ການປະກວດ ໝາກອຶໃຫຍ່ 454 ກິໂລຂຶ້ນໄປ ທີ່ລັດຄາລິຟໍເນຍ

0
1622

ອີງຕາມການລາຍງານຂອງສຳນັກຂ່າວຕ່າງປະເທດລາຍງານ ວັນທີ 3 ຕຸລາຜ່ານມານີ້ວ່າ ປະຊາຊົນຫຼາຍຮ້ອຍຄົນ ອອກມາຮ່ວມງານເທດສະການໝາກອຶ ປະຈຳປີ ທີ່ຈັດຂຶ້ນ ວັນທີ 2 ຕຸລາ ທີ່ລັດຄາລິຟໍເນຍ ຊາວບ້ານຈະເອົາໝາກໄມ້ຕາມລະດູການມາຮ່ວມສະເຫຼີມສະຫຼອງ ແລະຈັດການໂຊ, ລວມຮອດມີການຈັດປະກວດຕ່າງໆ ແຕ່ໄຮໄລຂອງງານນີ້ຄື ການປະກວດໝາກອຶໃຫຍ່, ເຊິ່ງໝາກອຶ ທີ່ຖືກເອົາມາເຂົ້າຮ່ວມກິດຈະກຳຄັ້ງນີ້ ລ້ວນແຕ່ມີນໍ້າໜັກຫຼາຍກວ່າ 1.000 ປອນ ຫຼືປະມານ 454 ກິໂລຂຶ້ນໄປ

ສຳລັບຜູ້ທີ່ຊະນະການປະກວດໃນຄັ້ງນີ້ໄດ້ແກ່ ທ້າວ ຣັສ ກຣູດ ເຊິ່ງເປັນເຈ້າຂອງໝາກອຶໃຫຍ່ ນໍ້າໜັກ 1944,5 ປອນ ຫຼືປະມານ 882 ກິໂລ, ຜູ້ທີ່ຊະນະ ໄດ້ຮັບເງິນລາງວັນຄິດໄລ່ຕາມນໍ້າໜັກໝາກອຶ 1 ປອນ ໄດ້ເງິນ 7 ດອນລາ. ດັ່ງນັ້ນ ທ້າວ ກຣູດ ຈຶ່ງໄດ້ເງິນລາງວັນກັບບ້ານໄປປະມານ 13.611 ດອນລາສະຫະລັດ ຫຼືປະມານ 108.888.000 ກີບ