spot_img
HomeມູມໄອທີລາວApple ເປີດໂຕ Apple Watch Series 2 ມາພ້ອມ GPS ໃນໂຕ ແລະກັນນ້ຳໄດ້ 50 ແມັດ...

Apple ເປີດໂຕ Apple Watch Series 2 ມາພ້ອມ GPS ໃນໂຕ ແລະກັນນ້ຳໄດ້ 50 ແມັດ ພ້ອມປະກາດຮອງຮັບເກມ Pokémon GO!!

Published on

ຫຼ້າສຸດນີ້ ​Apple ໄດ້ຈັດງານອີເວັ້ນເປີດໂຕຜະລິດຕະພັນໃໝ່ຂອງບໍລິສັດຂຶ້ນມາຄືກັນກັບທຸກໆປີ, ໂດຍໃນປີນີ້ກໍຍັງມີເທັກໂນໂລຢີທີ່ເປັນຕາສົນໃຈຄືເກົ່າ ແລະໃນຕອນນີ້ເຮົາຈະມາເວົ້າເຖິງໂມງອັດສະລິຍະລຸ້ນໃໝ່ນັ້ນກໍຄື: Apple Watch Series 2. ເຊິ່ງໂຕໂມງອັດສະລິຍະນີ້ເວົ້າໄດ້ວ່າມີການປັບປຸງຕື່ມຈາກລຸ້ນກ່ອນຫຼາຍບໍ່ວ່າຈະເປັນ ການເພີ່ມແສງໃຫ້ຈໍ, ປັບປຸງໜ່ວຍປະມວນຜົນ ແລະຝັງ GPS ໄວ້ໃນໂຕ. 

ສຳລັບ Apple Watch Series 2 ແມ່ນມາພ້ອມກັບຊິບປະມວນຜົນລຸ້ນໃໝ່ແບບ S2 dual-core ແລະ GPU ໂຕໃໝ່ທີ່ມີປະສິດທິພາບຂຶ້ນເຖິງ 2 ເທົ່າ, ເຊິ່ງທາງແອັບເປິ້ນໄດ້ກ່າວວ່າ ການອັບສະເປັກຂຶ້ນນີ້ມັນຈະຊ່ອຍເຮັດໃຫ້ເພີ່ມຄວາມໄວໄດ້ຫຼາຍກວ່າລຸ້ນເກົ່າເຖິງ 50℅. ໜ້າຈໍເອງກໍເພີ່ມລະດັບຄວາມແຈ້ງຂຶ້ນ 2 ເທົ່າຢູ່ທີ່ 1000 nits. 

ສ່ວນໜຶ່ງໃນຄຸນສົມບັດທີ່ແອັບເປິ້ນເພີ່ມເຂົ້າມາໃໝ່ກໍຄື: ລະບົບ GPS ທີ່ຝັງໄວ້ໃນໂຕໂມງ, ເຊິ່ງຈະເຮັດໃຫ້ເຮົາບໍ່ຈຳເປັນທີ່ຕ້ອງພົກພາສະມາດໂຟນໄປໃສມາໃສນຳຢູ່ເລື້ອຍໆ ໃນຂະນະທີ່ຍ່າງ ຫຼື ແລ່ນອອກກຳລັງກາຍຢູ່. ນອກຈາກນີ້ແລ້ວໂຕໂມງເອງກໍຍັງສາມາດກັນນ້ຳໄດ້ໃນລະດັບຄວາມເລິກ 50 ແມັດ ອີກນຳ.

ສຳລັບ Apple Watch Series 2 ລຸ້ນອະລູມີນ້ຽມສະປອຣ໌ດ ແມ່ນເປີດໂຕມາໃນລາຄາ $369 (2.950.000 ກີບ) ແລະເລີ່ມເປີດໃຫ້ສັ່ງຈອງໃນວັນທີ 9 ກັນຍານີ້ ແລະຈະເລີ່ມຂາຍໃນວັນທີ 16 ກັນຍາ. 

ປິດທ້າຍຂ່າວກັນພ້ອມກັບແຟນໆເກມ Pokémon Go ນຳກັນເລີຍວ່ານີ້ຖືເປັນຂ່າວດີສຳລັບຄົນທີ່ມັກຫຼິ້ນເກມນີ້ ແຕ່ວ່າບໍ່ຢາກຈົກໂທລະສັບອອກມາຫຼິ້ນ ເຊິ່ງທາງ Apple ກໍໄດ້ປະກາດວ່າ Apple Watch ຈະຮອງຮັບເກມນີ້ນຳ ໂດຍຈະຕ້ອງເຊື່ອມຕໍ່ຜ່ານມືຖື ເຊິ່ງຄຸນສົມບັດຫຼັກໆຂອງເກມນີ້ໃນໂຕໂມງຈະເປັນການສະແດງໂປເກມອນທີ່ຢູ່ໃກ້ໆ, ໄລຍະທາງການຟັກໄຂ່, ຄ່າປະສົບການເປັນຕົ້ນ ລວມໄປເຖິງຄ່າການເຜົາຜານໄຂມັນອີກນຳ. ໂດຍແອັບນີ້ຈະຊ່ອຍໃຫ້ເຮົາບໍ່ຈຳເປັນຕ້ອງຈົກໂທລະສັບອອກມາໃຊ້ເລີຍ ພຽງແຕ່ເບິ່ງຢູ່ໂມງເທົ່ານັ້ນ ແລະໂຕແອັບຈະເລີ່ມປ່ອຍອອກມາໃຫ້ໃຊ້ໃນທ້າຍເດືອນນີ້.

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: 1 , 2

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...