ການແຂ່ງຂັນ ບານເຕະຍິງອາຍຸບໍ່ເກີນ 16 ປີ ຊີງແຊ້ມອາຊີ 2017 ຮອບຄັດເລືອກ ກຸ່ມ A, ທີມຊາດລາວ ອັນດັບທີ 2 ຂອງຕາຕະລາງ ມີ 6 ຄະແນນ ລົງສະໜາມ ນັດສຸດທ້າຍ ຈະພົບກັບ ທີມຊາດກວມ ອັນດັບທີ 5 ຂອງຕາຕະລາງ (ແຂ່ງໜ້ອຍກວ່າ ທີມຊາດລາວ 1 ນັດ).
ການແຂ່ງຂັນນັດດັ່ງກ່າວ ຈະມີຂຶ້ນໃນມື້ນີ້ ວັນທີ 03 ກັນຍາ 2016 ເວລາ 16:00 ທີ່ສະໜາມກິລາຊົນບູຣີ ປະເທດໄທ, ການລົງສະໜາມຂອງ ທີມຊາດລາວ ໃນນັດນີ້ ຈະເປັນນັດສຸດທ້າຍ ແລະ ເປັນນັດຊີ້ຊາຕາຂອງ ທັບນັກກິລາສາວລາວ ວ່າຈະສາມາດຜ່ານ ເຂົ້າໄປແຂ່ງຂັນ ໃນຮອບສຸດທ້າຍ ທີ່ປະເທດຈີນ ໃນທ້າຍປີ 2017 ໄດ້ຫຼືບໍ່. ຖ້າຫາກ ທີມຊາດລາວ ສາມາດເອົາຊະນະ ທີມຊາດກວມ ໃນນັດນີ້ໄດ້ ແມ່ນຈະສາມາດຜ່ານຂົ້າຮອບ ພ້ອມກັບ ທີມຊາດໄທ, ແຕ່ຖ້າເຮົາເກັບ 3 ຄະແນນບໍ່ໄດ້ໃນນັດນີ້ ຕ້ອງໄດ້ລຸ້ນຜົນ ການແຂ່ງຂັນຂອງຄູ່ອື່ນໆ ໂດຍສະເພາະ ຜົນການແຂ່ງຂັນຂອງ ທີມຊາດມຽນມາ ທີມອັນດັບທີ 3 ໃນຕາຕະລາງຄະແນນ.
ມື້ນີ້ເວລາ 16:00 ໂມງ ພວກເຮົາມາຮ່ວມສົ່ງກຳລັງໃຈ ໄປໃຫ້ທັບນັກກິລາສາວລາວ ໃຫ້ສາມາດເກັບ 3 ຄະແນນກັບບ້ານໃຫ້ໄດ້ ລາວສຼ້ໆ.
ຂ່າວຈາກ: http://laosportnews.com/index.php/news/article/630
ຕິດຕາມຂ່າວເສດຖະກິດລາວ ກົດໄລຄ໌ເລີຍ!