spot_img
HomeມູມໄອທີລາວLG V20 ເປີດໂຕຢ່າງເປັນທາງການ ຮູບຊົງສວຍງາມ, ມີຄວາມແປກໃໝ່ ແລະມາພ້ອມລະບົບ Android 7.0 Nougat

LG V20 ເປີດໂຕຢ່າງເປັນທາງການ ຮູບຊົງສວຍງາມ, ມີຄວາມແປກໃໝ່ ແລະມາພ້ອມລະບົບ Android 7.0 Nougat

Published on

ເບິ່ງຄືວ່າ LG ເອງກໍຄົງຈະບໍ່ຍອມໃຫ້ຜູ້ຜະລິດຄົນອື່ນໆໄດ້ດິບໄດ້ດີກັນແລ້ວ, ເມື່ອຫຼ້າສຸດນີ້ໄດ້ມີການເປີດໂຕສະມາດໂຟນລຸ້ນໃໝ່ຢ່າງເປັນທາງການ ເຊິ່ງມີນາມວ່າ: LG V20. ສຳລັບຈຸດເດັ່ນໆທີ່ເຮົາເຫັນໄດ້ຊັດເຈນເລີຍກໍຄືດ້ານເທິງຂອງຈໍທີ່ປົກກະຕິແລ້ວ ຈະເປັນບ່ອນລວມສູນການແຈ້ງເຕືອນທີ່ເຮົາຕ້ອງຕູດລົງເພື່ອເບິ່ງ ແຕ່ສຳລັບລຸ້ນນີ້ແມ່ນມີຄຸນສົມບັດຢ່າງໜຶ່ງຄືເປັນຈໍທີສອງນັ້ນເອງ ທີ່ທາງ LG ເຄີຍໃສ່ມາແລ້ວໃນລຸ້ນ LG V10.

ນອກຈາກຄຸນສົມບັດຈໍທີສອງຂອງລຸ້ນນີ້ແລ້ວ ຜູ້ຂຽນຢາກຍ້ອງດ້ວຍຕົນເອງເລີຍວ່າໂຕເຄື່ອງມີການອອກແບບມາໄດ້ສວຍງາມຫຼາຍ (ບໍ່ລວມກ້ອງຫຼັງທີ່ຜູ້ຂຽນບໍ່ຄ່ອຍມັກທີ່ກ້ອງນູນອອກ) ແລະຍັງມາພ້ອມກັບລະບົບ Android 7.0 Nougat ລຸ້ນໃໝ່ຫຼ້າສຸດ ເຊິ່ງເປັນລຸ້ນທຳອິດຂອງໂລກທີ່ນຳມາໃຊ້. 

https://youtu.be/u8gf32H1WOs
ໂດຍຍັງມາພ້ອມກັບຊິບສຽງ Hi-Fi Audio ເປັນລຸ້ນທຳອິດຂອງໂລກທີ່ມາພ້ອມກັບລະບົບສຽງ 32-bit Hi-Fi Quad DAC ທີ່ຈະຊ່ອຍຫຼຸດສຽງລົບກວນໄດ້ເຖິງ 50%, ເຊິ່ງທາງ LG ຍັງອ້າງອີກວ່າຄຸນະພາບສຽງນັ້ນຈະໃຫ້ຄວາມຮູ້ສຶກແບບຮ້ອງສົດເລີຍຖ້າຫາກໃຊ້ກັບຫູຟັງທີ່ດີ ແລະຍັງມາພ້ອມກັບຊິບສຽງ Hi-Fi Video ຖ້າຫາກເປີດໃຊ້ງານລະບົບນີ້ຈະສາມາດບັນທຶກສຽງແບບ 24-bit lossless ຄວບຄູ່ກັບການຖ່າຍວີດີໂອໄດ້.

ສຳລັບລາຍລະອຽດສະເປັກຂອງ LG V20 ມີດັ່ງນີ້:

  • ສັດສ່ວນເຄື່ອງ: 159.7 x 78.1 x 7.7 ມມ
  • ນ້ຳໜັກ: 173 ກຣາມ
  • ໃຊ້ຈໍ IPS Quantum ຂະໜາດ 5.7 ນິ້ວ, ຄວາມລະອຽດ QHD ແລະຈໍ IPS Quantum 2.1 ນິ້ວ
  • ໃຊ້ງານຊິບປະມວນຜົນ Snapdragon 820
  • RAM 4GB
  • ROM 64GB ເພີ່ມກາຣ໌ດ microSD ໄດ້ 2 TB
  • ກ້ອງຫຼັງເລນຄູ່: 16 ລ້ານພິກເຊວ, f/1.8 ແລະ 8 ລ້ານພິກເຊວ, f/2.4 ເປັນກ້ອງມຸມກວ້າງ 135°
  • ກ້ອງຫຼັງຮອງຮັບລະບົບ OIS, ເລເຊີ້ໂຟກັດອັດຕະໂນມັດ, PDAF ແລະແຟລັດຄູ່ LED.
  • ກ້ອງໜ້າ: 5 ລ້ານພິກເຊວ, f/1.9 ແລະເປັນກ້ອງມຸມກວ້າງ
  • ເຊັນເຊີ້ສະແກນນິ້ວມືທີ່ດ້ານຫຼັງເຄື່ອງ
  • ໃຊ້ລະບົບ Android 7.0 Nougat ທັບດ້ວຍ LG UX 5.0+
  • ຮອງຮັບພອຣ໌ດ USB Type-C
  • ຮອງຮັບ Cat 12 LTE, Wi-Fi a/b/g/n/ac, Bluetooth 4.2, NFC
  • ແບັດເຕີຣີ 3200mAh
  • ຮອງຮັບລະບົບສາກໄວ Quick Charge 3.0

ສຳລັບ LG V20 ຈະມາພ້ອມກັບສີໄທທັນ, ສີເງິນ ແລະສີບົວ. ສ່ວນກຳນົດວາງຈຳໜ່າຍ ແລະລາຄາ ໃນຕອນນີ້ LG ຍັງບໍ່ໄດ້ປະກາດອອກມາເທື່ອວ່າຈະພ້ອມຈຳໜ່າຍຕອນໃດ

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: gizmochina

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...