- ກົກກະເດົາ: ທຸກສ່ວນຂອງກົກກະເດົາ ນັ້ນມີປະໂຫຍດຫຼາຍຢ່າງເຊັ່ນ:
- ຮັກສາສິວ: ເອົາໃບກະເດົາ 2-3 ໃບມາຕົ້ມ ເມື່ອເຢັນແລ້ວເອົາສໍາລີມາຈຸບນໍ້າກະເດົາທີ່ຕົ້ມໄວ້ ແລ້ວທາໃຫ້ທົ່ວໃບໜ້າ ແລະສາມາດນໍານໍ້າກະເດົາທີ່ຕົ້ມສຸກແລ້ວນັ້ນ ມາປະສົມກັບໂຢເກິດ ຫຼືເອົາມາປັ່ນກັບແຕງກວາ ທາໃຫ້ທົ່ວໃບໜ້າ ເພື່ອຫຼຸດຄວາມມັນຂອງຜິວໜ້າໄດ້ອີກ
- ຮັກສາຜິວແຫ້ງ: ເອົາໃບກະເດົາມາປັ່ນ ແລ້ວມາປະສົມກັບນໍ້າມັນໝາກອະງຸ່ນ ປະສົມ 2-3 ຢອດ, ເມື່ອປະສົມໃຫ້ເຂົ້າກັນເປັນເນື້ອນຸ່ມແລ້ວ ເອົາມາທາທົ່ວໃບໜ້າ ປະໄວ້ 15 ນາທີ ແລ້ວລ້າງອອກດ້ວຍນໍ້າເຢັນ ຜິວທີ່ແຫ້ງຈະກັບມານຸ່ມນວນອີກຄັ້ງ
- ຮັກສາບັນຫາເສັ້ນຜົມ: ເອົານໍ້າມັນກະເດົາມາທາຜົມ ແລ້ວນວດໃຫ້ທົ່ວຫົວ ເຮັດໃຫ້ຮາກຜົມແຂງແຮງ ແລະສຳລັບລັງແຄ ໃຫ້ເອົາຜົງກະເດົາປົ່ນ ມາປະສົມກັບນໍ້າ ທາໃຫ້ທົ່ວຫົວ ປະໄວ້ປະມານ 1 ຊົ່ວໂມງ ແລ້ວສະອອກຕາມປົກກະຕິ
- ໝາກຂາມປ້ອມ: ເວລາເຮົາກິນໝາກຂາມປ້ອມຈະຮູ້ສຶກຝາດເຝື່ອນທີ່ສຸດ ແຕ່ພໍກິນນໍ້າລົງໄປຈະຫວານ, ຄຸນປະໂຫຍດດ້ານຄວາມງາມຍິ່ງໜ້າສົນໃຈ ເພາະເປັນແຫຼ່ງອຸດົມໄປດ້ວຍວິຕາມິນ
- ຫຼຸດອາການຜົມຫຼົ່ນ: ນໍ້າຜົງໝາກຂາມປ້ອມ ຫຼືນໍ້າໝາກຂາມປ້ອມ ປະມານ 2 ບ່ວງແກງ ມາປະສົມກັບນໍ້າໝາກນາວຄັ້ນສົດໆ 2 ບ່ວງແກງ ຄົນໃຫ້ເຂົ້າກັນ ຈາກນັ້ນເອົາມາທາໃຫ້ທົ່ວຫົວ ປະໄວ້ຈົນແຫ້ງ ແລ້ວລ້າງອອກດ້ວຍນໍ້າອຸ່ນ
- ຂີ້ມິ້ນ: ມາເບິ່ງເຄັດລັບກັນດີກວ່າວ່າເຮັດແນວໃດແດ່ຈຶ່ງມີປະໂຫຍດ
- ຫຼຸດຜິວແຕກລາຍ: ເອົາຂີ້ມິ້ນຜົງມາປະສົມກັບແປ້ງເບສັນ ແລະໂຢເກິດເຂົ້າກັນ ຈາກນັ້ນເອົາມາທາບໍລິເວນທີ່ເປັນຜິວແຕກລາຍ ຈະຊ່ວຍຫຼຸດຮອຍແຕກໃຫ້ເປັນສີດຽວກັບເນື້ອຜິວ
- ຫຼຸດຮອຍແຫ່ວຍານເທິງໃບໜ້າ: ປະສົມແປ້ງເຂົ້າຈ້າວ, ນົມສົດ ແລະນໍ້າໝາກເລັ່ນ ໃນປະລິມານເທົ່າກັນ ຈາກນັ້ນເອົາຜົງຂີ້ມິ້ນ ຖອກລົງໃນສ່ວນປະສົມດັ່ງກ່າວ ຄົນໃຫ້ເຂົ້າກັນຈົນເປັນຄີມໜຽວຂຸ້ນທາໃຫ້ທົ່ວໃບໜ້າ, ປະໄວ້ໃຫ້ແຫ້ງ ແລ້ວລ້າງດ້ວຍນໍ້າທີ່ສະອາດ
- ຫຼຸດສົ້ນເທົ້າແຕກ: ເອົານໍ້າມັນໝາກພ້າວ ປະສົມກັບຂີ້ມິ້ນຜົງ ທາປະໄວ້ 15 ນາທີ ແລ້ວລ້າງອອກໃຫ້ສະອາດ
- ໃບກະເພົາ: ຄຸນປະໂຫຍດດ້ານຄວາມງາມຂອງໃບກະເພົາມີຫຼາຍຢ່າງເຊັ່ນ:
- ຮັກສາສິວ ແລະເຮັດໃຫ້ຜິວນຸ່ມຊຸ່ມຊື່ນ: ເດັດເອົາໃບກະເພົາມາຈຳນວນໜຶ່ງ ປັ່ນໃຫ້ລະອຽດ ປະສົມກັບນົມສົດ ແລ້ວເອົາມາທາໃຫ້ທົ່ວໃບໜ້າ ປະໄວ້ໃຫ້ແຫ້ງແລ້ວລ້າງອອກດ້ວຍນໍ້າທີ່ສະອາດ
- ຊ່ວຍໃຫ້ແຂ້ວຂາວ: ເອົາໃບກະເພົາ 2-3 ໃບ, ມາຕາກໃຫ້ແຫ້ງ ແລ້ວເອົາມາປົ່ນເປັນຜົງ ຈາກນັ້ນເອົາມາປັ່ນກັບສົ້ມ ຈົນເປັນເນື້ອດຽວກັນ ແລ້ວຈຶ່ງເອົາມາຖູແຂ້ວ ແລ້ວບ້ວນອອກດ້ວຍນໍ້າສະອາດ
ທີ່ມາ: kapook
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ