ຂປລ. ໃນວັນທີ 1 ຕຸລາ 2016 ນີ້ ໄດ້ເກີດເຫດນ້ຳຖ້ວມກະທັນຫັນຢູ່ບ້ານບວມເລົາເມືອງຈອມເພັດ ແຂວງຫລວງພະບາງ ເຊິ່ງເຮັດໃຫ້ປະຊາຊົນ 23 ຄອບຄົວໄດ້ຮັບຜົນກະທົບ.
ທ່ານ ພອນ ສະຫວັດ ນາຍບ້ານ ບ້ານບວມເລົາ ໄດ້ໃຫ້ສຳພາດວ່າ: ເຫດການນ້ຳຖ້ວມ ແມ່ນໄດ້ເກີດຂຶ້ນໃນເວລາປະມານ 9:30 ຂອງວັນທີ 1 ຕຸລາ ເນື່ອງຈາກມີຝົນຕົກໜັກໃນຫລາຍຊົ່ວໂມງ ໄດ້ເຮັດໃຫ້ນ້ຳຫ້ວຍໄຫລຊຸແຮງ ແລະ ໄຫລເຂົ້າຖ້ວມບ້ານເຮືອນຂອງປະຊາຊົນ ໃນນັ້ນເຮືອນເປ່ເພຈຳນວນ 4 ຫລັງຄາເຮືອນ, ເຮັດໃຫ້ວັດຖຸສິ່ງຂອງເຄື່ອງໃຊ້, ເຄື່ອງນຸ່ງຫົ່ມ ຂອງປະຊາຊົນຫຼາຍຄອບຄົວໄດ້ຮັບຄວາມເສຍຫາຍ ຫລາຍສົມຄວນ. ກ່ຽວກັບບັນຫາດັ່ງກ່າວ ທາງເມືອງກໍໄດ້ຈັດກຳລັງທະຫານຂອງເມືອງໃຫ້ການຊ່ວຍເຫຼືອ ໂດຍສະເພາະແມ່ນການຍົກຍ້າຍປະຊາຊົນ ແລະ ຊັບສິນຈໍານວນອອກຈາກພື້ນທີ່ນ້ຳຖ້ວມໄດ້ທັນ.
ຂ່າວຈາກ: ສຳນັກຂ່າວສານປະເທດລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!