ສຳນັກຂ່າວຕ່າງປະເທດ ລາຍງານໃນວັນທີ 5 ກັນຍານີ້ວ່າ ໃນມື້ວານນີ້ (04 ກັນຍາ) ທາງການສິງກະໂປ ໄດ້ກວດພົບຕື່ມອີກ 27 ກໍລະນີ ຜູ້ຕິດເຊື້ອພະຍາດໄວຣັສຊິກາລາຍໃໝ່ ເຮັດຈຳນວນຄົນຕິດເຊື້ອພະຍາດອັນຕະລາຍນີ້ ເພີ່ມຂຶ້ນເຖິງ 242 ຄົນ ພາຍຫລັງ ເຊື້ອພະຍາດໄວຣັສຊິກາ ໄດ້ຖືກພົບເຫັນຢູ່ປະເທດນີ້ ເປັນເວລາໜຶ່ງອາທິດ ຊຶ່ງລັດຖະມົນຕີກະຊວງຊັບພະຍາກອນນ້ຳ, ສິ່ງແວດລ້ອມ ແລະ ສາທາລະນະສຸກ ໄດ້ໃຫ້ຮູ້ວ່າ ທາງກະຊວງ ກຳລັງດຳເນີນຄວາມເປັນໄປໄດ້ ເພື່ອໃຫ້ຜູ້ທີ່ຖືກສົງໄສວ່າ ຕິດເຊື້ອພະຍາດຊິກາ ກັບຄືນໄປປິ່ນປົ່ວພະຍາດຢູ່ເຮືອນກ່ອນ ໃນໄລຍະເວລາວິເຄາະ ໂດຍພິຈາລະນາເຖິງຄວາມເປັນໄປ ເປັນແຕ່ລະກໍລະນີ ເພື່ອສົ່ງຄົນເຈັບກັບເມືອເຮືອນ ໃນການຟື້ນຟູສຸຂະພາບ ແລະ ເຕືອນໃຫ້ເຂົາເຈົ້າ ຕ້ອງລະມັດລະວັງຫ້າມບໍ່ໃຫ້ຍຸງກັດ.
ຕິດຕາມເຮົາທາງFacebook ກົດຖືກໃຈເລີຍ!