ກອງທັບອາກາດອິນສະລາແອນ ເຕືອນໃຫ້ປະຊາຊົນທາງຕອນເໜືອຂອງເຂດກາຊາ ອົບພະຍົບ
ອອກຈາກພື້ນທີ່ ໂດຍການແຈ້ງເຕືອນດັ່ງກ່າວມີຂຶ້ນ ຫຼັງຈາກທີ່ທະຫານອິດສະລາແອນບຸກເຂົ້າ
ໄປທຳລາຍຖານຍິງລູກຈະຫຼວດຂອງກຸ່ມຮາມັສ ຈົນມີທະຫານອິດສະລາແອນບາດເຈັບເລັກໜ້ອຍ
4 ຄົນ, ໃນຂະນະທີ່ຊາວປາເລດຕິນ ເສີຍຊີວິດແລ້ວຢ່າງໜ້ອຍ 165 ຄົນ ແລະ ຜູ້ບາດເຈັບອີກ
1,000 ກ່ວາຄົນ ໃນປະຕິບັດການຈູ່ໂຈມຂອງອິດສະລາແອນ ເຊິ່ງເລີ່ມຂຶ້ນຕັ້ງແຕ່ວັນທີ 9 ກໍລະກົດ
ເປັນຕົ້ນມາ ຮອດມື້ນີ້ກໍເຂົ້າສູ່ມື້ທີ 6 ແລ້ວ ໂດຍກຸ່ມຮາມັສ ໃນເຂດກາຊາ ໄດ້ຍິງຈະຫຼວດຖະຫຼົ່ມ
ອິດສະລາແອນປະມານ 700 ລູກ ແຕ່ຍັງບໍ່ມີລາຍງານຂອງຜູ້ເສຍຊີວິດໃນຝັ່ງຂອງອິດສະລາແອນ.
ຄວາມສູນເສຍທີ່ເກີດຂຶ້ນ ເຮັດໃຫ້ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ມີມະຕິຮຽກ
ຮ້ອງໃຫ້ທັງສອງຝ່າຍ ເຄົາລົບກົດໝາຍມະນຸດສະທຳລະຫວ່າງປະເທດ ແລະ ຢຸດຢັ້ງການສູນເສຍ
ຊີວິດຂອງປະຊາຊົນ, ແຕ່ກໍຍັງບໍ່ມີຝ່າຍໃດຍອມປະຕິບັດຕາມ.
ການໂຈມຕີທາງອາກາດຂອງອິດສະລາແອນ ເລີ່ມຕັ້ງແຕ່ຕອນເຊົ້າຂອງວັນທີ 12 ກໍລະກົດ ໂດຍ
ເປົ້າໝາຍທີ່ຖືກໂຈມຕີ ຍັງລວມເຖິງສູນພັກພິງຜູ້ພິການໃນເຂດກາຊາອີກດ້ວຍ ໃນຂະະທີ່ກຸ່ມ
ຮາມັສ ກໍຕອບໂຕ້ໂດຍການຍິງຈະຫຼວດໃສ່ນະຄອນຢາລູຊາເລັມ ແລະ ນະຄອນເທອາວີບ, ແຕ່ລູກ
ຈະຫຼວດຫຼາຍລູກກໍຖືກລະບົບການຕໍ່ສູ້ອາກາດສະຍານຂອງອິດສະລາແອນສະກັດຍິງໄດ້.
ການບຸກເຂດກາຊາພາກພື້ນດິນ ຄັ້ງລ່າສຸດຜ່ານມາ ແມ່ນເກີດຂຶ້ນໃນປີ 2009 ເຊິ່ງຄັ້ງນັ້ນໄດ້ມີປະຊາ
ຊົນຊາວອິດປາເລດຕິນ ເສຍຊີວິດ 1,400 ຄົນ ແລະ ຊາວອິດສະລາແອນເສຍຊີວິດ 13 ຄົນ.