spot_img
Homeສຸຂະພາບ ແລະ ສີ່ງແວດລ້ອມພະຍາດມະເຮັງຊ່ອງປາກທີ່ຄວນເອົາໃຈໃສ່ຫຼາຍຂຶ້ນ

ພະຍາດມະເຮັງຊ່ອງປາກທີ່ຄວນເອົາໃຈໃສ່ຫຼາຍຂຶ້ນ

Published on

ເຖິງວ່າມະເຮັງຊ່ອງປາກຈະບໍ່ແມ່ນມະເຮັງທີ່ຕິດອັນດັບຕົ້ນໆຂອງມະເຮັງ ແຕ່ກໍ່ບໍ່ຄວນເບິ່ງຂ້າມເພາະເປັນແລ້ວເຊົາຍາກ ແລະ ມີອັດຕາການຫຼອດຊີວິດຕ່ຳກວ່າ 30%. ດັ່ງນັ້ນ, ຜູ້ທີ່ຢູ່ໃນກຸ່ມສ່ຽງຂອງພະຍາດນີ້ຄວນກວດປີລະເທື່ອ ແລະ ຖ້າມີຮອຍຂາວ ຫຼື ຮອຍແດງໃນຊ່ອງປາກຄວນເອົາໃຈໃສ່ເພາະອາດຈະເປັນເນື້ອຮ້າຍໄດ້.
ກຸ່ມສ່ຽງຂອງພະຍາດມະເຮັງຊ່ອງປາກ:
1. ຜູ້ທີ່ມີອາຍຸ 40 ປີຂຶ້ນໄປ ຈະພົບໃນເພດຊາຍຫຼາຍກວ່າເພດຍິງ.
2. ປັດໄຈສ່ຽງທີ່ສຳຄັນທີ່ສຸດຂອງພະຍາດນີ້ຄືການສູບຢາຮອງລົງມາແມ່ນການດື່ມເຫຼົ້າ ຫຼື ເຄື່ອງດື່ມແອລກໍຮໍ ແລະ ຈະມີຄວາມສ່ຽງຕໍ່ການເກີດມະເຮັງເພີ່ມຂຶ້ນເປັນ 15 ເທົ່າ.
3. ການກິນໝາກ, ຫຍ້ຳຢາສູບ, ອົບໝ້ຽງເປັນປະຈຳມີການສຶກສາພົບວ່າໃນໝາກຈະມີສານກໍ່ມະເຮັງເມື່ອຫຍ້ຳຮ່ວມກັບຢາເສັ້ນທີ່ມີສານກໍ່ມະເຮັງເຊັ່ນດຽວກັນກັບຢາສູບ ແລະ ຈະຍິ່ງເພີ່ມອັດຕາຄວາມສ່ຽງຕໍ່ການເປັນມະເຮັງໃນຊ່ອງປາກຂຶ້ນນຳ.
4. ການໄດ້ຮັບແສງແດດໂດຍກົງບໍລິເວນໃບໜ້າເປັນປະຈຳ ຫຼື ຮີບສົບຖືກແສງແດດແຮງໆເປັນປະຈຳກໍ່ສ່ຽງຕໍ່ການເປັນມະເຮັງຮີບສົບໄດ້ເຊັ່ນກັນ.
5. ການອະນາໄມຊ່ອງປາກໄດ້ບໍ່ດີເຊິ່ງກວດພົບວ່າຄົນທີ່ເປັນພະຍາດນີ້ເປັນກຸ່ມທີ່ເບິ່ງແຍງສຸຂະພາບຊ່ອງປາກບໍ່ສະອາດ.
6. ໃສ່ແຂ້ວປອມທີ່ແຕກຫັກ ຫຼື ແຂ້ວປອມທີ່ບໍ່ຖືກສຸຂະລັກສະນະ.
7. ການກິນຜັກ ແລະ ໝາກໄມ້ໜ້ອຍກໍ່ເປັນປັດໄຈສ່ຽງອີກຢ່າງໜຶ່ງ.
8. ມີປະຫວັດການຕິດເຊື້ອໄວຣັສ APV: ເປັນຕົ້ນແມ່ນກຸ່ມທີ່ມີເພດສຳພັນທາງປາກ ( oral sex ) ຈະສ່ຽງຕໍ່ການຕິເຊື້ອ APV ແລະ ຈະນຳໄປສູ່ການເປັນມະເຮັງຊ່ອງປາກໄດ້.
9. ມີການລະຄາຍເຄືອງໃນຊ່ອງປາກແບບຊ້ຳເຮື້ອຈາກແຂ້ວ ຫຼື ແຂ້ວແຕກບິ່ນຈົນເກີດຄວາມຄົມເຮັດໃຫ້ລະຄາຍເຄືອງເນື້ອເຍື້ອຊ່ອງປາກ.
10. ມີປະຫວັດບຸກຄົນໃນຄອບຄົວເຄີຍເປັນມະເຮັງບໍລິເວນທາງເດີນອາຫານສ່ວນເທິງ.
11. ມີພາວະພູມຄຸ້ມກັນຜິດປົກກະຕິ.

 

ທີ່ມາຈາກ: Lines Logo
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...