ແປກແຕ່ຈິງ ເມື່ອຄູ່ຮັກເກຍ໌ ໃຊ້ການປະສົມທຽມໃຫ້ກຳເນີດແຝດ 3 ເປັນເດັກທີ່ເກີດຈາກ ດີເອັນເອ ຂອງຜູ້ຊາຍສອງຄົນ ຄັ້ງທຳອິດໃນໂລກ

ລາຍງານຂ່າວແຈ້ງວ່າ ທີ່ຕ່າງປະເທດເກີດເລື່ອງສຸດຮືຮາຂຶ້ນ ເມື່ອຄູ່ຮັກຊາວເກຍ໌ ຄູ່ໜຶ່ງສາມາດໃຫ້ກຳເນີດເດັກແຝດ 3 ຈາກດີເອັນເອ ຂອງຜູ້ຊາຍທັງສອງຄົນ ຈາກທ້າວ ຄຣິສໂຕ ແລະ ທີໂອ ເມເນລົວ

ໂດຍລາຍງານລະບຸວ່າ ສາເຫດທີ່ທັງຄູ່ສາມາດໃຫ້ກຳເນີດເດັກນ້ອຍຈາກດີເອັນເອທັງ 2 ຄົນນັ້ນ ເກີດຈາກວິວັດທະນາການທາງວິທະຍາສາດໃນການປະສົມທຽມໂດຍການໃຊ້ຕົວອ່ອນ (embryos) 2 ເອັມບຣິໂອ ນຳຕົວອ່ອນໜຶ່ງໄປປະສົມກັບອະສຸຈິຂອງ ທ້າວ ທີໂອ ແລ້ວນຳໄປຝາກໄວ້ໃນທ້ອງຂອງແມ່ຍິງຄົນໜຶ່ວທີ່ເປັນເພື່ອນບ້ານຂອງທັງຄູ່ເຊິ່ງສະໝັກໃຈຮັບໜ້າທີ່ຖືພາແທນ

ຈົນໃນທີ່ສຸດ ເດັກທັງສາມຄົນ ກໍ່ເກີດອອກມາຢ່າງປອດໄພ ເປັນຊາຍ 1 ຄົນ ແລະ ຍິງ 2 ຄົນ ທັງສາມມີນ້ຳໜັກເກີນ 1 ກິໂລກຣາມ ແຕ່ມີຄົນໜຶ່ງຕ້ອງໄດ້ຮັບການຜ່າຕັດຫົວໃຈ ເພາະບໍ່ແຂງແຮງເທົ່າພີ່ນ້ອງ

ແຝດທັງສາມມີຊື່ວ່າ ໂຈຊົວ, ໂຊອີ້ ແລະ ເຄທີ ທັງສາມໄດ້ຢູ່ໃນຄວາມດູແລຂອງແພດຢ່າງໃກ້ຊິດ ຈົນກວ່າແພດຈະໝັ້ນໃຈວ່າຝແດທັງສາມ ນັ້ນແຂງແຮງແລ້ວ ເຊິ່ງໂຈຊົວເປັນຄົນທຳອິດທີ່ໄດ້ອອກຈາກໂຮງໝໍເພື່ອກັບເມືອເຮືອນ ໃນວັນທີ 22 ກໍລະກົດ ທີ່ຜ່ານມາ ແລ້ວກໍ່ຕາມດ້ວຍໂຊອີ້ ໃນວັນທີ 1 ສິງຫາ ແລະ ເຄທີໃນວັນທີ 4 ສິງຫາ ທີ່ຜ່ານມາ

ຄຣີສໂຕ ແລະ ທີໂອ ພໍ່ຂອງແຝດທັງສາມຄົນນີ້ ຕັ້ງໃຈວ່າຈະພາລູກທັງສາມກັບໄປໃຊ້ຊີວິດທີ່ບ້ານເກີດໃນເມືອງ ພຣີຕໍເຣຍ ປະເທດແອຟຣິກາໃຕ້

ຂໍ້ມູນຈາກ: metro.co.uk ແລະ http://news.mthai.com/

http://www.posttoday.com/

ຕິດຕາມເຮາທາງFacebook ກົດຖືກໃຈເລີຍ!