ສຳນັກຂ່າວຕ່າງປະເທດ ລາຍງານໃນວັນທີ 2 ກັນຍານີ້ວ່າ ໃນເວລາ 04:37 ໂມງ ຕາມເວລາທ້ອງຖິ່ນ ຂອງວັນທີ 2 ກັນຍາ 2016 ນີ້ ຊຶ່ງກົງກັບເວລາ 23:37 ໂມງຂອງຄືນວັນທີ 1 ກັນຍາຜ່ານມາ ຕາມເວລາໃນປະເທດລາວ ໄດ້ເກີດແຜ່ນດິນໄຫວຮຸນແຮງ ຂະໜາດ 7.1 ຣິກເຕີ້ ໃນຄວາມເລິກປະມານ 30 ກິໂລແມັດ ມີສູນກາງຫ່າງຈາກຊາຍຝັ່ງ ເມືອງກິສບອນ ປະເທດນິວຊີແລນ ໄປທາງຕາເວັນອອກສຽງເໜືອ ປະມານ 169 ກິໂລແມັດ ເຮັດໃຫ້ປະຊາຊົນພາກັນອົບພະຍົບຂຶ້ນສູ່ເຂດທີ່ສູງ ເນື່ອງຈາກຢ້ານເກີດຄື້ນຍັກສຶນາມິ ພັດເຂົ້າຖະຫລົ່ມຊາຍຝັ່ງ.  ແນວໃດກໍຕາມ ຫລັງຈາກຜ່ານໄປປະມານ 3 ຊົ່ວໂມງ ເຈົ້າໜ້າທີ່ກໍໄດ້ແນະນຳໃຫ້ ປະຊາຊົນກັບຄືນເຮືອນຊານໄດ້ຄືເກົ່າ ເນື່ອງຈາກກວດສອບແລ້ວ ຄື້ນສຶນາມິມີຄວາມສູງພຽງແຕ່ 30 ຊັງຕີແມັດເທົ່ານັ້ນ ຊຶ່ງໂຊກດີບໍ່ມີໃຜໄດ້ຮັບບາດເຈັບ ຫລື ເສຍຊີວິດ.

 
ຕິດຕາມເຮົາທາງFacebook ກົດຖືກໃຈເລີຍ!