ພາຍຸເຮີຣິເຄນແມດຣິວທີ່ີຮ້າຍແຮງທີ່ສຸດ ພັດເຂົ້າແຄຣິບບຽນ

0
1568

ອີງຕາມການລາຍງານຂ່າວຂອງສຳນັກຂ່າວສານຕ່າງປະເທດວັນທີ 2 ຕຸລາຜ່ານມານີ້ວ່າ ພາຍຸເຮີຣິເຄນແມດຣິວ ເປັນພາຍຸທີພັດມາຈາກມະຫາສະໝຸດອັດລັງຕິກ ທີ່ຮຸນແຮງທີ່ສຸດໃນຮອບສິບປີ ເຊິ່ງພາຍຸລູກນີ້ ພັດຢູ່ແຄມຝັ່ງໂຄລອມເບຍ ແລະເວເນຊຸເອລາ ຢູ່ທະເລແຄຣິບບຽນ ດ້ວຍຄວາມໄວຂອງພາຍຸປະມານ 240 ກິໂລແມັດຕໍ່ຊົ່ວໂມງ ເຊິ່ງຖືວ່າຮ້າຍແຮງທີ່ສຸດ ຫຼືລະດັບ 5 ແຕ່ບາງເວລາກໍຫຼຸດກຳລັງລົງເຫຼືອ 4 ແລະກໍ່ໃຫ້ເກີດຝົນຕົກແຮງ ຢູ່ທີ່ເຮຕິຈາເມກາ ເຮັດໃຫ້ທາງການຕ້ອງປະກາດເຕືອນໄພ ພ້ອມກັບສະຖານະການລະດັບສູງສຸດ ແລະໄດ້ກຽມພື້ນທີ່ຮອງຮັບຜູ້ທີ່ບໍ່ມີບ່ອນຢູ່ອາໄສຫຼາຍພັນຄົນ

ໃນຂະນະດຽວກັນ ທາງຫ້າງຮ້ານສັບພະສິນຄ້າ ຢູ່ທີ່ ຈາເມກາ ແມ່ນມີຄົນເຂົ້າໄປຊື້ເຂົ້າ, ປາ, ອາຫານ ໄວ້ ເພື່ອຄວາມສະດວກ, ທາງທະຫານກໍໄດ້ຮັບຄຳສັ່ງກຽມພ້ອມພາລະກິດຊ່ວຍເຫຼືອຜູ້ປະສົບໄພ, ສ່ວນການເຄື່ອນໂຕຂອງພາຍຸ ແມ່ນພັດໄປທາງທິດເໜືອ ແລະທິດຕາເວັນຕົກສ່ຽງເໜືອ ແມ່ນມີຄວາມຊ້າ ປະມານ 9 ກິໂລແມັດຕໍ່ຊົ່ວໂມງ ຄິດວ່າຈະພັດຮອດແຄມຝັ່ງເຮຕິ ຈາເມກາ ແລະຄິວບາ ໃນມື້ນີ້ ທີ 3 ຕຸລາ ຫຼືວັນທີ 4 ຕຸລານີ້ ແລະອາດຈະພັດໄປຫາລັດຟໍຣິດາຂອງສະຫະລັດ ໂດຍທີ່ພາຍຸລູກນີ້ ຖືວ່າຮ້າຍແຮງທີ່ສຸດນັບແຕ່ປີ 2007