ຫວ່າງບໍ່ດົນມານີ້ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ
ສົມທົບກັບຫ້ອງການຊັບ ພະຍາກອນທຳມະຊາດ ແລະ ສິ່ງແວດລ້ອມເມືອງຊຳເໜືອ ໄດ້ລົງ
ເຜີຍແຜ່ກົດໝາຍວ່າດ້ວຍປ່າໄມ້ ແລະ ລະບຽບການຄຸ້ມຄອງປ່າປ້ອງກັນແຫ່ງຊາດ ພ້ອມ
ທັງຕິດປ້າຍ ແລະ ປັກຫຼັກເຂດປ່າປ້ອງກັນແຫ່ງຊາດ ແລະ ປ່າຟື້ນຟູໃຫ້ແກ່ກຸ່ມບ້ານຫົວຊຽງ
ເມືອງຊຳເໜືອ ແຂວງຫົວພັນ ໄດ້ຮັບຮູ້ເຂົ້າໃຈ ເຖິງຄວາມໝາຍສຳຄັນໃນການຄຸ້ມຄອງນຳ
ໃຊ້, ການປົກປັກຮັກສາປ່າໄມ້ຕາມແຫຼ່ງນ້ຳ, ຊີວະນາໆພັນໃຫ້ມີຄວາມອຸດົມສົມບູນບໍ່ໃຫ້ຕັດ
ໄມ້ຊະຊາຍຫັນສູ່ການຄຸ້ມຄອງຕາມລະບຽບກົດໝາຍ ໃນກຸ່ມບ້ານ ມີຈຳນວນ 8 ບ້ານຄື: ບ້ານ
ຄັງຖີ, ບ້ານຫ້ວຍຖຸມ, ບ້າຍຫ້ວຍຮ່ອມ, ບ້ານອົ້ງ, ບ້ານຖ້ຳ, ບ້ານກາງ, ບ້ານຫົວຊຽງ ແລະ ບ້ານ
ມ່ວນນາເຮືອງ.
ໃນ 8 ບ້ານມີ 591 ຄອບຄົວ, ມີພົນລະເມືອງ ທັງໝົດ 3.568 ຄົນ, ຍິງ 1.621 ຄົນ. ຜ່ານການຈັດ
ຕັ້ງປະຕິບັດລົງພື້ນທີ່ໄປແຕ່ລະບ້ານ ກຳນົດຂອບເຂດປ່າປ້ອງກັນແຫ່ງຊາດ ຟື້ນຟູໄດ້ 24 ເຂດ
ແລະ ຕິດປ້າຍຈຳນວນ 80 ປ້າຍ ຝັງຫຼັກເຂດຊາຍແດນປ່າປ້ອງກັນແຫ່ງຊາດໄດ້ 3 ຫຼັກ, ຕິດ
ປ້າຍລວມປ່າປ້ອງກັນແຫ່ງຊາດ ແຫຼ່ງນ້ຳຊຳ ແລະ ນ້ຳແອດໄດ້ 1 ປ້າຍ.
ເຂົ້າຮ່ວມໃນຄັ້ງນີ້ມີທ່ານ ນວນທອງ ອິນຕາວັນ ກຳມະການພັກເມືອງ, ຫົວໜ້າຫ້ອງການຊັບພະ
ຍາກອນທຳມະຊາດ ແລະ ສິ່ງແວດລ້ອມເມືອງ, ພ້ອມດ້ວຍຫົວໜ້າໜ່ວຍງານປ່າປ້ອງກັນແຫ່ງ
ຊາດ ຂະແໜງຊັບພະຍາກອນປ່າໄມ້ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ
ແລະ ອຳນາດການປົກຄອງ, ແນວໂຮມບ້ານເຂົ້າຮ່ວມ.
ແຫຼ່ງຂ່າວ: ໜັງສືພິມປະຊາຊົນ