມື່ອສະພາບເປັນຄືແນວນັ້ນອີກ 8 ວັນຕໍ່ມາຄືວັນທີ 28 ເດືອນດຽວກັນ ບໍລິສັດ ລາວຊຳຊຸງເອເລັກໂຕຣນິກ ຈຳ ກັດຜູ້ດຽວ ຊຶ່ງເປັນບໍລິສັດທີ່ໄດ້ຮັບລິຂະ ສິດໃນການນຳເຂົ້າກໍໄດ້ຢື່ນເອກະສານ ທາງການຕໍ່ກະຊວງໄປສະນີໂທລະຄົມ ມະນາຄົມ ແລະການສື່ສານເພື່ອຊີ້ແຈງ, ຍອມຮັບຕໍ່ຄວາມບົກພ່ອງ ພ້ອມໄດ້ຢັ້ງ ຢືນຄືນການປັບປຸງ ແລະແກ້ໄຂບັນຫາທາງດ້ານເຕັກນິກຂອງໂທລະສັບຊຳຊຸງ ກາແລັກຊີ ໂນ໊ດ 7.

ຜ່ານການຄົ້ນຄວ້າເອກະສານລາຍງານ ດັ່ງກ່າວມາໃນວັນທີ 30 ກັນຍາ 2016 ຫ້ອງການກະຊວງໄປສະນີໂທລະຄົມ ມະນາຄົມ ແລະການສື່ສານ ຈິ່ງໄດ້ອອກ ແຈ້ງການເພີ່ນຕື່ມສະບັບເລກທີ 2443/ຫກຊ ເນັ້ນໃຫ້ບໍລິສັດລາວຊຳຊຸງ ແລະ ຕົວແທນຈຳໜ່າຍທົ່ວປະເທດດຳເນີນ ການໂດຍໄວເພື່ອຮຽກເກັບຄືນໂທລະ ສັບ ຊຳຊຸງ ກາແລັກຊີ ໂນ໊ດ 7 ຮຸ່ນທີ່ມີ ບັນຫາ ໄດ້ນຳເຂົ້າ ແລະຈຳໜ່າຍໃຫ້ລູກ ຄ້າກ່ອນໜ້ານີ້ທັງໝົດ ເພື່ອປ່ຽນແທນຄືນເຄື່ອງໃໝ່ທີ່ປັບປຸງແກ້ໄຂດ້ານເຕັກ ນິກແລ້ວ ໂດຍໃຫ້ນຶກເຖິງຜົນປະໂຫຍດ ຂອງລູກຄ້າເປັນສຳຄັນ.

ຂະນະດຽວກັນນັ້ນກໍໃຫ້ບໍລິສັດລາວ ຊຳຊຸງເອເລັກໂຕຣນິກ ຈຳກັດຜູ້ດຽວ ສາ ມາດນຳເຂົ້າ ແລະຈຳໜ່າຍໂທລະສັບ ດັ່ງກ່າວ ຮຸ່ນທີ່ໄດ້ຮັບການປັບປຸງແກ້ໄຂ ແລ້ວ ແລະກ່ອນຈະນຳເຂົ້າແຕ່ລະຄັ້ງບໍ ລິສັດຕ້ອງຢື່ນເອກະສານຂໍອະນຸຍາດ ແລະເອກະສານຢັ້ງຢືນດ້ານເຕັກນິກຫາ ກະຊວງໄປສະນີ ໂທລະຄົມມະນາຄົມ ແລະການສື່ສານຕາມລະບຽບກົດໝາຍ.

ແນວໃດກໍດີ ໃນວັນທີ 3 ຕຸລາ 2016 ບໍລິສັດ ລາວຊຳຊຸງເອເລັກໂຕຣນິກ ຈຳ ກັດຜູ້ດຽວ ໄດ້ມີຖະແຫຼງການໂດຍບໍລິ ສັດມີຄວາມພ້ອມແລ້ວທີ່ຈະສົ່ງມອບໂທ ລະສັບຊຳຊຸງ ກາແລັກຊີ ໂນ໊ດ 7 ເຄື່ອງ ທີ່ຜະລິດໃໝ່ໃຫ້ລູກຄ້າທີ່ລົງທະບຽນ ແຈ້ງຂໍປ່ຽນເຄື່ອງໃໝ່ລ່ວງໜ້າເລີ່ມແຕ່ ວັນທີ 5-9 ຕຸລານີ້ ,

ທັງນີ້ ລູກຄ້າສາມາດສັງເກດ ໂທລະ ສັບຊຳຊຸງ ກາແລັກຊີ ໂນ໊ດ 7 ຊຸດໃໝ່ ໂດຍເບິ່ງຢູ່ບ່ອນສີຂອງຮູບໄອຄອນແບັດ ເຕີຣີ ຊຶ່ງຊຳຊຸງໄດ້ທຳການປັບປ່ຽນຊອບ ແວທັງໝົດ 3 ຈຸດ ເພື່ອປ່ຽນສີໄອຄອນ ແບັດເຕີຣີຂອງ ກາແລັກຊີ ໂນ໊ດ 7 ໃຫ້ ເປັນສີຂຽວ.

ຂ່າວຈາກ: 

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ເຮັດໃຫ້ໄດ້ 220 ບັດຕໍ່ມື້ ກະຊວງປ້ອງກັນຄວາມສະຫງົບອອກແຈ້ງການ ໃນການເພີ່ມທະວີປະຕິບັດວຽກງານ ການອອກບັດປະຈຳຕົວດີຈີຕອນ

ກະຊວງປ້ອງກັນຄວາມສະຫງົບ ເລກທີ 01/ປສກ ນະຄອນຫຼວງວຽງຈັນ, ວັນທີ 07 ມັງກອນ 2026 ເຖິງ ບັນດາກອງບັນຊາການ ປກສ ແຂວງ, ກອງບັນຊາການ ນະຄອນຫຼວງວຽງຈັນ...

ເລັ່ງຟື້ນຟູຕົ້ນກາເຟ ແຂວງຈໍາປາສັກ ເລີ່ມເຄື່ອນໄຫວແນະນໍາ ຊາວສວນໃນການຮັບມື-ປ້ອງກັນ ນ້ຳໝອກ ທີ່ເປັນຕົ້ນເຫດ ເຮັດໃຫ້ຕົ້ນກາເຟເສຍຫາຍຈໍານວນຫຼາຍ

ພາຍຫຼັງທີ່ເມືອງ​ປາກຊ່ອງ​ ແຂວງ​ຈໍາປາສັກ​ ເກີດສະພາບອາກາດໜາວ​ເຢັນ​ ແລະ​ ເກີດນໍ້າໝອກເກືອ​ (ນໍ້າໝອກກ້າມ)​,​ ເຮັດໃຫ້ຕົ້ນກາເຟຂອງຊາວສວນ​ ໄດ້ຮັບຜົນກະທົບເປັນຈໍານວນຫຼາຍ.​ ຍ້ອນແນວນັ້ນ,​ ພະແນກກະສິກຳ ແລະ ສິ່ງແວດລ້ອມແຂວງຈໍາປາສັກ ຈິ່ງໄດ້ເຄື່ອນໄຫວແນະນໍາ ຊາວສວນໃນການປ້ອງກັນເກີດນ້ຳໝອກ...

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ. ສໍາເລັດຕິດປອກຄໍດາວທຽມ (Elephant Collaring) ໃຫ້ກັບຊ້າງປ່າໂຕທໍາອິດ ທີ່ປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ. ນີ້ຖືເປັນອີກບາດກ້າວໜຶ່ງທີ່ສໍາຄັນຕໍ່ວຽກງານອະນຸລັກຊ້າງປ່າໄລຍະຍາວ ໃນເຂດນໍ້າປຸຍ...

ໄຂຂຶ້ນຢ່າງເປັນທາງການ ກອງປະຊຸມລັດຖະບານ ເປີດກວ້າງ ຄັ້ງທີ II ປະຈຳປີ 2025 ຈັດຂຶ້ນລະຫວ່າງ ວັນທີ 12-13 ມັງກອນ 2026

ໃນຕອນເຊົ້າວັນທີ 12 ມັງກອນ 2026 ທີ່ຫໍປະຊຸມແຫ່ງຊາດ, ລັດຖະບານ ໄດ້ໄຂກອງປະຊຸມເປີດກວ້າງ ຄັ້ງທີ II ປະຈໍາປີ 2025 ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ...