spot_img
Homeຂ່າວການພັດທະນາເປີດຫ້ອງການສະຖາບັນ ລາວ-ອົດສະຕຣາລີ ແລະສູນສົ່ງເສີມພາສາຕ່າງປະເທດ

ເປີດຫ້ອງການສະຖາບັນ ລາວ-ອົດສະຕຣາລີ ແລະສູນສົ່ງເສີມພາສາຕ່າງປະເທດ

Published on

ໃນວັນທີ 7 ກັນຍາ 2016, ທ່ານ ພັນຄໍາ ວິພາວັນ ຮອງປະທານປະເທດ ແຫ່ງ ສປປ ລາວ ແລະ ທ່ານ ມາຄອມ ເທີນບູ  ນາຍົກລັດຖະມົນຕີແຫ່ງປະເທດອົດສະຕຣາລີ ໄດ້ໃຫ້ກຽດເຂົ້າຮ່ວມພິທີເປີດນໍາໃຊ້ຫ້ອງ ການສະຖາບັນລາວ-ອົດສະຕຣາລີ ແລະສູນສົ່ງເສີມພາສາຕ່າງປະເທດຄືນໃໝ່ ເຊິ່ງຕັ້ງຢູ່ບ້ານສີສະເກດ (ໜ້າຫໍພະແກ້ວ) ເມືອງຈັນທະບູລີ ນະຄອນຫລວງວຽງຈັນ, ພາຍຫລັງສໍາເລັດການບູລະນະສ້ອມແປງເມື່ອບໍ່ດົນມານີ້. ໂດຍໄດ້ຮັບທຶນຊ່ວຍເຫລືອຈາກລັດຖະບານອົດສະຕຣາລີ.

ທ່ານນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະກິລາ ກ່າວວ່າ: ໂຄງການບູລະນະຫ້ອງການດັ່ງກ່າວ ແມ່ນໄດ້ມີການປັບປຸງ ແລະສ້ອມແປງອາຄານເກົ່າແກ່ ໃຫ້ມີໃບໜ້າໃໝ່, ມີມາດຕະຖານ ແລະ ສອດຄ່ອງກັບການພັດທະນາໃນໄລຍະໃໝ່. ສູນແຫ່ງນີ້ ຈະມີບົດບາດສໍາຄັນໃນການພັດທະນາຊັບພະຍາກອນມະນຸດ ໃຫ້ແກ່ ສປປ ລາວ ໃນອະນາຄົດ ເພື່ອສ້າງຂີດຄວາມສາມາດໃຫ້ແກ່ພະນັກງານໃນລະດັບຜູ້ບໍລິຫານ ແລະລະດັບວິຊາການທີ່ຮັບຜິດຊອບດ້ານການວາງແຜນ ແລະການຄຸ້ມຄອງບໍລິຫານວຽກງານ ພັດທະນາຊັບພະຍາກອນມະນຸດ.

ຜ່ານມາໃນແຕ່ລະປີ ລັດຖະບານອົດສະຕຣາລີ ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາຊັບພະຍາ ກອນມະນຸດແກ່ ສປປ ລາວ ໂດຍໄດ້ສະໜອງທຶນໃຫ້ນັກສຶກສາ, ຄູ-ອາຈານ ແລະພະນັກງານ ໄປຮຽນຕໍ່ທີ່ປະເທດອົດສະຕຣາລີ ໃນຫລາຍສາຂາວິຊາ ເພື່ອປະກອບສ່ວນພັດທະນາ ສປປ ລາວ. ຕະຫລອດໄລຍະກວ່າ 50 ປີຜ່ານມາ ມີອະດີດນັກສຶກສາຂອງລາວຫລາຍກວ່າ 1.200 ຄົນ ທີ່ສໍາເລັດການສຶກສາ ຈາກປະເທດອົດສະຕຣາລີ, ປັດຈຸບັນ ອະດີດນັກສຶກສາດັ່ງກ່າວ ສ່ວນໃຫຍ່ເປັນພະນັກງານອາວຸໂສທີ່ເຮັດວຽກສັງກັດຢູ່ພາກລັດ, ສ່ວນຫລາຍເຮັດວຽກໃນຂະແໜງຄົ້ນຄວ້າ ແລະສິດສອນ, ອີກຈໍານວນໜຶ່ງກໍໄດ້ກາຍເປັນຜູ້ປະກອບການ ແລະນັກທຸລະກິດ ທີ່ປະສົບຜົນສໍາລັດ.

ໃນໂອກາດດຽວກັນ, ທ່ານ ນາຍົກລັດຖະມົນຕີອົດສະຕາລີ ກໍໄດ້ເປັນກຽດມອບທຶນການສຶກສາທີ່ຈະໄປຮຽນຕໍ່ຢູ່ປະເທດອົດສະຕຣາລີ ຈໍານວນ 31 ທຶນ ໃນລະດັບປະລິນຍາເອກ 4 ທຶນ, ປະລິນຍາໂທ 25 ທຶນ ແລະ ຊັ້ນສູງ 2 ທຶນ ໃນສາຂາວິສາວະກອນໄຟຟ້າແບບຍືນຍົງ, ການພັດທະນາຊຸມຊົນ, ການບັນຊີ, ເສດຖະສາດ, ວິທະຍາສາດສັງຄົມ ແລະອື່ນໆ.

ທີ່ມາ: ລາວພັດທະນາ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...