ສຳນັກຂ່າວຕ່າງປະເທດລາຍງານຈາກນະຄອນອິສຕັນບລູ ປະເທດຕວັກກີເມື່ອວັນທີ 26 ສິງຫາ ວ່າເກີດເຫດລະເບີດລົດໂຈມຕີຈຸດກວດຂອງເຈົ້າໜ້າທີ່ ທີ່ຢູ່ໃກ້ກັບອາຄານບໍລິເວນສູນບັນຊາການຂອງສຳນັກງານຕຳຫຼວດ ປາບຈະລາຊົນໃນເມືອງຊິສເຣ ທີ່ຢູ່ທາງຕາເວັນອອກສຽງໃຕ້ຂອງຕວັກກີ ເມື່ອຕອນເຊົ້າຂອງວັນສຸກຕາມເວລາທ້ອງຖິ່ນ ແຮງລະເບີດເປັນເຫດໃຫ້ຕຳຫຼວດຢ່າງໜ້ອຍ 9 ຄົນເສຍຊີວິດ ແລະມີຜູ້ໄດ້ຮັບບາດເຈັບອີກບໍ່ຕ່ຳກວ່າ 70 ຄົນ ຂະນະທີ່ໂຕອາຄານໄດ້ຮັບຄວາມເສຍຫາຍຢ່າງໜັກ
ຫຼັງເກີດເຫດຍັງບໍ່ມີບຸກຄົນໃດອອກມາຮັບວ່າຢູ່ເບື້ອງຫຼັງ ແຕ່ຫຼາຍຝ່າຍເຊື່ອວ່າເປັນສີມືຂອງພັກຄົນງານເຄີດິສຖານ (ພີເຄເຄ) ເນື່ອງຈາກເມືອງຊິສເຣເປັນໜຶ່ງໃນພື້ນທີ່ ທີ່ມີການປະກາດບັງຄັບໃຊ້ເຄີຟິວມາດົນຫຼາຍເດືອນແລ້ວ ຈາກການຕັ້ງຢູ່ໃນເຂດພົນຂອງເຄເຄທີ່ລັດຖະບານກຳລັງເດີນນ້າປາບປາມຢ່າງນັກ ຫຼັງການເຈລະຈາສັນຕິພາບດົນເຖີງ 2 ປີເຄຶ່ງກາຍເປັນໂມຂະເມື່ອປີກາຍ
ຢ່າງໃດກໍ່ຕາມ ເຫດການຄັ້ງນີເກີດຂື້ນໃນຂະນະທີ່ ກອງທັບຕວັກກີປະຕິບັດການຢ່າງໜັກທັງທາງບົກດ້ວຍການຍິງປືນໃຫຍ່ ແລະການໂຈມຕີທາງອາກາດຈາກເຮືອບິນຂັບໄລ່ ຕາມແນວເຂດຊາຍແດນທາງຕອນໃຕ້ທີ່ຕິດກັບພາກເໜືອຂອງຣັສເຊຍ ເພື່ອກົດດັນໃຫ້ກອງກຳລັງປ້ອງກັນຕົນເອງຊາວເຄີດ (ວາຍພີຈີ) ທີ່ເປັນພັນທະມິດກັບພີເຄເຄ ຖອຍອອກຈາກເມືອງຈາຣາບລັສກັບໄປຍັງຖານທີ່ໝັ້ນເຊິ່ງຢູ່ທາງຕາເວັນອອກຂອງແມ່ນ້ຳຢູເຟຣຕິສຕາມເດີມ
ຂ່າວຈາກ: http://www.dailynews.co.th/foreign ແລະ http://www.news.com.la/detail/18311
ຕິດຕາມເຮາທາງFacebook ກົດຖືກໃຈເລີຍ!